Hagae 2:17 - AHYERƐLƐ KRONGRON

¹⁷ Mvale fieso nningyein kesenɛ, asukuo ne asukɔtwea nzɛkyele ɛmɔ sa noa adwuma mukoraa; nakoso ɛmɔanza bamma me berɛ, AWURADE noa dwirɛ ɛne.

Hagae 2:17 Iomraidhean Croise

Gyenesise 42:23

Né bɛnze kyɛ Yosef te edwirɛ bɔ bɛka ne abo ɔ, ofikyɛ né sona bie wɔ berɛ bɔ okyire bɛ dwudwolɛ ne abo ɔ.

Gyenesise 42:27

Beedwuli asikyeleɛ, na bɛ nu ko sangyele ye bɔtɔ anoa kyɛ ɔma ye afunum aleɛ nen, onwuni kyɛ ye sikaa ne wura aburoo ne anu wɔ ye bɔtɔ ne anoa ɔ.

Gyenesise 42:6

Né Yosef yeɛ ɔte amrado wɔ maen ne anu ɔ. Né ye yeɛ ɔtɔne aleɛ ma maen ne anu ama mukoraa ɔ. Yosef aliɛma mɔ wale, na bɛfale bɛ nyunu bebutubutuli ase bɛkotole ye.

1 Ahemvo 8:37

“Sɛ ɛhɔen piri, anaa ɛhawo piri, anaa fieso nningyein kesenɛ, anaa asukuo, anaa mmɛbɛ, anaa nduro ba maen ye anu; sɛ bɛ pɔfoɛ mɔ kã bɛ mia wɔ bɛ nguro ne biala so sɛ ɛhawo piri anaa anwonyerɛ biala to bɛ,

2 Aberɛso Dwirɛ 28:22

Mmerɛ bɔ sɔ Nana Ahase ye ala onwu amaneɛ ne po ne, obubuli mmakaa tuale ye so bɔ wandie AWURADE dwirɛ ɔ.

2 Aberɛso Dwirɛ 6:28

“Sɛ ɛhɔen piri, anaa ɛhawo piri, anaa fieso nningyein kesenɛ, anaa asukuo, anaa mmɛbɛ, anaa nduro ba maen ye anu; sɛ bɛ pɔfoɛ mɔ kã bɛ mia wɔ bɛ nguro ne biala so, sɛ ɛhawo piri anaa anwonyerɛ biala ba bɛ so,

YOB NWOMAA NE 36:13

“Bɛ bɔ benzuro Nyameɛ ne, bɛte nzɛmmɔtia, na sɛ Nyameɛ twe bɛ so po a, benzu bɛmvrɛ ye.

Edwein 128:2

Ofikyɛ ekoli wɔ bɔbɔ wɔ sa noa adwuma nwo mvasoɛ; wɔ nye kɔgye, na okoyie wɔ yé.

Edwein 78:46

Ɔmane nduro mɔ lili bɛ fieso nningyein, na ɔmane mmɛbɛ lili aleɛ bɔ bafɛ ye nwo banya ne koso.

Yesaya 28:2

Ɛ́mɔtie, AWURADE le ebie bɔ ɔte anwoserɛniɛ ne katakyie ɔ; ɔte kyɛ asukɔtwea bɔ ɔtɔ gua ɔ, mvrama piri bɔ ɔsɛkye nikye ɔ, ɔte kyɛ asue bɔ wayi bɔ opia nningyein kɔ ɔ, na ɔkɔfa ye sa kogyi ye kɔto aseɛ so.

Yesaya 37:27

Ye sɔ ne ati, so ama nemɔ b’anwoserɛ te kãa, besuro, na bɛ nyunu agua ase; bakakyi kyɛ eburo ndire, bɛyɛ mmerɛ kyɛ ɛserɛ bɔ wafifi foforɛ ɔ, bayɛ kyɛ ndire bɔ wafifi wɔ sua so anwuro, bɔ ɔkese ná onnyi ɔ.

Yesaya 42:25

Ye sɔ ne ati, ɔmane ye ahone huli Yisrael so paa, na ɔmane koɛ piri paa tole ye. Ye ahonehulɛ ne, ogyele kyɛ see fale ye nwo amu, nakoso wande ye bo, ɔyerale ye, nakoso wanzua nworɛ wamvi nu.

Yesaya 62:8

AWURADE afa ye sa famaa ne ye tumi asaa ne wata ndaen kyɛ, “Amba, mengɔfa w’aburoo mengɔma wɔ pɔfoɛ mɔ ma ɔngɔyɛ b’aleɛ ko, yeɛ amanvrafoɛ koso, bɛngɔno wɔ nzaa bɔ afɛ wɔ nwo ayɛ ne ko.

Yesaya 9:13

Nakoso maen ne anza angɔ ye bɔ ɔhwene bɛ so ne berɛ, yeɛ bambena Asafo AWURADE si atee.

Yeremia 3:24

“Nakoso ofi yɛ mmerandeɛ nu yeɛ sɔ animguaseɛ nikyee ne wamaa bɔ yɛ nana mɔ bafɛ bapena ne amukoraa wafi yɛsa ɔ: bɛ mmoaen ne bɛ nandwie, yeɛ bɛ mma mmienzua ne bɛ mma mmrasua.

Yeremia 5:3

Ao AWURADE, aso nna nahorɛ yeɛ wɔ nye pena kyɛ onwu ye ɔ? Ahwe bɛ so, nakoso wanyɛ bɛ yea; ahũhũ bɛ, nakoso bamva ɛhe bandu bɛ nwo foɛ, bɛ nyunu porɛ bɔ babɔ ɔ, ɔtra nyɔboɛ, na bayɛ b’adwene kyɛ bɛngɔsakyera.

Amose 4:6

“Mmane ɛmɔ noa aleɛ bɔle ɛmɔ wɔ ɛmɔ nguro nemɔ amukoraa so, yeɛ ɛhɔen wale ɛmɔ atenaleɛ nemɔ amukoraa nu, nakoso ɛmɔanza bamma me berɛ, AWURADE noa dwirɛ ɛne.

Hagae 1:11

Na mato me sa mafrɛ wawa kandinga paa maa wape aseɛ so, mmokaa so, aburoo so, nzaa monɛ so, ngoo so, nikyee biala bɔ benya befi aseɛ so ɔ so, mmenia so, nyɛmmoa so, ɔne ɛmɔ sa noa adwuma mukoraa so.”

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Hagae 1:9

Né ɛmɔ nye la ate kyɛ ɛmɔkonya fieso nningyein pee, nakoso, ɛ́mɔnea, ɔyɛle aleɛ kaaba bie. Na ɛmɔfa bɛwale awuro nen, nhu nguale. Nzu ɔ? Bɔ Asafo AWURADE bisa hɔ ɛne. M’awuro ne bɔ wabubu wagua ne ati ɔ, wɔ aberɛ bɔ ɛmɔ de, ebiala nye aboro osi ye bɔbɔ ye awuro ɔ.

Hagae 2:16

ɛmɔ asetena nu te ɛmɔ sɛ? Sɛ ebie ba kyɛ ɔbaabu aburoo kɛndɛen aburanyɔ a, onya buru; sɛ ebie ba nekaa bɔ bekyi mmakaammaa nu bɛyɔ nzaa kyɛ ɔbaafa nzaa bua aburannu a, aburanyɔ yeɛ onya ɔ.

Malaki 3:11

Ɛmɔ ti ngosi sɛkyefoɛ ne ate, amaa ɔnate so wanzɛkye ɛmɔ aseɛ so aleɛ ne; yeɛ ɛmɔ fieso bobe amui ne ngɔporo ngogua, Asafo AWURADE noa dwirɛ ɛne.

Deuteronomi 28:22

AWURADE kɔma ɛfɔen, ebunu ne ɛfokyɛlɛ kɔwa wɔ so; wawa kɔpe serɛserɛ, ewienu kɔyɛ hye, anwonyerɛ kɔha wɔ fieso nningyein, na amaneɛ hemɔ koli wɔ si toonn kɔpem kyɛ ekowu ɔ.

Nyekyire 2:21

Mama ye mmerɛ kyɛ ɔfa sakyera fi ye adwamanbɔlɛ nu, nakoso wanzakyera.