Hagae 2:14 - AHYERƐLƐ KRONGRON

¹⁴ Yeɛ Hagae toale so sele kyɛ, “Sɔ ala yeɛ mmenia hemɔ bɛte ɔ, sɔ ala yeɛ maen he te wɔ me nyunu ɔ, AWURADE noa dwirɛ ɛne. Sɔ ala yeɛ bɛ sa noa adwuma biala te ɔ; yeɛ bɔ bɛfa bɛbɔ afɔleɛ bɛma me wɔ dɔ ne koso, ye nwo nde.

Hagae 2:14 Iomraidhean Croise

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 21:27

Bɔnefoɛ afɔleɛ te akyiwadeɛ, na sɛ ɔfa adwene tɛɛ ɔbɔ afɔleɛ ne po de a, ye de né wasram so!

Anyandera 21:4

Anyeɛ bɔ ɔnzɔ sona ne anwomasoɛ, bɛte bɔnefoɛ kanea, bɛte bɔne.

Anyandera 28:9

Sɛ ebie prapra ye so asi wɔ mmeraa ne anwo a, ye mbaeɛ po ɔte akyiwadeɛ.

Yesaya 66:3

“Sona bɔ oku nandwie ne, ɔte kyɛ bɔ oku mmenia ɔ ala, bɔ ɔfa boaen bɔ afɔleɛ ne, ɔte kyɛ bɔ obu kyea kɔme anu ɔ, bɔ ɔbɔ aburoo afɔleɛ ne, ɔte kyɛ bɔ ɔfa prako mogya bɔ afɔleɛ ɔ, bɔ ɔyera ɛyɛɛ ne, ɔte kyɛ sona bɔ ɔsɔ amoen ɔ. Bɛ de, bali bɛ bɔbɔ bɛ ti piri, na b’akyiwadeɛ nemɔ yeɛ bɛ kra nye gye ye nwo ɔ.

Hosea 9:4

Bɛngɔbɔ anonneɛ afɔleɛ bɛngɔma AWURADE, yeɛ b’afɔleɛ mɔ ngɔsɔ ye nye. B’afɔleɛ kɔyɛ kyɛ ɛsɛenvoɛ aleɛ kɔma bɛ; ebiala bɔ okoli bie ne, ye nwo kogua fiɛ, ofikyɛ b’aleɛ ne, bɛ bɔbɔ yeɛ bekoli ɔ, na ɔngɔwa AWURADE awuro berɛ.

Tito 1:15

Nikyee biala nwo te ma bɛ bɔ bɛ nwo te ɔ; nakoso bɛ bɔ bɛ nwo nde ná benne benni ne de, nikye fee nwo nde mma bɛ; ofikyɛ b’adwene ne bɛ tiboa nwo agua fiɛ

Yuda 1:23

ebiemɔ koso, ɛ́mɔhwe bɛ béfi see nu bele bɛ ngoa; ebiemɔ koso, ɛ́mɔfa anwowosolɛ benwu bɛ anwumvoin, nakoso ɛmɔhyi ndaadeɛ po bɔ bɛ nwonaen ayɛ ngekalewa wɔ nu ne.