Hagae 2:10 - AHYERƐLƐ KRONGRON

¹⁰ Dario ahennie afoɛ bɔ ɔtɔ so nyɔ ne anu, bosome ngona ne anu, ye eleburanyɔ ne nna ne aso, AWURADE fale ngɔmhyɛlɛniɛ Hagae so lale ye dwirɛ ali kyɛ,

Hagae 2:10 Iomraidhean Croise

Hagae 1:1

Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Hagae 1:15

wɔ bosome nzia ne anu, ye kyẽa bɔ ɔtɔ so aburanyɔ ne nna ne, wɔ Nana Dario ahennie afoɛ bɔ ɔtɔ so nyɔ ne anu.

Hagae 2:18

Yiti odi kyɛ ɛmɔdwene ye nwo bɛnea, ofi ɛnɛ bɔ ɔkɔ ɔ, ofi bosome ngona ne anu ye eleburanyɔ ne nna ne aso, bɔ ɔte kyẽa bɔ bɛtole AWURADE asɔneyɛɛ sua ne fapem ne. Ɛ́mɔdwene ye nwo!

Hagae 2:20

AWURADE lale ye dwirɛ ali ye pɛen nyɔ so hyirele Hagae wɔ bosome ne anu, ye eleburanyɔ ne nna ne aso kyɛ,

Sakaria 1:1

Dario ahennie afoɛ bɔ ɔtɔ so nyɔ ne anu, ye bosome mmɔtwɛ ne anu, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,