Hagae 1:9 - AHYERƐLƐ KRONGRON

⁹ Né ɛmɔ nye la ate kyɛ ɛmɔkonya fieso nningyein pee, nakoso, ɛ́mɔnea, ɔyɛle aleɛ kaaba bie. Na ɛmɔfa bɛwale awuro nen, nhu nguale. Nzu ɔ? Bɔ Asafo AWURADE bisa hɔ ɛne. M’awuro ne bɔ wabubu wagua ne ati ɔ, wɔ aberɛ bɔ ɛmɔ de, ebiala nye aboro osi ye bɔbɔ ye awuro ɔ.

Hagae 1:9 Iomraidhean Croise

2 Samuel 21:1

Mmerɛ bie, ɛhɔen piri bie wale toonn afoɛ nza wɔ Dawide aberɛ so. Dawide fa tole AWURADE nyunu, na AWURADE buale ye kyɛ, “Mogya nwo foɛlilɛ la Sɔɔlo ne ye awuro ama so, ɔnate kyɛ ohuhuni Gibeonfoɛ.”

2 Samuel 22:16

Afei AWURADE hane bɛ nyunu, nwomeɛ fili ye bonyi anu tu wale, yiti ɛpo ye bo dɔ aseɛ yele ye nwo ali, na aseɛ nyinasoɛ nwo lale berɛ.

2 Ahemvo 19:7

Me bɔbɔ ngɔfa ahunundetelɛ adwene bie ngowura ye ti anu. Ngɔmaa ɔkɔte ngraa bie bɔ ɔkɔmaa okosa ye si kɔhɔ ye kuro ɔ. Ngɔmaa ɔkɔtɔ wɔ ngrandɛ noa wɔ ye bɔbɔ ye maen nu.’ ”

YOB NWOMAA NE 10:2

Ngɔhã ngohyire Nyameɛ kyɛ, ‘Nnɛbua me fɔ. Maa nwu nikyee bɔ yiti yeɛ afa wɔ dwirɛ ateta me e.

Anyandera 11:24

Ebiemɔ bɛye bɛ kunu bɛyɔ paa paa, nakoso bɛkɔ so benya bɛ nwo, yeɛ ebiemɔ wora bɛfa bɛ nningyein bɛbɔ atianuserɛ, nakoso bɛkɔ so bedi hiaa.

Anyandera 27:20

Kyɛbɔ ɛborɔ ne Abadɔn bɛ ko nyi le ne, sɔ ala yeɛ kuro sona nye ɔneanea a ɔmvɛ ɔ.

Nworɛ Dwirɛhanɛniɛ 1:8

Nningyein amukoraa yie ɛfɛɛ, ɛfɛɛ bɔ sona ngora ye kã ɔ; anyeɛ nea nikyee a ɔnde ye, yeɛ asoɛ tie dwirɛ a onyi.

Yesaya 40:7

Ndire kese, yeɛ nyerɛen ye nyemene koso otu, ofikyɛ AWURADE nwomeɛ otu fa so. Amba, sona te ndire.

Yesaya 5:10

Ofikyɛ bobe boo eka buru kɔma wɔ nzaa bua ko pɛ, yeɛ edua aburoo angora ko a, ekonya olonka buru.”

Yeremia 12:13

Balua atokoɔ, nakoso bate mmowue, bafɛ alaa, nakoso bannya ye nwo mvasoɛ biala. Ɔnate AWURADE yaa piri bɔ wafɛ ne ati, ɛmɔ fieso nningyein bɔ ɛmɔkonya ye ne, ɔkɔyɛ bɛ fɛre.”

Hesekiel 21:31

Ngɔfɛ wɔ so yaa piri paa, m’anyeborolɛ see ne, ngohu ngogua wɔ so; na ngɔfa wɔ ngowura atianuserɛfoɛ bɔ nzɛmmɔne ali bɛ ti ɔ bɛ sa.

Lewitikɔso 19:25

Nakoso ye afoɛ nnu ne aso de, ɛ́mɔli bɛ mma bɔ bekosu ne bie, amaa ɔnate so basu pee bama ɛmɔ: Me ole AWURADE ɛmɔ Nyameɛ.

Hagae 1:4

“Ɛmɔ de, aso mmerɛ adwu kyɛ ɛmɔtenatena ɛmɔ awuro mɔ bɔ bafa nikyee badwura ye kunu ɔ nu, wɔ aberɛ bɔ awuro he de wabubu wagua ɔ?

Hagae 1:6

Ɛmɔalua pee, nakoso kaaba bie yeɛ ɛmɔanya bafi nu ɔ; ɛmɔdidi, nakoso ɛmɔ ko nyi; ɛmɔno nzaa, nakoso ɔmmo ɛmɔ; ɛmɔkera ɛtena, nakoso ebiala nwo nyɛ ye hye; yeɛ bɔ ode akatuaa ne, ode gua bɔtɔ bɔ ye bo atofitofi ɔ nu.

Malaki 2:2

Sɛ ɛmɔanyɛ sotie, yeɛ sɛ ɛmɔamva banzie ɛmɔ ahone nu kyɛ ɛmɔkɔfa animnyam bɛkɔma me dumaa a, ngɔprapra musue ngogua ɛmɔ so, na ngɔnoma ɛmɔ saleɛ ne, Asafo AWURADE noa dwirɛ ɛne; yoo, manoma bɛ dada, ofikyɛ ɛmɔmva benzie ɛmɔ ahone nu.

Deuteronomi 28:38

“Ekolua nningyein pee fieso, nakoso kãa bie yeɛ ekobu ɔ, ofikyɛ mmɛbɛ koli.

Nyekyire 2:4

Nakoso mebɔ wɔ kwaadu, ofikyɛ ayakyi ɔdɔ bɔ elili moa nyane ye ne anu.

Nyekyire 3:19

Bɛ bɔ mekuro bɛ dwirɛ ne, metwi bɛ nyunu, yeɛ metwe bɛ so; yiti ma wɔ nye boro ná sakyera w’adwene.