Hagae 1:2 - AHYERƐLƐ KRONGRON

² “Asafo AWURADE nwa nyoo: Maen he nwa: Mmerɛ bɔ odi kyɛ yɛsa yɛsi AWURADE awuro ne, onnya oddwuli.”

Hagae 1:2 Iomraidhean Croise

2 Ahemvo 12:7

Yiti Nana Yehoase tole ye sa frɛle ɔsɔfo Yehoada ne asɔfo ngaa nemɔ, na obisale bɛ kyɛ, “Nzu ati yeɛ ɛmɔnyɔ awuro ne yé ɔ? Ofi ɛnɛ bɔ ɔkɔ ɔ, esikaa bɔ ɛmɔdide befi bɛ bɔ bɛbɔ afɔleɛ nemɔ berɛ ne, nnɛmaa ɛmɔfa besie ko, na mmom ɛ́mɔfa esikaa ne bɛma yɛyɔ awuro ne yé.”

Ɛsra 4:23

Na bɛkengale Nana Atasɛsɛse krataa ne behyirele Rehum ne ahyerɛlɛniɛ Simsae ne bɛ mmango nemɔ nen, berɛ ne ala, bɛhɔle Yerusalem ndɛndɛ so, na bɛhyɛle Yudafoɛ nemɔ mbendene so maa bɛyakyili adwuma ne yɔlɛ.

Nehemia 4:10

Nakoso Yudafoɛ sele kyɛ, “Bɛ bɔ bɛsesa kungumaboɔ ne befi berɛ ne, b’anwoserɛ so ate, na kungumaboɔ ne somaa ti, yɛngora yɛnyɔ fasue ne nwo adwuma.”

Anyandera 22:13

Ɛfoen sona dwirɛ bɔ ɔkã ole kyɛ, “Gyata wɔ aluo dɔ, bekohu me wɔ mmorɔnoɛ nemɔ aso!”

Anyandera 29:25

Esuro sona a, né asua wɔ nwo ngaen, nakoso ebiala bɔ ɔfa ye wora wura AWURADE nu ne de, ye nwo sonn.

Nworɛ Dwirɛhanɛniɛ 11:4

Sona bɔ ɔnea kyɛbɔ mvrama si bɔ ne, ongolua ye nningyein; yeɛ bɔ ɔnea kyɛbɔ ewienu ayɛ kusuu ne koso, ɔngɔfa ye fieso aleɛ.

Nworɛ Dwirɛhanɛniɛ 3:3

ehunɛ le ye mmerɛ, yeɛ anwonyerɛsalɛ le ye mmerɛ; nikyee sɛkyelɛ le ye mmerɛ, yeɛ ye siesielɛ le ye mmerɛ;

Nworɛ Dwirɛhanɛniɛ 9:10

Adwuma biala bɔ wɔ sa kɔsɔ nu kyɛ ɛyɔ ne, fa w’anwoserɛ yɔ, ofikyɛ ɛborɔ dɔ bɔ ɛbaahɔ ne, adwuma anaa adwene anaa nimdeɛ anaa nworɛ nne dɔ.

Hagae 1:1

Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Hagae 1:3

Yeɛ AWURADE nate ngɔmhyɛlɛniɛ Hagae so hane kyɛ,

Numeri 13:31

Yeɛ mmienzua bɔ bɛ ne ye hɔle ne hane kyɛ, “Yɛngɔhora yɛne mmenia hemɔ ngɔho, ofikyɛ bɛ nwo yɛ se tra yɛ.”