Hagae 1:14 - AHYERƐLƐ KRONGRON

¹⁴ Na AWURADE kanyane Sɛtiɛl awa Serubabɛl bɔ ɔte Yuda amrado ne ye sunzum, ɔne Yehosadake awa ɔsɔfo panyi Yosua sunzum, yeɛ maen mmaa ngaa ne amukoraa bɛ sunzum. Yiti bɛwale bɛɛyɔle Asafo AWURADE, bɛ Nyameɛ n’awuro ne nwo adwuma,

Hagae 1:14 Iomraidhean Croise

1 Aberɛso Dwirɛ 5:26

Yiti Yisrael Nyameɛ kanyane Asiria hene Pulu bɔ besa bɛfrɛ ye Tilgate Pilnese ne, na Rubenfoɛ, Gadefoɛ ne Manase abusua kure ne bue ne, ɔhyele bɛ nnure fale bɛ ooguale Hala, Habo, Hara ne Gosan asue ne anoa, na batena berɛ maa waadwu ɛnɛ.

2 Aberɛso Dwirɛ 36:22

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne kɔwa nu ne, AWURADE kanyane Pɛsia hene Karose. Yiti Karose tuli ɛbɔfoɛ mɔ maa bɛɛbɔle edwirɛ ne dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:1

Pɛsia hene Karose lili hene ne, ye afoɛ bɔ oli moa ne anu, kyɛbɔ AWURADE dwirɛ bɔ ɔnate Yeremia so hane ne ɔkɔwa nu ne, AWURADE kanyane Pɛsia hene Karose maa otuli ɛbɔfoɛ mɔ maa bɛɛbɔle edwirɛ dawure wɔ ye ahennie amukoraa nu, na ɔhyerɛle krataa koso bokale so kyɛ,

Ɛsra 1:5

Na ɛhe mane Yuda ne Benyamin abusua nu mbanyi, asɔfo ne Lewifoɛ, yeɛ ebiala bɔ Nyameɛ kanyane ye ne, ɔboaboale ye nwo kyɛ ɔkɔ Yerusalem osa kosi AWURADE awuro ne.

Ɛsra 5:2

Na ɛhe mane Sɛtiɛl awa Serubabɛl ne Yosadake awa Yesua bɛhyɛle ye bo kyɛ besa besi Nyameɛ awuro ne wɔ Yerusalem. Na Nyameɛ ngɔmhyɛlɛfoɛ nemɔ gyinane bɛ si bɛbokale bɛ.

Ɛsra 5:8

Nana, yɛbɔ wɔ amaneɛ kyɛ, yɛhɔle Yuda mbɔtam dɔ, nekaa bɔ Nyameɛ piri ne, ye awuro ne ɔwɔ ne. Nyɔboɛ mbiri mbiri yeɛ bɛ́fa bési ɔ, na basa bafa mbuna bagyinagyina ye fasue ne anu. Bayere bɛ nwo paa yeɛ bɛ́yɔ adwuma ne ɔ, na ɔkɔ so paa.

Nehemia 4:6

Yiti yɛsili fasue ne, na yɛtoatoale ye mukoraa so maa ɔhã sili, na kyɛbɔ odi kyɛ ɔkɔ anwuro ne, yɛsili maa odwuli ye afia, ofikyɛ mmenia ne yele bɛ kunu bɛyɔle adwuma ne.

Edwein 110:3

Kyẽa bɔ ekoli wɔ koɛhonɛfoɛ nyunu, wɔ mmokaa krongron nemɔ aso ne, wɔ maen kofia bɛ kunu bekotu bɛ nwo bekosie berɛ, ofi ngyerɛmɔ tutuutu, wɔ mmerandeɛ kɔwa wɔ berɛ kyɛ bosue.

Hagae 1:1

Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Hagae 1:12

Yeɛ Sɛtiɛl awa Serubabɛl ne Yehosadake awa ɔsɔfo panyi Yosua ne maen mmaa ngaa ne amukoraa belili AWURADE bɛ Nyameɛ dwirɛ so, ɔne ngɔmhyɛlɛniɛ Hagae dwirɛ so, kyɛbɔ AWURADE bɛ Nyameɛ somane ye maa ɔhane ne; na maen ne surole wɔ AWURADE nyunu.

Hagae 1:15

wɔ bosome nzia ne anu, ye kyẽa bɔ ɔtɔ so aburanyɔ ne nna ne, wɔ Nana Dario ahennie afoɛ bɔ ɔtɔ so nyɔ ne anu.

Hagae 2:2

“Kã kyire Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne, ɔne maen mmaa ngaa ne amukoraa kyɛ,

Hagae 2:21

“Kã kyire Yuda amrado Serubabɛl kyɛ: Mebaawoso anwuro ne aseɛ.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

2 Korintofoɛ 8:16

Yɛda Nyameɛ ase kyɛ wafa ɛmɔ nwo mmɔden bɔ yɛbɔ ne ala wawura Tito ahone nu ɔ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.