Hagae 1:11 - AHYERƐLƐ KRONGRON

¹¹ Na mato me sa mafrɛ wawa kandinga paa maa wape aseɛ so, mmokaa so, aburoo so, nzaa monɛ so, ngoo so, nikyee biala bɔ benya befi aseɛ so ɔ so, mmenia so, nyɛmmoa so, ɔne ɛmɔ sa noa adwuma mukoraa so.”

Hagae 1:11 Iomraidhean Croise

1 Ahemvo 17:1

Tisibeniɛ Elia bɔ ofi Tisibe bɔ ɔwɔ Gileade ne, osele Ahabo kyɛ, “AWURADE Yisrael Nyameɛ teasefoɛ bɔ yeɛ ngyi ye nyunu ne, kyɛbɔ ɔte ase ye de, mekã kyɛ, bosue anaa esue ngɔpe ase afoɛ ye mɔ anu, sana mafa me noa dwirɛ mama ye nwo ate koraka.”

2 Ahemvo 8:1

Né Elisa ahã ahyire braa bɔ otingyele ɔwa bienzua fili ewue nu ne kyɛ, “Ɛne w’awuro ama mɔ, ɛ́mɔdwɔso, na ɛmɔtu bɛɛtena nekaa biala bɔ ɛmɔkonya ɔ; ofikyɛ AWURADE baama ɛhɔen piri ba aseɛ ye aso afoɛ nzoo.”

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

Yeremia 14:2

Yuda di aworabɔlɛ, ye pambim mɔ ayɛ hodwoo; bɛlela ase aworabɔlɛ nu, na Yerusalem sufrɛ afo ahɔ anwuro.

Awuye 1:21

“Bate kyɛ medi yealɛ, na ebiala nne berɛ bɔ ɔkyekye me wora ɔ. Me pɔfoɛ mɔ amukoraa bate m’amaneɛnwunɛ ne, na bɛ nye agye kyɛ ayɔ sɔ ɔ. Kyẽa bɔ ahyehyɛ ato berɛ ne, ɛkɔmaa ɔkɔwa nu, na bɛkɔyɛ kyɛ me ala.

Amose 5:8

Ye bɔ ɔbɔle nzramaa kure ne Akɔtaen-ne-ye-mma, ye bɔ ɔkakyi awosii tunn maa ɔyɛ ngyerɛmɔ, ná ɔma eyia yɛ tunn kyɛ kɔngɔen, ye bɔ ɔfrɛfrɛ ɛpo nu nzue, ná ohwie gua aseɛ nyunu ne, ye dumaa ole AWURADE.

Amose 7:4

Ɛhe yeɛ AWURADE Nyameɛ ye hyirele me ɔ: Tie, AWURADE Nyameɛ fale see kyɛ ɔbaafa bua ndɛen. Ɔyerale buma piri ne, na ɔyerale aseɛ nekaa bie koso.

Amose 9:6

Ye bɔ osi ye aborɔsaen wɔ ewienu, ná ɔfa ye ngatasoɛ obutu aseɛ so; ye bɔ ɔfrɛfrɛ ɛpo nu nzue, ná ohwie bɛ gua aseɛ ye aso ne, ye dumaa ole AWURADE.

Hagae 2:17

Mvale fieso nningyein kesenɛ, asukuo ne asukɔtwea nzɛkyele ɛmɔ sa noa adwuma mukoraa; nakoso ɛmɔanza bamma me berɛ, AWURADE noa dwirɛ ɛne.

Hagae 2:19

Aso aburoo ne bie waha wɔ pata so? Bobe ne borɔdoma ne akengaa ne olive mmakaa nemɔ, benzu mmaa. Ofi ɛnɛ bɔ ɔkɔ ɔ, ngoyira ɛmɔ.”

Malaki 3:11

Ɛmɔ ti ngosi sɛkyefoɛ ne ate, amaa ɔnate so wanzɛkye ɛmɔ aseɛ so aleɛ ne; yeɛ ɛmɔ fieso bobe amui ne ngɔporo ngogua, Asafo AWURADE noa dwirɛ ɛne.

Malaki 3:9

Ɛnomalɛ yeɛ mafa manoma ɛmɔ ɔ, ofikyɛ ɛmɔdi me ndurum, mekyire maen ne amukoraa.

Deuteronomi 28:22

AWURADE kɔma ɛfɔen, ebunu ne ɛfokyɛlɛ kɔwa wɔ so; wawa kɔpe serɛserɛ, ewienu kɔyɛ hye, anwonyerɛ kɔha wɔ fieso nningyein, na amaneɛ hemɔ koli wɔ si toonn kɔpem kyɛ ekowu ɔ.