Hagae 1:1 - AHYERƐLƐ KRONGRON

¹ Nana Dario ahennie afoɛ bɔ ɔtɔ so nyɔ ne anu, bosome nzia ne anu, kyẽa bɔ oli moa ne, AWURADE fale ngɔmhyɛlɛniɛ Hagae so hã hyirele Yuda amrado Serubabɛl bɔ ye baba ole Sɛtiɛl ne, ɔne ɔsɔfo panyi Yosua bɔ ye baba ole Yehosadake ne kyɛ,

Hagae 1:1 Iomraidhean Croise

1 Ahemvo 10:15

asora bɔ né benya befi dwadifoɛ nemɔ, bɛbɔ bɛkɔ atee so nemɔ, Arabia ahemvo amukoraa ɔne maen ne anu amrado nemɔ berɛ ɔ.

1 Ahemvo 14:18

Yisrael amukoraa besiele ye besuni ye, kyɛbɔ AWURADE dwirɛ bɔ ɔnate ye somvoɛ ngɔmhyɛlɛniɛ Ahiya so hane ne, ɔte ne ala.

2 Ahemvo 14:25

Ɔhone koɛ osa lele Yisrael aseɛ bɔ ye wɛen fi Lebo Hamate kɔpem Araba Ɛpo ne, kyɛbɔ AWURADE Yisrael Nyameɛ dwirɛ bɔ ɔnate ye somvoɛ ngɔmhyɛlɛniɛ Yona so hane ne, ɔte ne ala. Yona fi Gate Hefa, na ye baba ole Amitae.

1 Aberɛso Dwirɛ 3:17

Yekonia bɔ bɛhyele ye nnure ne, ye mma mɔ ole ɛhemɔ: Sɛtiɛl,

1 Aberɛso Dwirɛ 3:19

Pedaya mma mmienzua mɔ ole Serubabɛl ne Simei, yeɛ Serubabɛl mma mmienzua mɔ ole Mesulam ne Hanania bɔ b’eliɛma brasua ole Selomite ne.

Ɛsra 1:8

Pɛsia hene Karose maa bɛfale nningyein ne bewurale Pɛsia fotoɛsoneafoɛ Mitredate sa, na ye koso obuli ye nwo ngondaa ɔfa wurale Sesebasa bɔ ɔla Yuda noa ne sa.

Ɛsra 10:18

Benwuni kyɛ asɔfo abusua ne, bɛ bɔ bagyigya Amaenmaensofoɛ mmrasua mɔ ɛhe: Yosadake awa Yesua ye bosofoɛ ne oliɛma mɔ: Maaseya, Eliesa, Yaribo ne Gedalia.

Ɛsra 2:2

Mmenia hemɔ yeɛ belili bɛ nyunu bɛfale bɛ bɛwale ɔ: Serubabɛl, Yesua, Nehemia, Seraya, Reelaya, Modekae, Bilsan, Misepare, Bigiwae, Rehum, yeɛ Baana. Yisrael mmienzua bɔ befili nnurehyelɛ nu bɛwale ne, bɛ somaa ɛhe:

Ɛsra 2:63

Na amrado ne sele bɛ kyɛ nnɛmaa bedi aleɛ krongron paa ne bie, kɔpem kyɛ ɔsɔfo bie kɔfa Yurim ne Tumim kobisa (konwu bɔ Nyameɛ kã fa bɛ nwo) ɔ.

Ɛsra 3:2

Afei Yesua bɔ ye baba ole Yosadake ne, ɔne ye mmango asɔfo mɔ, yeɛ Sɛtiɛl awa Serubabɛl ne ye abusuafoɛ bɛbɔle ye bo besili Yisrael Nyameɛ afɔleɛ bokyea, bɔ bɛkɔbɔ naen yeralɛ afɔleɛ wɔ so ɔ, kyɛbɔ bahyerɛ ye wɔ Nyameɛ sona Mose mmeraa ne anu ne.

Ɛsra 3:8

Beedwuli Nyameɛ awuro ne anwo wɔ Yerusalem nen, afoɛ nyɔ ne anu, ye bosome bɔ ɔtɔ so nyɔ ne anu, Sɛtiɛl awa Serubabɛl ne Yosadake awa Yesua bɛhyɛle sua ne silɛ bo. Bɛ ne Yisraelfoɛ ngaa ne, asɔfo mɔ ne Lewifoɛ mɔ, yeɛ ebiala bɔ ofili nnurehyelɛ nu wale Yerusalem ne. Bɛyele Lewifoɛ bɔ bali ofi afoɛ aburanyɔ bɔ ɔkɔ ɔ besiele berɛ kyɛ AWURADE awuro ne bɛnea ye silɛ so.

Ɛsra 4:2

Yiti bɛhɔle Serubabɛl ne mmusua mbanyi nemɔ berɛ beesele bɛ kyɛ, “Yɛbaaboka ɛmɔ so maa yɛsi sua ne, ofikyɛ ɛmɔ Nyameɛ bɔ ɛmɔsɔne ye ne, ye yeɛ yɛ koso yɛsɔne ye ɔ. Na yabɔ afɔleɛ yama ye alaa, fite Asiria hene Esa Hadon bɔ ɔfale yɛ wale wa ne aberɛ so.”

Ɛsra 4:24

Yiti Nyameɛ awuro bɔ ɔwɔ Yerusalem ne, bɛyakyili ye nwo adwuma ne bɛtole berɛ, na ɔhale berɛ toonn maa oodwuli Pɛsia hene Dario ye bia lilɛ afoɛ bɔ ɔtɔ so nyɔ ne.

Ɛsra 5:1

Sɔ mmerɛ ne anu, ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhane Nyameɛ noa dwirɛ behyirele Yudafoɛ bɔ bɛwɔ Yuda ne Yerusalem. Begyinane Yisrael Nyameɛ dumaa bɔ ɔla bɛ so ne aso yeɛ bɛhane edwirɛ ne ɔ.

Ɛsra 5:3

Sɔ mmerɛ ne ala, asue Yufreti si mbɔtam amrado Tatenae, ɔne Seta Bosenae ne bɛ mmango mɔ bɛwale Yudafoɛ berɛ beebisale bɛ kyɛ, “Nwa yeɛ ɔmane ɛmɔ ate kyɛ ɛmɔsa besi sua ye, ná ɛmɔto ye nwo fasue ɔ?”

Ɛsra 6:14

Yiti Yuda mbanyi nemɔ hɔle so benyane ngɔsoɛ wɔ sua ne silɛ nu, ɔnate Nyameɛ noa dwirɛ bɔ ngɔmhyɛlɛniɛ Hagae ne ngɔmhyɛlɛniɛ Sakaria bɔ ye baba ole Yido ne, bɛhã behyirele bɛ ne aso. Na kyɛbɔ Yisrael Nyameɛ ahyɛdeɛ ɔte ne, ɔne kyɛbɔ Pɛsia ahemvo Karose ne Dario ne Atasɛsɛse mmeraa bɔ bɛhyɛle ne ɔte ne, Yudafoɛ sili sua ne beyiele.

Nehemia 12:1

Asɔfo ne Lewifoɛ bɔ bɛ ne Sɛtiɛl awa Serubabɛl, yeɛ Yesua bɛwale nemɔ ɛhe: Seraya, Yeremia, Ɛsra,

Nehemia 12:10

Yesua awa ole Yoakim; Yoakim awa ole Eliasibo, Eliasibo awa ole Yowada,

Nehemia 5:14

Afei koso, ofi mmerɛ bɔ bɛfale me bɛyɛle Yuda aseɛ so amrado nen, ofi Nana Atasɛsɛse ahennie afoɛ bɔ ɔtɔ so aburanyɔ bɔ ɔkwaadwu ye afoɛ aburasa ne nyɔ ne aso ne, sɔ afoɛ buru ne nyɔ ne, me oo, nniɛma nemɔ oo, yɛ nu biala wanne aleɛ ndɔ bɔ odi kyɛ mmenia bɛfa bɛma amrado ne.

Nehemia 7:7

Mmenia hemɔ yeɛ belili bɛ nyunu bɛ ne bɛ wale ɔ: Serubabɛl, Yesua, Nehemia, Asaria, Raamia, Nahamani, Modekae, Bilsan, Mispere, Bigiwae, Nehum, yeɛ Baana. Yisrael mmienzua bɔ befili nnurehyelɛ nu bɛwale ne, bɛ somaa ɛhe:

Nehemia 8:9

Yeɛ Nehemia bɔ né ɔte amrado ne, ɔne ɔsɔfo Ɛsra bɔ ɔte ahyerɛlɛniɛ ne, bɛ ne Lewifoɛ bɔ behyirehyirele edwirɛ ne anu behyirele mmenia nemɔ ne, besele maen ne amukoraa kyɛ, “Ɛnɛ kyẽa ye, ɔte krongron ma AWURADE ɛmɔ Nyameɛ; nnɛma ɛmɔdi aworabɔlɛ, yeɛ nnɛma ɛmɔsu.” Ofikyɛ maen ne amukoraa bɛtele mmeraa ne anu dwirɛ ne, besuni.

Ɛksadɔso 4:13

Nakoso Mose sele kyɛ, “Yieee! AWURADE, mesrɛ wɔ ala, soma sona foforɛ.”

Hagae 1:12

Yeɛ Sɛtiɛl awa Serubabɛl ne Yehosadake awa ɔsɔfo panyi Yosua ne maen mmaa ngaa ne amukoraa belili AWURADE bɛ Nyameɛ dwirɛ so, ɔne ngɔmhyɛlɛniɛ Hagae dwirɛ so, kyɛbɔ AWURADE bɛ Nyameɛ somane ye maa ɔhane ne; na maen ne surole wɔ AWURADE nyunu.

Hagae 1:14

Na AWURADE kanyane Sɛtiɛl awa Serubabɛl bɔ ɔte Yuda amrado ne ye sunzum, ɔne Yehosadake awa ɔsɔfo panyi Yosua sunzum, yeɛ maen mmaa ngaa ne amukoraa bɛ sunzum. Yiti bɛwale bɛɛyɔle Asafo AWURADE, bɛ Nyameɛ n’awuro ne nwo adwuma,

Hagae 1:15

wɔ bosome nzia ne anu, ye kyẽa bɔ ɔtɔ so aburanyɔ ne nna ne, wɔ Nana Dario ahennie afoɛ bɔ ɔtɔ so nyɔ ne anu.

Hagae 1:2

“Asafo AWURADE nwa nyoo: Maen he nwa: Mmerɛ bɔ odi kyɛ yɛsa yɛsi AWURADE awuro ne, onnya oddwuli.”

Hagae 1:3

Yeɛ AWURADE nate ngɔmhyɛlɛniɛ Hagae so hane kyɛ,

Hagae 2:10

Dario ahennie afoɛ bɔ ɔtɔ so nyɔ ne anu, bosome ngona ne anu, ye eleburanyɔ ne nna ne aso, AWURADE fale ngɔmhyɛlɛniɛ Hagae so lale ye dwirɛ ali kyɛ,

Hagae 2:20

AWURADE lale ye dwirɛ ali ye pɛen nyɔ so hyirele Hagae wɔ bosome ne anu, ye eleburanyɔ ne nna ne aso kyɛ,

Hagae 2:21

“Kã kyire Yuda amrado Serubabɛl kyɛ: Mebaawoso anwuro ne aseɛ.

Hagae 2:4

Nakoso afei de, Serubabɛl, si wɔ hue, AWURADE noa dwirɛ ɛne; Yehosadake awa ɔsɔfo panyi Yosua, si wɔ hue; yeɛ aseɛ ne aso ama mukoraa, ɛ́mɔsi ɛmɔ hue, AWURADE noa dwirɛ ɛne. Ɛ́mɔyɔ adwuma ne, ofikyɛ ngyi ɛmɔ si, Asafo AWURADE noa dwirɛ ɛne.

Sakaria 1:1

Dario ahennie afoɛ bɔ ɔtɔ so nyɔ ne anu, ye bosome mmɔtwɛ ne anu, AWURADE lale ye dwirɛ ali hyirele ngɔmhyɛlɛniɛ Sakaria bɔ ye baba ole Berekia bɔ ye baba ole Yido ne kyɛ,

Sakaria 3:1

Afei ohyirele me ɔsɔfo panyi Yosua bɔ né ogyi AWURADE abɔfo ne nyunu berɛ ɔ, na né Satan gyi ye sa famaa so berɛ kyɛ ɔbɔ ye kwaadu.

Malaki 1:8

Sɛ ɛmɔfa kaka anyesiniwaa bɛbabɔ afɔleɛ a, aso ɔtte bɔne hɔ ɔ? Yeɛ sɛ ɛmɔfa kaka agyabuburuwaa anaa bɔ ɔnde apɔ ɔ bɛbabɔ afɔleɛ a, aso ɔtte bɔne hɔ ɔ? Nzaade fa kɔma w’amrado nea! Aso ɛkɔsɔ ye nye, anaa ɔkɔnea wɔ nyunu anaa? Asafo AWURADE noa dwirɛ ɛne.

Luka 3:27

bɔ ɔse ole Yoanan, bɔ ɔse ole Resa, bɔ ɔse ole Serubabɛl, bɔ ye koso ɔse ole Sɛtiɛl, bɔ ɔse ole Neri,