Gyenesise 9:3 - AHYERƐLƐ KRONGRON

³ Nikyee biala bɔ nwomeɛ wɔ ye nu ne, ɔkɔyɛ ɛmɔ aleɛ. Na kyɛbɔ mvale nyaanyaa monɛ mane ɛmɔ ne, sɔ ala yeɛ méfa nikyee biala méma ɛmɔ ɔ.

Gyenesise 9:3 Iomraidhean Croise

Gyenesise 9:2

Ɛmɔ nwo suronyi ne ɛmɔ nwo surolɛ piri kɔtɔ aseɛ so ngaka mukoraati so, ewienu nnomaa mukoraa so, abɔdeɛ mukoraa bɔ bɛtwe bɛ nwo ase so, ɔne ɛpo nu naen amukoraa so. Mafa bɛ mawura ɛmɔ sa.

Lewitikɔso 22:8

Naenmvuin anaa naen bɔ kaka aboyaa bie ahu ye atete ye de, nnɛmaa odi ná wamva wangua ye nwo fiɛ: Me ole AWURADE.’

Romanfoɛ 14:14

Mese, na m’adwene koso si pi wɔ Awurade Yesu nu kyɛ, nikyee biala nne berɛ bɔ ye nwo nde ɔ; na mmom ye nwo nde ma sona bɔ obu aleɛ ne kyɛ ye nwo nde ɔ.

Romanfoɛ 14:17

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ.

Romanfoɛ 14:20

Aleɛ ti nnɛsɛkye Nyameɛ adwuma. Nikyee biala nwo te amba de, nakoso ɔtte mayee kyɛ ekoli aleɛ bie bɔ ɔkɔma eliɛma kɔyɛ bɔne ɔ.

Romanfoɛ 14:3

Sona bɔ odi ne, ɔnzɛ kyɛ obu sona bɔ onni ne animtia; yeɛ sona bɔ onni ne koso, ɔnzɛ kyɛ obua sona bɔ odi ne ndɛen, ofikyɛ Nyameɛ ale ye ato nu.

1 Korintofoɛ 10:23

Bɛtaa bɛkã kyɛ, “Yɛle nikyee biala nwo ate”, nakoso nna nikyee biala yeɛ ɔte paa ɔ; yeɛ nna nikyee biala yeɛ ɔma ngɔsoɛ ɔ.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

Deuteronomi 12:15

“Nakoso mmerɛ biala bɔ ekuro ne, ɛkɔhora kohũ naen koli wɔ wɔ kuro ne amukoraati nu, kyɛbɔ AWURADE wɔ Nyameɛ wasi wayira wɔ ɔ. Sona bɔ ye nwo nde oo, bɔ ye nwo te oo, ɔkora di bie, kyɛbɔ ɛmɔdi ɛwanzane ne dabɔɔ nen.

Kolosefoɛ 2:16

Yiti nnɛmɔma ebiala bua ɛmɔ ndɛen fa aleɛ anaa anonneɛ, anaa aluolue, anaa ɛsraen foforɛ anaa afofingyẽa nwo.