Gyenesise 8:1 - AHYERƐLƐ KRONGRON

¹ Nakoso Nyameɛ lole Nowa ne ngaka ne nyɛmmoa mukoraa bɔ bɛ ne ye wɔ ɛlɛen alaka ne anu. Nyameɛ mane mvrama tu fale aseɛ so, na nzue ne hwene.

Gyenesise 8:1 Iomraidhean Croise

Gyenesise 19:29

Yiti mmerɛ bɔ Nyameɛ sɛkyele nguro bɔ bɛwɔ aseɛ frɛtɛɛ ne aso nen, ɔkayele Abraham, na amaneɛ bɔ ɔtole nguro bɔ Lɔto tenane so nemɔ maa bɛbɔle ne, ɔyele Lɔto fili nu.

Gyenesise 30:22

Na Nyameɛ nwuni Rahɛl anwumvoin, otiele ye, na ɔmaa ɔhyɛle aworɛ bo.

Gyenesise 9:10

na me ne abɔdeɛ biala bɔ ngoa wɔ ye nu bɔ ɔboka ɛmɔ so: nnomaa, nyɛmmoa, aseɛ so ngaka mukoraa bɔ bɛboka ɛmɔ so, ɔne ngaka mukoraa bɔ bɛ ne ɛmɔ fili ɛlɛen alaka ne anu befitele yeɛ yɛ́yɛ ɔ, mekyire aseɛ so ngaka mukoraa.

Nehemia 13:14

Ao me Nyameɛ, kaye me wɔ ɛhe anwo. Me Nyameɛ, me nningyein paa bɔ mayɔ ɔfa wɔ sua ne ɔne nu ɛsɔnenɛ adwuma ne anwo ne, nnɛma wɔ wora fi.

Nehemia 13:22

Na mvale ahyɛdeɛ mmane Lewifoɛ nemɔ kyɛ bɛpete bɛ nwo ná bɛbra bɛɛwɛne pambim nemɔ, amaa ɔnate so bama afofikyẽa ne wayɛ krongron. Ao me Nyameɛ, kaye me wɔ sɔ nikyee he anwo koso, na nwu me anwumvoin, kyɛbɔ wɔ ɔdɔ bɔ onni ngasi ne ye piri te ɔ.

Nehemia 13:29

Ao me Nyameɛ, kaye bɛ ná ɛne bɛ li, ofikyɛ sɔfolilɛ adwuma ne, yeɛ sɔfolilɛ ne Lewifoɛ apam ne, bagua ye nwo fiɛ.

Nehemia 13:31

na mmerɛ bɔ odi kyɛ bɛfa afɔleɛ bɔlɛ eyein ɔne fieso aleɛ bɔ bali moa bafa bɛba ne, nyɛle ye nwo nhyehyɛleɛ ndole berɛ. Ao me Nyameɛ, kaye me maa oyie me yé.

YOB NWOMAA NE 12:15

Tie, sɛ ɔma esue yakyi tɔlɛ a, wawa pe wɔ aseɛ so, yeɛ sɛ ɔma esue tɔ koso a, nzue bu fa aseɛ so.

YOB NWOMAA NE 14:13

Oo, me ngome a, ahaa afa me afea wɔ ɛborɔ, ahaa afa me asie kɔpem kyɛ w’ahone kɔtɔ nzue nu ɔ, ahaa ahyɛ mmerɛ bɔ medi ye wɔ ɛborɔ dɔ ɔ, ná akaye me.

Edwein 105:42

Ofikyɛ ɔkayele ye bɔhyɛ krongron ne, ɔne ye somvoɛ Abraham.

Edwein 106:4

Ao AWURADE, sɛ ɛdo wɔ maen a, kaye me bie; sɛ ɛpepɛ de bɛ a, de me bie;

Edwein 115:12

AWURADE nye wɔ yɛ so, okoyira yɛ; okoyira Yisrael awuro ama, okoyira Aarɔn awuro ama;

Edwein 132:1

Ao AWURADE, kaye Dawide ɔne ye amaneɛnwunɛ amukoraa,

Edwein 136:23

Ye yeɛ ɔkayele yɛ wɔ mmerɛ bɔ né yɛyɛ anwumvo ne ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 137:7

Ao AWURADE, kaye bɔ Edomfoɛ bɛyɔle ye kyẽa bɔ Yerusalem bɔle ne, na tua bɛ so kerɛ; kyɛbɔ bɛhane kyɛ, Ɛ́mɔbubu ye bégua ase! ɛ́mɔbubu ye bégua ase! Ɛ́mɔbubu ye bégua ase maa ɔɔhã ye fapem!” ne.

Edwein 29:10

AWURADE te ye ahennie bia so wɔ asue mɔ bɔ bayi ɔ so, na AWURADE te ye ahennie bia so odi hene afebɔɔ.

Edwein 36:6

Wɔ tenenee kɔ anwuro anwuro te kyɛ Nyameɛ mmokaa, na wɔ ndɛenbualɛ turoloo ne, ye kuronn te kyɛ ɛpo buma. Ao AWURADE, ɛpepɛ de kuro mmenia ne ngaka.

Ɛksadɔso 14:21

Afei Mose tengyɛle ye sa ɛpo ne aso. Na AWURADE mane eyia afiteleɛ mvrama piri bie tuli, na oopiane ɛpo ne sale nziɛ kɔngɔen ne. Ɔmane ɛpo ne kakyili aseɛ wosee, na nzue ne anu hyɛle.

Ɛksadɔso 15:10

Ɛmane wɔ nwomeɛ tuli mvrama, na ɛpo ne fale bɛ; na bɛmonone kyɛ kungumaboɔ wɔ buma ne anu.

Ɛksadɔso 2:24

Nyameɛ tele b’awuyebɔlɛ ne, na ɔkayele apam bɔ ɔne Abraham, Yisake ne Yakob bɛyɛle ne.

Anyandera 25:23

Kyɛbɔ sorɔ dɔ mvrama fa esue ba ne, sɔ ala yeɛ sɛ ɛkã ebie si dwirɛ a ɔfa ɛyaafɛlɛ ba ɔ.

Yesaya 44:27

Me yeɛ mekã mekyire buma kyɛ, ‘Wewe, ngɔma w’asue mɔ kɔwewe’.

Yeremia 50:38

Wawa ape b’asue mɔ aso, na bɛkɔwewe, ofikyɛ ɔte aseɛ bɔ amoen mɔ bayi so to, na babobɔ bɛ mmosoen mɔ nwo laen.

Amose 8:7

AWURADE ata Yakob anwomasoɛ ne anwo ndaen kyɛ, “Amba, me wora ngofi bɛ yɔleɛ nemɔ anu biala.

Yona 4:11

Na Ninewe, sɔ kuro piri ne, bɔ nu mmenia bɛ somaa bo apee ɛyaa ko aburanyɔ, bɔ bɛnze bɛ sa bɛen ne bɛ sa famaa nu nzonzoleɛ, kuro bɔ nyɛmmoa pee wɔ nu ne, aso onni kyɛ menwu ye anwumvoin anaa’?”

Nahum 1:4

Ɔkã ɛpo nyunu, na ɔmaa ɔwewe, ɔwewe asue amukoraa; Basan ne Kamɛl kese, na Lebanon nyerɛen twindwam.

Habakuku 3:2

Ao AWURADE, mate wɔ nga, na nzurole. Ao AWURADE, kanyane w’adwuma wɔ mmerɛ ye anu, wɔ mmerɛ ye anu maa benwu ye, na wɔ yaafɛlɛ nu po, nwu anwumvoin.

Sakaria 10:11

Ɔkɔɔfa anwokyere ɛpo ne anu, okoli ɛpo nu asorɔkye ne aso ngonim, na asue Naele nu buma mukoraa kɔwewe. Ɔkɔbrɛ Asiria anwomasoɛ ne ase, na Misraim ɛhɔtɔ ne, ye boso komini.

Numeri 10:9

Sɛ ɛmɔ ne ɛmɔ pɔfoɛ mɔ bɔ bɛtane ɛmɔ nye bɛko koɛ wɔ ɛmɔ aseɛ ne aso a, ɛ́mɔhu totorobɛndo nemɔ maa ohyire kyɛ edwirɛ asi, amaa ɔnate so AWURADE ɛmɔ Nyameɛ waboka ɛmɔ, ná ɛmɔanya ɛmɔ ti badidi nu bafi ɛmɔ pɔfoɛ mɔ sa nu.

Numeri 22:32

Yeɛ AWURADE abɔfo ne bisale ye kyɛ, “Nzu ati yeɛ abɔ wɔ kaka ne pɛen nza ye? Mawa kyɛ mebaasi wɔ ate, ofikyɛ nikyee bɔ ɛyɔ ne, ɔndengyɛ wɔ me nyunu.

Nyekyire 16:19

Kuro piri ne anu hyɛle bue nza, na maen maen nguro mɔ bɔle; na kuro piri Babilɔn nwo ngayeɛ wale Nyameɛ nyunu, kyɛ ɔkɔmaa ɔkɔno ye yaafɛlɛ hahii nzaa kulie ne.

Nyekyire 18:5

Ofikyɛ ye bɔne yɔleɛ noa aboa waadwu nyameɛso, na Nyameɛ akaye ye amumuyɛɛ nemɔ.

1 Samuel 1:19

Aleɛ hyene ne, bedwɔsole ngyerɛmɔ tutuutu bɛsɔnene AWURADE, na afei besa bɛhɔle bɛ kuro Rama. Ɛlkana ne ɔye Hana bɛlale, na AWURADE kayele Hana.