Gyenesise 5:2 - AHYERƐLƐ KRONGRON

² Ɔbɔle bɛ bienzua ne brasua, na oyirale bɛ. Na ɔtole bɛ dumaa ‘Sona’ wɔ mmerɛ bɔ ɔbɔle bɛ ne.

Gyenesise 5:2 Iomraidhean Croise

Gyenesise 1:27

Yiti Nyameɛ bɔle sona kyɛ ye bɔbɔ ye sɛso, Nyameɛ sɛso yeɛ ɔbɔle ye ɔ; ɔbɔle bienzua ne brasua.

Gyenesise 1:28

Nyameɛ yirale bɛ, na osele bɛ kyɛ, “Ɛ́mɔwo ná ɛmɔta, ɛ́mɔyi aseɛ so tɛkyɛ ná ɛmɔli so; ná ɛ́mɔnya tumi wɔ ɛpo nu naen so, ɔne ewienu nnomaa ne kaka biala bɔ ɔwɔ aseɛ so ɔ so.”

Gyenesise 2:15

Na AWURADE Nyameɛ fale biaa ne ɔɔtenane Eden turo ne anu, kyɛ ɔyɔ nu adwuma ná ɔnea so.

Gyenesise 2:23

Na sona ne sele kyɛ, “Afei de, me mmowue nu bowue ne me nwonaen nu anwoɔnaen ɛhe; bɛkɔfrɛ ye Brasua, ofikyɛ Bienzua nu yeɛ bɛyele ye befili ɔ.”

Gyenesise 5:3

Adam lili afoɛ ɛyaa ko ne aburasa nen, ɔwole ye sɛso baa bienzua bɔ osoma ye, na ɔtole ye dumaa Sɛte.

Malaki 2:15

Aso Nyameɛ wanyɔ ɛmɔ sona komapɛ bɔ ngoa sunzum wɔ ɛmɔ nu ɔ? Na nzikyɛ yeɛ ɔpena ɔ? Kyɛ ɛmɔkɔwo mmaa bɔ Nyameɛ surolɛ wɔ bɛ nu ɔ. Yiti ɛ́mɔnea ɛmɔ nwo yé wɔ ɛmɔ sunzum nwo, na nnɛma ebiala fa ye mmerandeɛ nu braa ɔfa nnakannaka atee so.

Mateo 19:4

Na obuale bɛ kyɛ, “Aso ɛmɔkkenngale kyɛ ahyɛaseɛ ne, Ɛdangama bɔ ɔbɔle sona nen, bienzua ne brasua yeɛ ɔbɔle bɛ ɔ?

Marko 10:6

Ɔnate kyɛ, ofi mmerɛ bɔ Ɛdangama bɔle aleɛ ɔ, ‘bienzua ne brasua yeɛ Nyameɛ bɔle bɛ ɔ.’

Asomafoɛ 17:26

na ɔbɔle mmenia bɔ bɛwɔ maen amukoraa nu fili sona komapɛ nu maa bɛtenane aseɛ ye aso amukoraa. Na ɔhyehyɛle mmerɛ ahoroɔ ne nekaa biala bɔ bɛkɔtena ɔ ye wɛen so tole berɛ mane bɛ,