Gyenesise 4:8 - AHYERƐLƐ KRONGRON

⁸ Na Kein sele oliɛma Abel kyɛ, “Maa yɛhɔ fieso.” Na bɛwɔ fie ne aso nen, Kein hɔle oliɛma Abel so, na ohuni ye.

Gyenesise 4:8 Iomraidhean Croise

Gyenesise 4:25

Adam ne ɔye lale bieku; braa ne wole bienzua, na ɔtole ye dumaa Sɛte, ofikyɛ braa ne hane kyɛ, “Nyameɛ amaa manya baa foforɛ masi Abel bɔ Kein huni ye ne gya nu.”

2 Samuel 14:6

W’afaneɛ, né nne mmaa mmienzua nyɔ. Bɛɛhone ngondii wɔ eburo. Né ebiala nne berɛ bɔ ɔkɔpata bɛ ɔ, na ko bɔle obiɛngo maa owuli.

2 Samuel 3:27

Abenɛ sa wale Hebron nen, Yoabo ne ye bɛhɔle kuro berɛ pambim ne ahameɛ, kyɛ ɔne ye bɛkwaatu asure. Na Yoabo wɔle Abenɛ kunu dadeɛ huni ye, ɔnate kyɛ né Abenɛ aha Yoabo aliɛma Asahel mogya wagua.

2 Aberɛso Dwirɛ 21:4

Yehoram lili ye baba bia, ná ye ahennie bo timuni ne, ɔfale ngrandɛ huhuni oliɛma nemɔ amukoraa, yeɛ Yisrael mbanyi nemɔ bie.

Nehemia 6:2

Yeɛ Sanbalate ne Gesem bɛsomane maa beesele me kyɛ, “Bra maa yɛyia wɔ Ono aseɛ frɛtɛɛ so nguraa nemɔ ko anu.” Nakoso né babɔ me nwo porɛ tɛɛ.

YOB NWOMAA NE 11:15

Ɔba ye sɔ a, ɛkɔpagya wɔ ti bɔ wɔ tiboa ngobua wɔ fɔ ɔ, ekogyina pirim, na engosuro.

Edwein 139:19

Ao Nyameɛ, sɛ ahaa ekohũhũ bɔnefoɛ, ná kodiawufoɛ bahwe bɛ nwo bafi me nwo a,

Edwein 36:3

Ye noa nu dwirɛ te bɔne ne nnakannaka; na bra bɔ nworɛ wɔ nu ná ɔte paa de, wayakyi ye bɔlɛ.

Edwein 55:21

ye noa dwirɛ te menemene tra woɛ, nakoso koɛ nwo adwene yeɛ ɔwɔ ye ti anu ɔ; ye noa nu dwirɛ te bɛtɛɛ kyɛ aloko, nakoso edwirɛ ne te ngrandɛ bɔ bahwe ɔ.

Hosea 4:2

Ndaentalɛ, anoanupɛlɛ, awuelilɛ, awue ne adwamanbɔlɛ yeɛ ɔwɔ so ɔ’. Bebu mmeraa so, na mogya alaa yeɛ bɛkã begua ɔ.

Mika 7:6

Ofikyɛ baa bienzua bu seɛ animtia, yeɛ baa brasua dwɔso tia oni; sia brasua dwɔso tia ye sia brasua, sona ye pɔfoɛ mɔ ole ye bɔbɔ deinn ye awuro ama.

Numeri 35:20

Sɔ ala yeɛ sɛ ebie onguro obiɛngo dwirɛ, ná osumu ye to ase, anaa ɔtetɛ ye fa nikyee bɔ ye maa owu a,

Mateo 23:35

Ye sɔ ne ati, mogya tenenee amukoraa bɔ bahwie bagua aseɛ so, ofi teneneeniɛ Abel mogya so kodwu Barakia awa Sakaria, bɔ ɛmɔhuni ye wɔ nekaa krongron berɛ ne afɔleɛ bokyea ne b’afia ne, bɛ mogya ne nwo asotwe kɔwa ɛmɔ so.

Luka 11:51

ofi Abel mogya so kodwu Sakaria bɔ behuni ye wɔ afɔleɛ bokyea ne ne nekaa krongron berɛ b’afia ne, ye mogya so. Yoo, mekã mekyire ɛmɔ kyɛ, ye nwo asodie kɔla ɛnɛmmafoɛ so.

Luka 22:48

Na Yesu bisale ye kyɛ, “Yudase, aso ele bɛ noafelɛ yeɛ ɛfa ɛye Sona Awa ne ma ɔ?”

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Hebrifoɛ 12:24

Ɛmɔawa Yesu bɔ ɔte apam foforɛ ne anu ndamgyinaniɛ, ɔne mogya bɔ bɛfa bɛpetene bɔ ɔkã nningyein paa nwo dwirɛ tra Abel deɛ ne berɛ.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.