Gyenesise 4:5 - AHYERƐLƐ KRONGRON

⁵ nakoso ye nye anzɔ Kein ne ye afɔleɛ ne. Yiti Kein fɛle yaa hahii, na ye wora bɔle.

Gyenesise 4:5 Iomraidhean Croise

Gyenesise 31:2

Onwuni kyɛ Laban olle ye nwo adwene paa kyɛ daa ne ko.

Gyenesise 31:5

na osele bɛ kyɛ, “Manwu ye kyɛ ɛmɔ ase ɔne me y’asetena ne anu ɔnyɛ nyemene kyɛ daa ne ko, nakoso me nana mɔ Nyameɛ ne agyina me si.

Gyenesise 39:19

Na mmerɛ bɔ Yosef mene ne tele amaneɛ bɔ ɔye fa bɔle ye kyɛ, “Atee bɔ w’akoaa ne afa me afa so ɛhe” nen, ɔfɛle yaa.

YOB NWOMAA NE 15:13

bɔ ɔnate so ama w’ahone ahu Nyameɛ so, bɔ ama sɔ dwirɛ ne afite wɔ noa ɔ?

YOB NWOMAA NE 5:2

Susu amba kyɛ, ɛyaafɛlɛ ku ngwaseafoɛ, yeɛ anyeboroborolɛ koso oku bɛ bɔ bagyimi ɔ.

Edwein 20:3

AWURADE ɔ́kaye w’afɔleɛ amukoraa, ná ɔ́ma ye nye sɔ wɔ naen yeralɛ afɔleɛ. Sela

Anyandera 19:3

Sona bɔbɔ ye gyiminɛ yeɛ ɔma ye ayieleɛ yie ye ɔ, nakoso ɔpɛ ye nwo fɛ AWURADE so yaa.

Anyandera 29:10

Kodiawufoɛ bɛpɔ sona bɔ ye bra te sannwuu ɔ, nakoso teneneefoɛ de, bɛpena ye kra ngoa.

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Yesaya 3:9

Kyɛbɔ basi bayɛ bɛ nyunu ne, odi adanzeɛ tia bɛ, bɛbɔ bɛ bɔne nwo dawure kyɛ Sodom, bɛmva bɛmvea. Bɛ kra yaakɔ! Ofikyɛ bahwehwe musue babrɛ bɛ nwo.

Numeri 16:15

Mose fɛle yaa paa, na osele AWURADE kyɛ, “Nnɛde b’afɔleɛ ne to nu. Nnnele afunum ko po mmvili bɛ berɛ, yeɛ nnyɔle bɛ nu biala tɛɛ.”

Mateo 20:15

Nikyee bɔ me bɔbɔ me deɛ ahɔ ne, asoɛ nnne ye nwo ate kyɛ mefa meyɔ bɔ mekuro anaa? Anaakyɛ, nde paa ti yeɛ wɔ nye aboro ye?’

Asomafoɛ 13:45

Na mmerɛ bɔ Yudafoɛ nemɔ nwuni ɛlɔen ne nen, ɔyɛle bɛ anyeboro, yiti bɛne Pɔɔlo suli edwirɛ bɔ né ɔkã ne nwo aporowaa, na bɛpepɛle ye nzoaa.

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Yuda 1:11

Bɛ yaakɔ! Ofikyɛ batu Kein agyirɛ ne bie, na adifuu ti bafa bɛ nwo baawura Balaam nnakannaka dwirɛ ne anu, na bekowuwu wɔ Kora ɛlɔenyɛlɛ ne anu.

1 Samuel 16:7

Nakoso AWURADE sele ye kyɛ, “Nnɛnea kyɛbɔ osi te ɔ anaa ye tendenn, ofikyɛ nna ye yeɛ mekuro ɔ. Na kyɛbɔ sona si nwu nikyee ne, nna sɔ yeɛ AWURADE nwu ye ɔ. Bɛ nye so nikye yeɛ sona nea ɔ, nakoso AWURADE de, ɔnea b’ahone nu.”