Gyenesise 4:4 - AHYERƐLƐ KRONGRON

⁴ Na Abel koso fale ye mmoaen ne anu nyii bɔ belili moa bɛwole bɛ ne, na ɔfale bɛ loe ne ɔɔbɔle afɔleɛ. Na AWURADE nye sɔle Abel ne ye afɔleɛ ne,

Gyenesise 4:4 Iomraidhean Croise

Gyenesise 15:17

Mmerɛ bɔ eyia tɔle ná awosii wale nen, mvum nu, foonoo bɔ otu nwosina, ɔne see bɔ ogye wuronyiwuronyi wale bɛɛfale naen bue bue nemɔ afia.

Gyenesise 4:3

Nziɛ ye ne, Kein fale fieso nningyein ne bie ɔɔbɔle afɔleɛ mane AWURADE.

1 Ahemvo 18:24

Ɛ́mɔsu bɛ́frɛ ɛmɔ nyameɛ ne, na me koso ngosu ngɔfrɛ AWURADE. Bɛ nu horɛ bɔ ɔkɔmaa see kɔyera afɔleɛ ne nen, ye yeɛ ɔte Nyameɛ amba ɔ.” Na maen ne amukoraa hane kyɛ, “Yɛde yɛto nu.”

1 Ahemvo 18:38

Afei AWURADE see ne fili anwuro ɔɔyerale naen yeralɛ afɔleɛ ne, eyein ne, nyɔboɛ nemɔ ne berɛ nnɛterɛ ne, na ɔwewele nzue bɔ ogyi ɛkã ne anu ne.

1 Aberɛso Dwirɛ 21:26

Dawide sili afɔleɛ bokyea mane AWURADE wɔ berɛ, na ɔbobɔle naen yeralɛ afɔleɛ ne asomdwee afɔleɛ. Dawide bɔle mbaeɛ hyirele AWURADE. Otiele ye mbaeɛ ne, na ɔmane see fili nyameɛso ɔɔyerale Dawide naen yeralɛ afɔleɛ ne wɔ afɔleɛ bokyea ne aso.

2 Aberɛso Dwirɛ 7:1

Nana Solomon bɔle ye mbaeɛ ne yiele nen, see fili nyameɛso ɔɔyerale naen yeralɛ afɔleɛ ne ɔne afɔleɛ nemɔ. Na AWURADE animnyam yili asɔneyɛɛ sua ne anu tɛkyɛ.

Edwein 20:3

AWURADE ɔ́kaye w’afɔleɛ amukoraa, ná ɔ́ma ye nye sɔ wɔ naen yeralɛ afɔleɛ. Sela

Ɛksadɔso 13:12

tu abɔdeɛ biala bɔ okoli moa kofi koɛsɛen nu kɔwa ne sie berɛ ma AWURADE. Wɔ nyɛmmoa mɔ bɛ bamuɛbaa bienzua mukoraa te AWURADE deɛ.

Anyandera 3:9

Fa bɔ ele ye ɔ hyɛ AWURADE animnyam, wɔ fieso aleɛ bɔ ekoli moa kɔfa amukoraa koso,

Nworɛ Dwirɛhanɛniɛ 4:4

Na nwuni kyɛ, ɛfɛɛ mukoraa bɔ sona fɛ, ɔne ye sa noa adwuma mukoraa bɔ ɔyɔ ye yé ne, ɔnate ye nye bɔ ɔboro kyɛ ɔne obiɛngo bɛkɔyɛ pɛ ti ɔ: Ɛhe koso te mbaen, na ɔte dadwene mbaen.

Lewitikɔso 9:24

See fili AWURADE berɛ ɔɔyerale naen yeralɛ afɔleɛ ne, ɔne ɛloe bɔ ɔwɔ afɔleɛ bokyea ne aso ne. Mmerɛ bɔ mmenia ne amu benwuni ye ne, bɛteateane nu, na bɛfale bɛ nyunu bebutubutuli ase.

Numeri 16:15

Mose fɛle yaa paa, na osele AWURADE kyɛ, “Nnɛde b’afɔleɛ ne to nu. Nnnele afunum ko po mmvili bɛ berɛ, yeɛ nnyɔle bɛ nu biala tɛɛ.”

Numeri 16:35

Na see fili AWURADE berɛ ɔɔyerale mmienzua ɛyaa nyɔ ne aburannu bɔ né bɛbɔ ɛyɛɛ afɔleɛ ne.

Numeri 18:12

Ngoo ne anu paa paa, nzaa ne anu paa paa, ɔne aburoo ne anu paa paa, fieso aleɛ paa paa bɔ bɛfa bɛma AWURADE ne, mafa mama wɔ.

Numeri 18:17

Nakoso nandwie bamuɛbaa, anaa boaen bamuɛbaa, anaa abɔngye bamuɛbaa de, nnɛpɔ bɛ; bɛte krongron. To bɛ mogya ne pete afɔleɛ bokyea ne aso, ná yera bɛ loe ne ma ɔyɛ afɔleɛ bɔ bɛfa see bɛyera ye, bɔ ɔbo AWURADE fona ɔ.

Hebrifoɛ 11:4

Ɔnate gyidie so yeɛ Abel bɔle afɔleɛ paa bɔ ɔtra Kein deɛ ne, ná ɔsɔle Nyameɛ nye ɔ. Ɔnate ye gyidie so Nyameɛ buli ye kyɛ ɔtengyɛ, ofikyɛ Nyameɛ lili y’ayɛyɛdeɛ ne nwo adanzeɛ. Na ɔwɔ nu kyɛ Abel awu de, nakoso ɔnate ye gyidie so ɔtɛ dwudwo.

Hebrifoɛ 9:22

Na kyɛbɔ mmeraa ne kyire ne, ɔpena yɛ kyɛ mogya yeɛ bɛfa bɛte nningyein amukoraa nwo ɔ, na sɛ mogya angua a, bɔnefakyɛ nne berɛ.

Nyekyire 13:8

Na bɛ bɔ bɛte aseɛ so amukoraa bɛkɔkoto ye: bɛ bɔ bamvi wiase bohyɛlɛ bangyerɛ bɛ dumaa wɔ Boaen Ba bɔ behuni ye ne ngoa nwomaa ne anu ne.

Maenbulɛfoɛ 6:21

Yeɛ AWURADE abɔfo ne, pɔmaa bɔ otira ye ne, ɔfale ye noa ne hane naen ne ɔne taterɛ kabrɛdi ne. Na see gye fili nyɔbotaen ne anu ɔɔyerale naen ne ɔne taterɛ kabrɛdi ne. Na AWURADE abɔfo ne, otu minini fili Gideon nyunu.

1 Samuel 15:22

Nakoso Samuel hane kyɛ, “Aso AWURADE nye gye naen yeralɛ afɔleɛ ne afɔleɛ mɔ nwo tra kyɛ ekotie AWURADE dwirɛ ɔ? Nahorɛ nu, sotie te paa tra afɔleɛbɔlɛ, yeɛ asoɛ mmerɛlɛyɛlɛ te paa tra boaen nyii loe.