Gyenesise 26:4 - AHYERƐLƐ KRONGRON

⁴ Ngɔmaa wɔ bosofoɛ kɔsone kyɛ nyameɛso nzramaa, na ngɔfa aseɛ ye amukoraa ngɔma bɛ, na ɔnate bɛ so yeɛ amaen maen mukoraa bekonya saleɛ ɔ,

Gyenesise 26:4 Iomraidhean Croise

Gyenesise 13:16

Ngɔma wɔ boso ama kɔta kyɛ aseɛ so mvuture. Na sɛ ebie kora ka aseɛ so mvuture a, ye de ɔkɔhora kɔha wɔ boso ama koso.

Gyenesise 15:18

Na sɔ kyẽa ne ala, AWURADE ne Abram yɛle apam, na ɔhane kyɛ, “Wɔ boso ama yeɛ méfa sɔ aseɛ he méma bɛ ɔ: ofi Misraim asue noa bɔ ɔkwaadwu asue piri Yufreti noa,

Gyenesise 15:5

Afei Nyameɛ fale ye fitele, na osele kyɛ, “To wɔ nye anwuro na ka nzramaa nemɔ, na nea sɛ ɛkɔhora kɔha bɛ a.” Na osele ye kyɛ, “Sɔ ala yeɛ wɔ boso ama kɔyɛ ɔ.”

Gyenesise 18:18

Susu amba kyɛ, Abraham boso ama kɔyɛ maen pirikua bɔ ole tumi, na ɔnate ye so yeɛ ewiase maen mukoraa bekonya saleɛ ɔ.

Gyenesise 26:24

Na AWURADE yele ye nwo ali hyirele Yisake sɔ kɔngɔen ne ala, na osele ye kyɛ, “Me ole wɔ baba Abraham ye Nyameɛ. Nnɛsuro, ofikyɛ ngyi wɔ si. Ɔnate m’akoaa Abraham ti ngoyira wɔ na mamaa wɔ bosofoɛ asone.”

Gyenesise 28:14

Wɔ bosofoɛ kɔsone kyɛ aseɛ so mvuture. Na wɔ boso kɔtrɛ kofi eyia afiteleɛ koodwu eyia atɔleɛ; fi sorɔ kodwu ngwaen, na ɔnate wɔ ne wɔ bosofoɛ so yeɛ ewiase mmenia amu konya saleɛ ɔ.

Gyenesise 28:3

Ɛdangama Nyameɛ óyira wɔ ná ɔma ɛwo, ná wɔ boso ɔtrɛ, amaa ɔnate so ayɛ maen maen pee bɛ nana.

Gyenesise 35:12

Na aseɛ bɔ mva mane Abraham ne Yisake ne, ngɔfa ngɔma wɔ ne kyẽa bie wɔ boso ama.”

Gyenesise 47:27

Yiti Yisrael tenane Gosen mbɔtam wɔ Misraim maen nu. Benyane agyapadeɛ wɔ berɛ, na bɛwowole bɛyɛle pee.

1 Aberɛso Dwirɛ 27:23

Yisraelfoɛ bɔ né bennya bellili afoɛ aburanyɔ ne, Dawide wanga bɛ, ofikyɛ né AWURADE ahyɛ bɔ kyɛ ɔkɔma Yisraelfoɛ bɛkɔsone kyɛ ewienu nzramaa.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Ɛksadɔso 32:13

Kaye wɔ ngoaa Abraham, Yisake ne Yisrael bɔ ɛtale wɔ bɔbɔ wɔ nwo ndaen sele bɛ kyɛ, ‘Ngɔma ɛmɔ boso ama kɔsone pee kyɛ ewienu nzramaa; na aseɛ he amukoraati bɔ mabɔ ye nwo anohoba ne, ngɔfa ngɔma ɛmɔ boso ama, na ɔkɔyɛ bɛ deɛ afebɔɔ.’ ”

Ɛksadɔso 6:4

Mene bɛ koso yɛyɛle m’apam, kyɛ ngɔfa Kanaan aseɛ bɔ bɛɛtenane so bɛyɛle ɛwɔfoɛ ne ngɔma bɛ.

Asomafoɛ 3:25

Anohoba bɔ Nyameɛ nate ye ngɔmhyɛlɛfoɛ so bɔle ne te ɛmɔ deɛ, yeɛ Nyameɛ ne ɛmɔ nana mɔ apam ne koso, ɛmɔboka so, kyɛbɔ ɔha hyirele Abraham kyɛ, ‘Ngɔfa wɔ bosofoɛ so ngoyira ewiase abusua mukoraa.’

Galatiafoɛ 3:16

Abraham ne ye bosoniɛ yeɛ Nyameɛ hyɛle bɛ bɔ ɔ. Ɔnga kyɛ, “Wɔ bosofoɛ,” bɔ okyire mmeni pee; na mmom okyire sona horɛ: “Wɔ bosoniɛ,” bɔ ye ole Kristo.

Galatiafoɛ 3:8

Na Ahyerɛlɛ ne hã tole berɛ kyɛ Nyameɛ kɔfa gyidie so yeɛ okobua Amaenmaensofoɛ mɔ be ɔ, na Nyameɛ dwirɛ ne lili moa sele Abraham kyɛ, “Ɔnate wɔ so yeɛ Nyameɛ koyirayira maen maen amukoraa ɔ.”

Deuteronomi 13:17

Sɔ musue nningyein ne, nnɛfa bie sie, na ɔnate so AWURADE kɔye ye yaafɛlɛ piri ne kofi wɔ so. Okonwu wɔ anwumvoin, na ɔkɔlo wɔ maa ɛkɔta pee, kyɛbɔ ɔtale ndaen hyirele wɔ nana mɔ ne.

Deuteronomi 9:5

Nna wɔ tengyɛlɛ anaa wɔ ti anu fufue ti yeɛ ɔmaa ɛkwaafa b’aseɛ ne ɔ, na mmom sɔ maen hemɔ b’amumuyɛɛ ti yeɛ AWURADE wɔ Nyameɛ ɔ́foa bɛ fi wɔ nyunu ɔ; amaa ɔnate so edwirɛ bɔ AWURADE tale ye nwo ndaen hyirele wɔ nana mɔ, Abraham, Yisake ne Yakob nen, wasi so agyinayɛɛ.

Hebrifoɛ 11:2

Ofikyɛ, ɔnate gyidie so yeɛ daa ama mɔ sɔle Nyameɛ nye ɔ.