Gyenesise 24:3 - AHYERƐLƐ KRONGRON

³ na memaa ɛfa AWURADE, nyameɛso Nyameɛ ne aseɛ Nyameɛ ne ɛta ndaen kyɛ, Kanaanfoɛ bɔ nde bɛ nu wa ye, engogya bɛ nu brasua biala ngɔma mma ye.

Gyenesise 24:3 Iomraidhean Croise

1 Korintofoɛ 7:39

Sɛ brasua ahu te ase a, ɔngora nne ohu ndete nu; nakoso sɛ ohu ne wu de a, né ɔne ye batete nu, na ɔkora gya bienzua biala bɔ okuro ɔ, wɔ Awurade nu ngome.

Nehemia 13:25

Na ndwili bɛ nyunu nnomale bɛ, mmole bɛ nu biemɔ ndutuli bɛ ti nwiaa, na mmaa bɛfale Nyameɛ dumaa bɛtale ndaen kyɛ, “Nnɛma ɛmɔfa ɛmɔ mma mmrasua nemɔ bɛma bɛ mma mmienzua nemɔ agyaa, yeɛ nnɛma ɛmɔde bɛ mma mmrasua nemɔ agyaa bɛma ɛmɔ mma mmienzua, yeɛ ɛmɔ bɔbɔ koso nnɛma ɛmɔgyigya bɛ.

Gyenesise 28:8

Yiti Yisɔ nwuni kyɛ Yisake nye ngye Kanaan mmrasua nemɔ nwo ne,

Yeremia 10:11

Yiti ɛmɔhã behyire bɛ kyɛ, nyameɛ mɔ bɔ nna bɛ yeɛ bɛbɔle anwuro ne aseɛ ne, bɛ boso kotu komini kofi aseɛ ye aso ne ewienu abo.

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

Ɛksadɔso 34:16

Annea a, né agyigya bɛ mmrasua nemɔ bie ama wɔ mma mmienzua nemɔ. Na bɛ mma mmrasua nemɔ bɛbɔ adwaman bedi bɛ bosoen nemɔ asi a, bɛkɔma wɔ mma mmienzua nemɔ koso kɔbɔ adwaman koli bɛ bosoen nemɔ asi bie.

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

2 Aberɛso Dwirɛ 2:12

Huram toale so sele kyɛ, “AWURADE Yisrael Nyameɛ bɔ ɔbɔle anwuro ne aseɛ ne, animnyam hã ye. Ye yeɛ waye baa nworɛniɛ bɔ ole adwene ne ndeaseɛ wama Nana Dawide kyɛ osi asɔneyɛɛ sua ma AWURADE, ná osi ahemvie ɔtena nu ɔ.

Yosua 2:12

Ɔnate kyɛ mayɛ ɛmɔ paa ne ati, ɛ́mɔta AWURADE ndaen kekesaala ye, kyɛ ɛmɔ koso ɛmɔkɔyɛ me baba awuro ama paa. Ɛ́mɔhyire me nikyee bɔ ɔkɔmaa ngole ɛmɔ ngoli,

Deuteronomi 10:20

AWURADE wɔ Nyameɛ yeɛ ɔsɛ kyɛ esuro ye ɔ; ye ngome twe yeɛ sɔne ye ɔ; ye yeɛ fa wɔ nwo bɔ ye ɔ, na ye dumaa yeɛ fa ta ndaen ɔ.

Deuteronomi 6:13

Suro AWURADE wɔ Nyameɛ, ye yeɛ ɔsɛ kyɛ ɛso ye ɔ, na ye dumaa ngome yeɛ fa ta ndaen ɔ.

Numeri 5:21

ye de ɔsɔfo ne, ɔ́ma braa ne ta ɛnomalɛ ndaen ne ná ɔha hyire braa ne kyɛ, ‘AWURADE ma ɛpɔ baa ná mogya tu wɔ maa ɔnate so wɔ mmenia mɔ benwu wɔ kyɛ AWURADE anoma wɔ, na ɛte akyiwadeɛ wɔ bɛ nu.

Ɛksadɔso 23:13

Bɔ mahã mahyire ɛmɔ ne amukoraa, ɛ́mɔli so. Nnɛma ɛmɔbɔ nyameɛ foforɛ biala dumaa; yeɛ nnɛmɔma ofite ɛmɔ noa.

Ɛksadɔso 20:7

“Nnɛbɔ AWURADE wɔ Nyameɛ dumaa mbaen mbaen; ofikyɛ ebiala bɔ ɔkɔbɔ AWURADE dumaa mbaen mbaen ne, ɔngɔma ɔngɔfa ye nwo ngoli tɔtorɔtɔɔ.

Gyenesise 50:25

Yosef mane Yisrael mma nemɔ tale ndaen hyirele ye, na ɔhane kyɛ, “Nyameɛ kɔɔye ɛmɔ kofi wa. Na sɛ ɔba ye sɔ a, ɛ́mɔsoa me mmowue béfi wa bɛhɔ.”

Gyenesise 27:46

Na Rebɛka sele Yisake kyɛ, “Hiti mmrasua nemɔ amaa wiase afono me. Sɛ ɔkɔba kyɛ Yakob gya Hiti mmrasua nemɔ bie kyɛ Yisɔ deɛ nemɔ a, ye de né nwuli po a ahaa ɔte paa.”

Gyenesise 21:23

yiti fa Nyameɛ ta ndaen kyire me kyɛ ɛngɔlakalaka me, anaa me mma, anaa me boso ama. Na kyɛbɔ mali nahorɛ mama wɔ ne, sɔ ala yeɛ di nahorɛ ma me ne aseɛ bɔ aayɛ so ɛwɔfoɛ ne ɔ.”

Gyenesise 14:19

Oyirale ye kyɛ, “Anwuro Anwuro Nyameɛ, bɔ ɔbɔle anwuro ne aseɛ ne, óyira Abram;

Gyenesise 6:4

Na sɔ mmerɛ ne anu, yeɛ ye si ye po, né Nefilifoɛ wɔ aseɛ so. Na ɔwale kyɛ Nyameɛ mma nemɔ bɛɛfale mmenia mma mmrasua nemɔ, na bɛ ne bɛ wowole mmaa. Na sɔ mmaa nemɔ ole daa tete anwoserɛfoɛ, mmenia bɔ belele dumaa ne.

Gyenesise 6:2

Nyameɛ mma nemɔ benwuni kyɛ mmenia mma mmrasua nemɔ bɛ nwo yɛ nyemene, yiti begyigyale bɛ nu biala bɔ bekuro ɔ.

Hebrifoɛ 6:16

Ofikyɛ amba, sona fa ebie bɔ odi mu tra ye ɔ, ye dumaa yeɛ ɔta ndaen ɔ, na ndaen bɔ ɔfa foa so ne ma aporowaasulɛ biala so pɛ.

Sefania 1:5

yeɛ bɛ bɔ bɛsɔne anwuro abɔdeɛ mɔ wɔ sua ti afia; yeɛ bɛ bɔ bɛsɔne AWURADE bɛfa ye bɛta ndaen, nakoso bɛfa bosoen Milkom bɛta ndaen ɔ;

Yeremia 12:16

Na sɛ bɛkɔyere bɛ nwo bekosua me maen ye atee, ná bɛkɔfa me dumaa bɛkɔta ndaen kyɛ, ‘Kyɛ AWURADE te ase ye’, kyɛbɔ behyirele me maen maa bɛfale Baal bɛtale ndaen ne a, ye de bɛ bo kotimu wɔ me maen ne anu.

Yeremia 4:2

ná sɛ ɛta ndaen kyɛ, ‘Kyɛ AWURADE te ase ye!’ wɔ nahorɛ nu, pɛpɛɛpɛyɛlɛ nu ne tenenee nu a, ye de, maen maen mɔ bekonya bɛ saleɛ wɔ ye nu, na ye nu yeɛ bekonya b’animnyam ɔ.

Yesaya 65:16

amaa ɔnate so ebiala bɔ ɔkɔhã saleɛ dwirɛ kɔma ye nwo wɔ aseɛ ne aso ne, ɔkɔfa nahorɛlilɛ Nyameɛ ne yeɛ okoyira ye nwo ɔ; yeɛ ebiala bɔ ɔkɔta ndaen wɔ aseɛ ne aso ne, ɔkɔfa nahorɛlilɛ Nyameɛ ne yeɛ ɔkɔta ndaen ɔ; ofikyɛ bɛ wora kofi amaneɛ bɔ ɔtole bɛ daa ne, na mabu me nye magua so.

Yesaya 48:1

O Yakob boso ama, ɛ́mɔtie dwirɛ he, ɛmɔ bɔ bɛfa Yisrael dumaa bɛfrɛ ɛmɔ ɔ, bɔ ɛmɔte Yuda bosofoɛ, bɔ ɛmɔfa AWURADE dumaa bɛta ndaen, bɔ ɛmɔbɔ Yisrael Nyameɛ dumaa, nakoso ɛmɔnyɔ sɔ nahorɛ ne tenenee nu ɔ.

Yesaya 45:23

Mata me bɔbɔ me nwo ndaen, tenenee dwirɛ yeɛ ofi me noa nu wawa ɔ, edwirɛ bɔ mengɔhwe ngosa ɔ, kyɛ, ‘Nangoroma mukoraa bɛkɔkoto me, ná noa amukoraa bafa me bata ndaen.’

Edwein 115:15

AWURADE bɔ ɔbɔle anwuro ne aseɛ ne, óyira ɛmɔ.

1 Samuel 20:17

Yonatan mane Dawide tale ndaen bieku kyɛ okuro ye dwirɛ; ofikyɛ né Yonatan kuro Dawide dwirɛ kyɛ ye bɔbɔ ye nwo.

Lewitikɔso 19:12

“Nnɛma ɛmɔfa me dumaa bɛta edwirɛ bɔ nahorɛ ɔnne nu ɔ nwo ndaen, ná angua wɔ Nyameɛ dumaa nwo fiɛ: Me ole AWURADE.

Ɛksadɔso 22:11

ɔsɛ kyɛ bɛ munyɔ bɛta ndaen wɔ AWURADE nyunu; ná ɔsa ye nwo kyɛ ɔyyɔle obiɛngo kaka ne hwee. Ɔsɛ kyɛ kaka ne mene pene so, na ɔnzɛ kyɛ ode obiɛngo ne berɛ.

Gyenesise 14:22

Nakoso Abram sele Sodom hene ne kyɛ, “Mata ndaen mahyire AWURADE, Anwuro Anwuro Nyameɛ bɔ ɔbɔle anwuro ne aseɛ ne,

Gyenesise 24:7

Ofikyɛ AWURADE, nyameɛso Nyameɛ bɔ ɔfale me fili me baba awuro, ɔne aseɛ bɔ bɛwole me wɔ so ne, odwudwo hyirele me, na ɔtale ndaen hyirele me kyɛ, ‘Wɔ bosofoɛ yeɛ ngɔfa sɔ aseɛ he ngɔma bɛ ɔ.’ Na ye ala yeɛ ɔkɔsoma ye abɔfo maa okoli wɔ nyunu ɔ, ná aagya braa dɔ abrɛ mma ne ɔ.

Gyenesise 28:1

Yiti Yisake frɛle Yakob na oyirale ye, na ɔkanzole ye kyɛ, “Nnɛgya Kanaanniɛ brasua biala.

Gyenesise 47:31

Yakob toale so kyɛ, “Ta ndaen kyire me.” Na Yosef tale ndaen hyirele ye. Na Yisrael bɔle ye nu ase fale ye ti kisale mba ne sorɔ.

Maenbulɛfoɛ 14:3

Nakoso ye baba ne ye maame buale ye kyɛ, “Aso w’abusua nu, anaakyɛ yɛ maen ye anu amukoraati, brasua biala ɔnne nu, bɔ yiti ɔsɛ kyɛ ɛkɔ Filistifoɛ bɔ bɛmbɛ bɛ bienzua ye mɔ anu ekogya braa ɔ?” Nakoso Samson sele ye baba kyɛ, “Kogya ye ma me, ofikyɛ ye yeɛ mekuro ye ɔ.”

Edwein 136:26

Ao, ɛ́mɔfa asennaa bɛ́ma nyameɛso Nyameɛ ne, ofikyɛ ye ɔdɔ bɔ onni ngasi ne, ɔwɔ berɛ afebɔɔ.

Gyenesise 34:9

Ɛ́mɔma yɛ́gyigya yɛ nwo; ɛ́mɔfa ɛmɔ mma mmrasua bɛ́ma yɛ́gya, na ɛmɔ koso ɛ́mɔgyigya yɛ deɛ mɔ.

Gyenesise 38:2

Berɛ yeɛ Yuda nwuni Kanaanniɛ bie bɔ bɛfrɛ ye Suwa ɔwa brasua ɔ. Ogyale ye, na ɔne ye bɛlale.

1 Samuel 30:15

Na Dawide bisale ye kyɛ, “Ekoohyire me nekaa bɔ apaabɔlɛfoɛ nemɔ wɔ ne anaa?” Yeɛ obuale kyɛ, “Fa Nyameɛ ta ndaen kyire me kyɛ engohu me, anaakyɛ ɛngɔfa me ngowura me mene sa, na ngoohyire wɔ nekaa bɔ apaabɔlɛfoɛ nemɔ bɛwɔ ɔ.”

Ɛsra 5:11

Na mmuayɛɛ bɔ bɛfa bɛmane yɛ ɛhe, ‘Anwuro ne aseɛ Nyameɛ ne, yɛte ye ngoaa. Yɛsa yɛsi awuro bɔ daa tetetete besili, bɔ ɔte awuro bɔ Yisrael hene piri bie osi yiele korakora ɔ.

Yeremia 29:6

Ɛ́mɔgyigya mmraa ná ɛ́mɔwowo mmaa mmienzua ne mmaa mmrasua; ɛ́mɔgyigya mmraa bɛ́ma ɛmɔ mma mmienzua mɔ, ná ɛ́mɔfa ɛmɔ mma mmrasua bɛmoma biaa mɔ maa bɛwowo mmaa mmienzua ne mmaa mmrasua, amaa ɔnate so ɛmɔata pee wɔ dɔ, ná ɛmɔ so ande.