Gyenesise 2:9 - AHYERƐLƐ KRONGRON

⁹ Na AWURADE Nyameɛ mane mmakaa mukoraa bɔ bɛyɛ nyemene ná ɔte paa kyɛ bedi ɔ fifili aseɛnwo wɔ turo ne anu; ɔmane ngoa bakaa fifili turo n’afia, yeɛ paa ne bɔne nwo nimdeɛ bakaa koso fifili nu.

Gyenesise 2:9 Iomraidhean Croise

Gyenesise 2:17

nakoso paa ne bɔne nwo nimdeɛ bakaa ne de, nnɛdi bie, ofikyɛ kyẽa bɔ ekoli bie ne, ewue yeɛ ekowu ɔ.”

Gyenesise 3:22

Afei AWURADE Nyameɛ sele kyɛ, “Nea, kuro sona ne ayɛ kyɛ yɛ nu ko ala, wanwu paa ne bɔne. Annea a, né watengyɛ ye sa wate ngoa bakaa ne koso bie wali, ná watena ase daa.”

Gyenesise 3:24

Ɔfoane kuro sona ne fili berɛ, na ɔfale kɛrubim, ɔne ngrandɛ bɔ ogye wuronyiwuronyi, na osa pɛ ye nwo osiele Eden turo ne nyunu wɔ eyia afiteleɛ, kyɛ ɔbɔ atee bɔ ɔkɔ ngoa bakaa ne nwo waen.

Gyenesise 3:3

nakoso Nyameɛ nwa: ‘Bakaa bɔ ogyi turo n’afia ne mma de, nnɛma ɛmɔdi bie, yeɛ nnɛma ɛmɔfa bɛ sa bɛka ye. Sɛ ɛmɔdi a, ewue yeɛ ɛmɔkowu ɔ.’ ”

Gyenesise 3:5

Ofikyɛ Nyameɛ se kyɛ kyẽa bɔ ɛmɔkoli bie ne, ɛmɔ nye kobukye, na ɛmɔkɔyɛ kyɛ Nyameɛ ala, na ɛmɔanwu paa ne bɔne.”

Anyandera 11:30

Teneneeniɛ ye mma bɔ osu te ngoa bakaa, na sona bɔ ɔtwetwe akra ne, ɔte nworɛniɛ.

Anyandera 3:18

Ɔte ngoa bakaa ma bɛ bɔ betira ye nu ɔ, na bɛ bɔ bɛsɔ ye nu bum ne, benya saleɛ.

Yesaya 44:25

Kyẽa bie dwirɛ nwo musue bɔ ahɔmeɛ bɛye ne, me yeɛ memaa ɔyɛ mbaen ɔ, mema ngonyaayelɛfoɛ bɛyɛ ngwaseaa, mema nworɛfoɛ bɛ nworɛ ka nziɛ, na mekakyi bɛ nimdeɛ ngwaseasɛm.

Yesaya 47:10

“Ɛfale wɔ wora wurale w’amumuyɛɛyɔlɛ nu, na ɛhane kyɛ, ‘Sona biala nnwu me.’ Wɔ nworɛ ne wɔ nimdeɛ yeɛ bamaa amini ɔ, na ɛhane ye wɔ wɔ ti anu kyɛ, ‘Me ɛne! Ebiala nne berɛ bɔ ɔte kyɛ me ɔ.’

Hesekiel 31:16

Ye asetɔlɛ bɔ ɔtɔle berɛ tuu ne, mvale so mane maen maen mɔ bɛwosole, mmerɛ bɔ mvindini ye ne bɛ bɔ bɛkɔ ɛborɔ kumaa nu ndole ɛborɔ dɔ ne. Na afei Eden mmakaa mukoraa, Lebanon mmakaa paa paa bɔ baneanea nu baye ɔ, mmakaa mukoraa bɔ benya nzue ɔ, bɛ wora kɔkyekye wɔ aseɛ bo dɔ.

Hesekiel 31:18

Eden mmakaa nu beni yeɛ w’animnyam ne wɔ piri ɔne ye sɛ ɔ? Nakoso bɛkɔfa wɔ ne Eden mmakaa bɛkɔhɔ aseɛ bo; ɛkɔɔboka bɛmbɛ-bɛ-bienzuafoɛ so, ɔne bɛ bɔ batotɔ ngrandɛ noa ɔ so. “Ɛhe fa Faro ne ye lɔen worawora ne amukoraa anwo, AWURADE Nyameɛ noa dwirɛ ɛne.”

Hesekiel 47:12

Mmakaa ahoroɔ amukoraa bɔ bedi ɔ kofifi asue ne noa, wɔ ye bue nyɔ ne. Bɛ nyaa ngɔkese, yeɛ mmaa ngɔpa so. Bosome biala bekosu mmaa foforɛ, ofikyɛ nzue bɔ benya ye ne ofi nekaa krongron berɛ. Bekoli bɛ mma ne, né bafa bɛ nyaa koso bayɛ ayire.”

Yohane 6:48

Me ole ngoa paanoo ne.

1 Korintofoɛ 8:1

Afei, ɔfa bosoen so aleɛ nwo dwirɛ de, yɛse kyɛ yɛ mukoraa yɛle nimdeɛ. Nimdeɛ ma sona moma ye nwo so, nakoso ɔdɔ de ɔma ngɔsoɛ.

Deuteronomi 6:25

Na sɛ yɛdi mmeraa dwirɛ he amukoraati so pɛpɛɛpɛ wɔ AWURADE yɛ Nyameɛ nyunu, kyɛbɔ wahyɛ yɛ ne a, ye de yɛkɔtengyɛ wɔ ye nyunu.’

Nyekyire 2:7

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye ngoa bakaa bɔ ogyi Nyameɛ Paradise ne anu mma maa okoli.

Nyekyire 22:14

Bɛ bɔ bɛpo bɛ ndaadeɛ ne, banya saleɛ, kyɛbɔ bekonya ngoa bakaa ne nwo atee, ná bafa anoa ne anu bahɔ kuro ne anu ɔ.

Nyekyire 22:2

kɔfa kuro ne dwaaso afia ɔ. Na asue ne bue nyɔ ne, né ngoa bakaa bɔ osu mmaa ahoroɔ buru ne nyɔ ɔ gyi berɛ, na osu ye mma bosome biala. Na bakaa ne nyaa yeɛ bɛfa bɛsa maen maen mɔ anwonyerɛ ɔ.