Gyenesise 2:8 - AHYERƐLƐ KRONGRON

⁸ Afei AWURADE Nyameɛ yɔle turo bie wɔ Eden, bɔ ɔwɔ eyia afiteleɛ, na ɔmane biaa bɔ ɔnwone ye ne tenane berɛ.

Gyenesise 2:8 Iomraidhean Croise

Gyenesise 13:10

Lɔto totole ye nye neane Yɔɔdan noa aseɛ frɛtɛɛ ne amukoraa, bɔ ɔkɔ Soa bue nu dɔ ne, na onwuni kyɛ nzue doadoa ye nekaa biala te kyɛ AWURADE turo ne, kyɛ Misraim aseɛ. Ɛhe sili koraka yeɛ AWURADE baasɛkye Sodom ne Gomora ɔ.

Gyenesise 3:23

Yiti AWURADE Nyameɛ foane ye fili Eden turo ne anu, kyɛ ɔɔyɔ kua wɔ aseɛ bɔ ɔyele ye fili nu ne aso.

Gyenesise 3:24

Ɔfoane kuro sona ne fili berɛ, na ɔfale kɛrubim, ɔne ngrandɛ bɔ ogye wuronyiwuronyi, na osa pɛ ye nwo osiele Eden turo ne nyunu wɔ eyia afiteleɛ, kyɛ ɔbɔ atee bɔ ɔkɔ ngoa bakaa ne nwo waen.

Gyenesise 4:16

Afei Kein fili AWURADE nyunu berɛ hɔle, na ɔɔtenane Nɔɔdo aseɛ so wɔ Eden eyia afiteleɛ.

2 Ahemvo 19:12

Maen maen mɔ bɔ me nana mɔ bɛbɔle bɛ, bɔ bɛ ole Gosan, Haran ne Resefe ne Edenfoɛ bɔ né bɛwɔ Telasa ne, aso sɔ maen nemɔ bɛ nyameɛ mɔ bɛhora bɛpepɛ belele bɛ?

Yesaya 51:3

AWURADE kɔkyekye Sion wora, ɔkɔkyekye ye kurofoen amukoraa wora, ye ɛserɛ ne, ɔkɔkakyi ye maa ɔkɔyɛ kyɛ Eden, ɔne ye aseɛ pralaa ne kyɛ AWURADE turo, na bekonwu anika ne anigye wɔ nu, yeɛ asennaa ne edweintolɛ.

Hesekiel 27:23

Haran, Kanne, Eden, Hyeba dwadifoɛ, Asure ne Kilmade bɛ ne wɔ lili dwaa.

Hesekiel 28:13

Né Nyameɛ turo Eden nu yeɛ ɛwɔ ɔ, nyɔboɛ mukoraa bɔ bɛ nyɔboɛ yɛ se ɔ yeɛ né ɔkata wɔ nwo ɔ. Bɛ ole: kanelian, topase ne yasepa, krisolite, bɛrile ne onike, safire, ɛmerade ne kabunkre. Sikaa kɔkorɛ yeɛ bɛfa bɛhyehyɛle wɔ nwo ɔ; na kyẽa bɔ bɛbɔle wɔ ne, yeɛ bɛhyehyɛle bɛ ɔ.

Hesekiel 31:16

Ye asetɔlɛ bɔ ɔtɔle berɛ tuu ne, mvale so mane maen maen mɔ bɛwosole, mmerɛ bɔ mvindini ye ne bɛ bɔ bɛkɔ ɛborɔ kumaa nu ndole ɛborɔ dɔ ne. Na afei Eden mmakaa mukoraa, Lebanon mmakaa paa paa bɔ baneanea nu baye ɔ, mmakaa mukoraa bɔ benya nzue ɔ, bɛ wora kɔkyekye wɔ aseɛ bo dɔ.

Hesekiel 31:18

Eden mmakaa nu beni yeɛ w’animnyam ne wɔ piri ɔne ye sɛ ɔ? Nakoso bɛkɔfa wɔ ne Eden mmakaa bɛkɔhɔ aseɛ bo; ɛkɔɔboka bɛmbɛ-bɛ-bienzuafoɛ so, ɔne bɛ bɔ batotɔ ngrandɛ noa ɔ so. “Ɛhe fa Faro ne ye lɔen worawora ne amukoraa anwo, AWURADE Nyameɛ noa dwirɛ ɛne.”

Yoel 2:3

See bie yera nningyein di bɛ nyunu, na see bɔ ogye ɔ wɔ bɛ si. Aseɛ ne te kyɛ Eden turo ne wɔ bɛ nyunu, nakoso bɛ si de, ɔkakyi ɛserɛ pralaa. Amba, nikye fee ngɔfa ye nwo ngoli tɔtorɔtɔɔ wɔ bɛ sa nu.