Gyenesise 2:3 - AHYERƐLƐ KRONGRON

³ Yiti Nyameɛ yirale kyẽa bɔ ɔtɔ so nzoo ne, na ɔyɛle ye krongron, ofikyɛ ye adwuma bɔ ɔyɔle ye wɔ nningyein bɔlɛ nu ne, sɔ kyẽa ne yeɛ olele ye nwome ɔ.

Gyenesise 2:3 Iomraidhean Croise

Gyenesise 1:31

Nyameɛ nwuni kyɛ nningyein bɔ wayɔ ne amukoraa te paa paa. Aleɛ sane, na aleɛ hyene: kyẽa bɔ ɔtɔ so nzia ɛne.

Gyenesise 2:2

Kyẽa bɔ ɔtɔ so nzoo nen, né Nyameɛ ayie ye adwuma bɔ ɔyɔle ne yɔ; na kyẽa bɔ ɔtɔ so nzoo ne, olili afofi wɔ ye adwuma bɔ ɔyɔle amukoraa nwo.

Gyenesise 2:4

Kyɛbɔ Ɛdangama si bɔle anwuro ne aseɛ ne, ye nwo dwirɛ ɛhe. Mmerɛ bɔ AWURADE Nyameɛ bɔle aseɛ ne anwuro ne,

Nehemia 9:14

Ɛmaa benwuni w’afofikyẽa krongron ne, yeɛ ɛnate wɔ somvoɛ Mose so mane bɛ ahyɛdeɛ ne nhyehyɛleɛ ne mmeraa.

Ɛksadɔso 23:12

“Fa elesia yɔ w’adwuma, nakoso kyẽa bɔ ɔtɔ so nzoo ne de, de wɔ nwome; amaa ɔnate so wɔ nandwie ne w’afunum bale bɛ nwome, ná w’afaneɛ awa ne wɔ wɔfoɛ koso bale bɛ nwome.

Ɛksadɔso 34:21

“Fa elesia yɔ adwuma, nakoso kyẽa bɔ ɔtɔ so nzoo ne de, de wɔ nwome; sɛ eboosonɛ anaa mmakaammaa telɛ mmerɛ po a, de wɔ nwome.

Anyandera 10:22

AWURADE saleɛ yeɛ ɔma sona nya ye nwo ɔ, na ɔmva aworabɔlɛ biala mmoka so.

Hesekiel 20:12

Asa koso, mvale m’afofingyẽa nemɔ mane bɛ, kyɛ ɔte sɛngyerɛnneɛ bɔ ɔla me ne bɛ y’afia ɔ, amaa ɔnate so banwu kyɛ me, AWURADE, me yeɛ mete bɛ nwo ɔ.

Lewitikɔso 23:3

Elesia yeɛ ɔsɛ kyɛ ɛmɔfa bɛ́yɔ adwuma ɔ, nakoso kyẽa bɔ ɔtɔ so nzoo ne de, ɔte nwomelelɛ kyẽa bɔkɔɔ. Ɔte nyianu krongron, ná onni kyɛ ɛmɔyɔ adwuma biala; ɔte afofikyẽa ma AWURADE wɔ nekaa biala bɔ ɛmɔkɔtena ɔ.

Marko 2:27

Na osele bɛ kyɛ, “Sona ti yeɛ bɛhyehyɛle afofikyẽa ɔ, ná nna afofikyẽa ti yeɛ bɛbɔle sona ɔ.

Luka 23:56

Afei besa bɛhɔle beesiesiele ayirefona ne sakyeɛfona. Na afofikyẽa ne, belele bɛ nwome kyɛbɔ mmeraa ne te ne.