Gyenesise 2:1 - AHYERƐLƐ KRONGRON

¹ Yiti sɔ yeɛ Nyameɛ bɔle anwuro ne aseɛ ne bɛ nu nningyein mukoraa yiele ɔ.

Gyenesise 2:1 Iomraidhean Croise

Gyenesise 1:1

Ahyɛaseɛ ne, Nyameɛ bɔle anwuro ne aseɛ.

Gyenesise 1:10

Nyameɛ tole nekaa wosee ne dumaa Aseɛ, yeɛ nzue bɔ ye noa aboa ne koso, ɔtole ye dumaa Ɛpo. Na Nyameɛ nwuni kyɛ ɔte paa.

Gyenesise 2:4

Kyɛbɔ Ɛdangama si bɔle anwuro ne aseɛ ne, ye nwo dwirɛ ɛhe. Mmerɛ bɔ AWURADE Nyameɛ bɔle aseɛ ne anwuro ne,

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

2 Aberɛso Dwirɛ 2:12

Huram toale so sele kyɛ, “AWURADE Yisrael Nyameɛ bɔ ɔbɔle anwuro ne aseɛ ne, animnyam hã ye. Ye yeɛ waye baa nworɛniɛ bɔ ole adwene ne ndeaseɛ wama Nana Dawide kyɛ osi asɔneyɛɛ sua ma AWURADE, ná osi ahemvie ɔtena nu ɔ.

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

YOB NWOMAA NE 12:9

Bɛ mukoraa bɛ nu beni yeɛ ɔnze ɔ, kyɛ AWURADE yeɛ wayɔ sɔ nikyee ne ɔ?

Edwein 104:2

Afa kanea agurɔ wɔ nwo kyɛ ɛtena; atrɛtrɛ ewienu nu kyɛ ɛtena sua.

Edwein 146:6

Nyameɛ bɔ odi ye dwirɛ so afebɔɔ ne, ye yeɛ ɔbɔle anwuro ne aseɛ, ɛpo ne nu nningyein amukoraa ɔ.

Edwein 33:6

AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Ɛksadɔso 20:11

Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.

Ɛksadɔso 31:17

Ɔte sɛngyerɛnneɛ afebɔɔ wɔ me ne Yisraelfoɛ y’afia, kyɛ elesia yeɛ AWURADE fa bɔle anwuro ne aseɛ ɔ, nakoso kyẽa bɔ ɔtɔ so nzoo ne de, wanyɔ adwuma, na olele ye nwome.”

Yesaya 34:4

Anwuro abɔdeɛ amukoraa bekohuro, bɛkɔbobɔ ewienu kyɛ nwomaa, nu abɔdeɛ amukoraa bɛkɔporo bekogua, kyɛbɔ bobe nyaa poro gua ɔ, kyɛbɔ borɔdoma nyaa poro fi ye bakaa so gua ɔ.

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Yesaya 45:12

Me yeɛ mmɔle aseɛ ɔ, yeɛ mmɔle sona ndole so ɔ; me bɔbɔ me sa yeɛ ɔtrɛtrɛle ewienu nu ɔ, na mvale ahyɛdeɛ mane b’asafo amukoraa.

Yesaya 45:18

Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.

Yesaya 48:13

Me sa yeɛ ɔtole aseɛ fapem ɔ, yeɛ me sa famaa trɛtrɛle ewienu nu ɔ; na sɛ meto me sa mefrɛ bɛ a, bɛ mukoraa bɛbagyinagyina me nyunu.

Yesaya 55:9

Na kyɛbɔ anwuro wɔ anwuro anwuro tra aseɛ ne, sɔ ala yeɛ m’atee bo ɛmɔ atee deɛ so ɔ, na m’adwene koso bo ɛmɔ adwene so.

Yesaya 65:17

“Ofikyɛ, tie, mebaabɔ nyameɛso foforɛ ne aseɛ foforɛ; na ɛmɔngɔkaye nningyein bɔ wapɛ nu wahɔ ne, yeɛ ɔngɔpe ɛmɔ ti anu ko.

Yeremia 10:12

Ye yeɛ ole ye tumi bɔle aseɛ ɔ, ɔnate ye nworɛ so fale wiase timuni berɛ, na ɔnate ye nimdeɛ so yeɛ ɔtrɛle ewienu nu ɔ.

Yeremia 10:16

Ye bɔ ɔte Yakob kyɛfa ne, ye de ɔtte kyɛ bɛ, ofikyɛ ye yeɛ ɔbɔle nningyein amukoraa ɔ; Yisrael te maen bɔ ɔte ye agyapadeɛ ɔ, na ye dumaa ole Asafo AWURADE.

Yeremia 8:2

Bɛkɔfa bɛ bɛkɔsamo ɛhemɔ anyunu: eyia, ɛsraen ne nyameɛso abɔdeɛ amukoraa bɔ behurole bɛ dwirɛ, bɛsole bɛ, belili bɛ si, ná bɛhɔle bɛ berɛ abisa bɛsɔnene bɛ ne. Bɛngɔboaboa mmowue nemɔ anoa, yeɛ bengosie bɛ; bɛkɔyɛ kyɛ fofoɛ wɔ aseɛ so.

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Luka 2:13

Na berɛ ne ala, nyameɛso asafo kure pembepembe bɛɛbokale abɔfo ne so bɛyele Nyameɛ ayɛ kyɛ,

Asomafoɛ 4:24

Na bɛtele sɔ dwirɛ nen, bɛyɛle ko bɛmane bɛ komvi so bɛbɔle mbaeɛ behyirele Nyameɛ kyɛ, “Awurade Nyameɛ bɔ ɛbɔle anwuro ne aseɛ ne ɛpo ne bɔ ɔwɔ bɛ nu amukoraa ɔ,

Asomafoɛ 7:42

Yiti Nyameɛ yele ye nye, na ɔyele bɛ mane kyɛ bɛsɔne nyameɛso nzramaa, kyɛbɔ bahyerɛ ye wɔ ngɔmhyɛlɛfoɛ nwomaa ne anu kyɛ, ‘O Yisrael awuro ama! Afoɛ aburanna bɔ ɛmɔlili ye wɔ ɛserɛ so ne, aso ɛmɔfale ngaka ne aleɛ bɛbɔle afɔleɛ bɛmane me?

Deuteronomi 17:3

kyɛ waaso nyameɛ foforɛ biemɔ wakoto bɛ: kyɛ eyia oo, ɛsraen oo, anaa anwuro abɔdeɛ mɔ bɔ mabera ne oo,

Deuteronomi 4:19

Na sɛ ɛto wɔ nye anwuro ná enwu eyia, ɛsraen, nzramaa ne anwuro abɔdeɛ pembepembe mukoraati a, nnɛmaa ɔtwetwe wɔ maa egua ndwerɛ wɔ bɛ nyunu, ná anzɔne bɛ, ofikyɛ bɛte nningyein bɔ AWURADE wɔ Nyameɛ afa ama mmenia mukoraati bɔ bɛwɔ wiase nekaa biala ɔ.

Hebrifoɛ 4:3

Na yɛ bɔ yale yali ne yeɛ yɛwura sɔ nwomelelɛ ne anu ɔ, kyɛbɔ ɔhane kyɛ, “Yiti nne ɛyaa ndale ndaen kyɛ, ‘Bengowura me nwomelelɛ ne anu bie!’ ” Oyiele ye nnwumaa yɔle fi ewiase ahyɛaseɛ ne.