Gyenesise 12:3 - AHYERƐLƐ KRONGRON

³ Ngoyira bɛ bɔ beyira wɔ, na ebiala bɔ ɔnoma wɔ ne, me koso ngɔnoma ye; na ɔnate wɔ so yeɛ aseɛ so mmusua amukoraa bekonya saleɛ ɔ.”

Gyenesise 12:3 Iomraidhean Croise

Gyenesise 18:18

Susu amba kyɛ, Abraham boso ama kɔyɛ maen pirikua bɔ ole tumi, na ɔnate ye so yeɛ ewiase maen mukoraa bekonya saleɛ ɔ.

Gyenesise 18:19

Mapa nu maye ye, kyɛ ɔ́hyɛ ye mma ne ye boso ama bɔ bɛkɔwa nziɛ ye ma bɛnate AWURADE atee so, ma bɛyɔ bɔ ɔtengyɛ, ɔne bɔ ɔte pɛpɛɛpɛ ɔ; amaa ɔnate so AWURADE ama ɛbɔ bɔ wahyɛ Abraham ne awa nu.”

Gyenesise 22:18

Ɔnate wɔ boso ama so yeɛ aseɛ ye aso maen maen amukoraa bekonya saleɛ ɔ, ofikyɛ atie me dwirɛ.”

Gyenesise 24:35

AWURADE ayira me mene paa, na wayɛ sona titire. Wama ye mmoaen ne nandwie, ɛdwetɛ, sikaa kɔkorɛ, ngoaa ne afaneɛ mɔ, afupɔngɔ ne afunum mɔ.

Gyenesise 25:11

Abraham wue asi ne, Nyameɛ yirale ɔwa Yisake. Na Yisake tenane pingyele Lahai Roi abura ne.

Gyenesise 26:29

kyɛ ɛngɔyɔ yɛ tɛɛ biala, kyɛbɔ yanyɔ wɔ tɛɛ biala na mmom yɛyɔle wɔ paa ngome na yɛguale wɔ ate asomdwee nu ne. Kekesaala ye, wɔ ole bɔ Nyameɛ ayira ye ne.”

Gyenesise 26:4

Ngɔmaa wɔ bosofoɛ kɔsone kyɛ nyameɛso nzramaa, na ngɔfa aseɛ ye amukoraa ngɔma bɛ, na ɔnate bɛ so yeɛ amaen maen mukoraa bekonya saleɛ ɔ,

Gyenesise 27:29

Ɔ́ma mmenia so wɔ, na maen maen bɛkoto wɔ. Ɔ́ma ɛyɛ eliɛma mɔ so meneɛ, Na eni amma mɔ bɛkoto wɔ. Bɛkɔnoma ebiala bɔ ɔkɔnoma wɔ ɔ, Na saleɛ yɛ ebiala bɔ okoyira wɔ ɔ deɛ!”

Gyenesise 28:14

Wɔ bosofoɛ kɔsone kyɛ aseɛ so mvuture. Na wɔ boso kɔtrɛ kofi eyia afiteleɛ koodwu eyia atɔleɛ; fi sorɔ kodwu ngwaen, na ɔnate wɔ ne wɔ bosofoɛ so yeɛ ewiase mmenia amu konya saleɛ ɔ.

Gyenesise 30:27

Nakoso Laban sele ye kyɛ, “Sɛ bɔ meka ye ekotie a, mafa abisa so manwu ye kyɛ wɔ ti AWURADE ayira me paa.

Gyenesise 30:30

Mmmale ɛwa ne, né wɔ ngaka nemɔ anzo. Ɛnɛ nea bɛ somaa. AWURADE ayira wɔ nikyee biala bɔ mvale me sa nzɔle nu anwo. Na afei kyinzu yeɛ ngoli me bɔbɔ m’awuro so ɔ?”

Gyenesise 39:5

Ofi mmerɛ bɔ ɔfale ye tuale ye awuro noa, na ɔfale bɔ ole ye amu wurale ye sa ne, Yosef ti, AWURADE yirale Misraimniɛ n’awuro ama, na AWURADE saleɛ wale bɔ ole ye amukoraa so, wɔ awuro ne fieso.

Edwein 72:17

Ma ye dumaa ɔtena berɛ afebɔɔ, na kyɛ eyia wɔ berɛ ye, maa ɔhɔ so onya dumaa, ma mmenia bɛfa ye so benya saleɛ, na ma maen maen amukoraa bɛfrɛ ye sona bɔ wanya saleɛ ɔ.

Ɛksadɔso 23:22

Na sɛ ɛyɛ asoɛ ma ye, ná ɛyɔ bɔ mekã mekyire wɔ amukoraa a, ye de ngɔyɛ pɔfoɛ ngɔma wɔ pɔfoɛ mɔ, ná maho matia bɛ bɔ bɛko betia wɔ ɔ.

Numeri 24:9

Okunduni, na obutu berɛ kyɛ gyata, ɔte kyɛ gyata beleɛ; nwa yeɛ okotingye ye ɔ? Ebiala bɔ okoyira wɔ ne, Nyameɛ koyira ye, yeɛ ebiala bɔ ɔkɔnoma wɔ ne, Nyameɛ kɔnoma ye.”

Mateo 25:40

Na Ɛhene ne kobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔyɔ bɛmane nniɛma hemɔ anu kaaba ko po nen, me yeɛ ɛmɔyɔ bɛmane me ɔ!’

Mateo 25:45

Na okobua bɛ kyɛ, ‘Amba, mekã mekyire ɛmɔ kyɛ, kyɛ ɛmɔanyɔ bamma ɛhemɔ nu kaaba ko po ne, me yeɛ ɛmɔanyɔ bamma me ɔ.’

Luka 24:27

Na ɔhyɛle ye bo fili Mose ne ngɔmhyɛlɛfoɛ ne amukoraa so ohyirehyire Ahyerɛlɛ ne amukoraa nu dwirɛ bɔ ɔfa ye nwo ɔ nu hyirele bɛ.

Romanfoɛ 4:11

Na bɛpɛle ye bienzua maa ɛhe yɛle sɛngyerɛnneɛ ne nzorɛhyɛlɛ bɔ ɔnate gyidie so onyane ye wɔ mmerɛ bɔ né bennya bɛppɛle ye bienzua ɔ. Na ɛhe kyire kyɛ, ebiala bɔ ɔte gyidiniɛ bɔ bennya bɛppɛle ye bienzua ne, Abraham te ye nana, amaa ɔnate so babu bɛ tenenee.

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

Galatiafoɛ 3:16

Abraham ne ye bosoniɛ yeɛ Nyameɛ hyɛle bɛ bɔ ɔ. Ɔnga kyɛ, “Wɔ bosofoɛ,” bɔ okyire mmeni pee; na mmom okyire sona horɛ: “Wɔ bosoniɛ,” bɔ ye ole Kristo.

Galatiafoɛ 3:28

Yiti Yudaniɛ ne Helaniɛ oo, akoaa ne dehyeɛ oo, bienzua ne brasua oo, nzonzoleɛ biala nne bɛ nu ko; ofikyɛ ɛmɔ amukoraa bɛte ko wɔ Kristo Yesu nu.

Galatiafoɛ 3:8

Na Ahyerɛlɛ ne hã tole berɛ kyɛ Nyameɛ kɔfa gyidie so yeɛ okobua Amaenmaensofoɛ mɔ be ɔ, na Nyameɛ dwirɛ ne lili moa sele Abraham kyɛ, “Ɔnate wɔ so yeɛ Nyameɛ koyirayira maen maen amukoraa ɔ.”

Ɛfesofoɛ 1:3

Animnyam hã Nyameɛ, y’Awurade Yesu Kristo Baba ne, bɔ wafa sunzum nu saleɛ amukoraa bɔ ɔwɔ nyameɛso wayira yɛ wɔ Kristo nu ne,

Kolosefoɛ 3:11

Yiti Helaniɛ oo, Yudaniɛ oo; bienzuapɛlɛniɛ oo, bɛmbɛ-bɛ-bienzuafoɛ oo; pɔtɔniɛ oo, bɔ ye nye butu ase oo; akoaa oo, dehyeɛ oo, nzonzoleɛ biala nne b’afia, ofikyɛ Kristo wɔ berɛ ma bɛ mukoraa, na ɔte bɛ mukoraa bɛ nu.

Nyekyire 7:9

Na ɛhe asi ne, nneane, na nwuni ɛlɔen kandinga bɔ sona biala ngɔhora bɛ ka ɔ, bɔ befi maen maen, mmusua kure, mmenia ne edwudwolɛ amukoraa nu, kyɛ begyigyi ahennie bia ne nyunu ne Boaen Ba ne nyunu, bɔ bewurawura ndaadeɛ fufue, ná betiratira ɛberɛ ɔ.