Gyenesise 10:4 - AHYERƐLƐ KRONGRON

⁴ Yawan mma mɔ ole Elisa, Tasise, Kitim ne Dodanim.

Gyenesise 10:4 Iomraidhean Croise

Daniel 11:30

Ofikyɛ Kitim ɛlɛen mɔ kɔho kotia ye, na ye abasa nu kobu maa okosa ye si. Osa ye si a, ɔkɔfa ye anyeborolɛ kogua apam krongron ne aso. Osa ye si a, ɔne mmenia bɔ bayakyi apam krongron ne aso lilɛ ne bɛkɔbɔ nu bɛkɔyɛ ko.

Yesaya 23:12

Na wahã kyɛ, “O Sidon awa brasua, ababunu bɔ bɛhyɛ wɔ so ɔ, ɛngɔhɔ so ngoli ahurusi ko, dwɔso, pɛ nu kɔ Kitim, na dɔ po, engonya wɔ nwome ngole.”

Yesaya 23:1

Tiro nwo nyekyire ɛhe: O, Tasise ɛlɛen mɔ, ɛ́mɔbɔ awuye, ofikyɛ Tiro abɔ, bɔ sua ko po wanga ɔ, yeɛ ɛlɛen agyinaleɛ koso wanga. Ngraa ne fi Kitim aseɛ so yeɛ waadwu bɛ berɛ ɔ.

Numeri 24:24

Nakoso ɛlɛen mɔ kofi Kitim kɔwa, nu koɛhonɛfoɛ ne koli Asure ne Ebere so ngonim; na Kitim koso kɔbɔ afebɔɔ.”

Hesekiel 27:25

Tasise ɛlɛen mɔ yeɛ né bɛsoa wɔ dwaa nningyein ɔ. “Yiti nningyein yili wɔ nu tɛkyɛ, wɔ ɛpo n’afia dɔ.

Hesekiel 27:12

“W’anwonya pee amukoraa ne ati, Tasise ne wɔ belili dwaa. Bɛfale ɛdwetɛ, buralɛ, kyɛnzee ne sum yeɛ bɛsesane wɔ dwaa nningyein ɔ.

Gyenesise 10:5

Bɛ boso ama ole mmenia bɔ bato bapete mboanoa aseɛ so ne. Yafɛte mma mɔ bɔ bɛwɔ b’aseɛ so ɛhe: asora fekue biala ne ye dwudwolɛ, ye abusua ne ye maen.

1 Aberɛso Dwirɛ 1:7

Yawan mma mɔ ole Elisiha, Tasise, Kitim ne Rodanim.

Hesekiel 27:6

Basan eluii yeɛ bɛfa bɛyɔle wɔ tabɔnga ɔ; Kitim mboanoa sapele yeɛ bɛfa bɛyɔle wɔ kuku nzamsoɛ bɔ ɛsoen gye wɔ nu ɔ.

Hesekiel 27:7

Nwera bɔ ofi Misraim bɔ bali adwii bagua nu yeɛ ɔte wɔ lɛen mvrama tena bɔ ɔte wɔ frangaa ɔ, bibire ne koogyan bɔ ofi Elisa mboanoa yeɛ ɔte wɔ ngatasoɛ ɔ.