Gyenesise 1:3 - AHYERƐLƐ KRONGRON

³ Na Nyameɛ hane kyɛ, “Ɔ́ta hyireinn!” Na ɔtale hyireinn.

Gyenesise 1:3 Iomraidhean Croise

Gyenesise 2:4

Kyɛbɔ Ɛdangama si bɔle anwuro ne aseɛ ne, ye nwo dwirɛ ɛhe. Mmerɛ bɔ AWURADE Nyameɛ bɔle aseɛ ne anwuro ne,

YOB NWOMAA NE 36:30

Tie, ɔtete ye agralaa fa pɛ ye nwo bra yia, na ɔkata ɛpo ye bo dɔ paa ne aso.

YOB NWOMAA NE 38:19

“Kanea ye atenaleɛ ne, ye atee wɔ ni, yeɛ awosii koso, nisua yeɛ ɔte ɔ?

Edwein 104:2

Afa kanea agurɔ wɔ nwo kyɛ ɛtena; atrɛtrɛ ewienu nu kyɛ ɛtena sua.

Edwein 118:27

AWURADE te Nyameɛ, na wama kanea ata ama yɛ. Ɛ́mɔfa ɛberɛ bɛ́pɛ aluoluefoɛ nemɔ anwo beyia maa oodwu afɔleɛ bokyea mmɛen nemɔ anwo.

Edwein 148:5

Odi kyɛ bɛye AWURADE dumaa ayɛ, ofikyɛ ye ahyɛdeɛ ne yeɛ ɔfa bɔle bɛ ɔ.

Edwein 33:6

AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Edwein 97:11

Kanea ta ma teneneefoɛ, yeɛ bɛ bɔ b’ahone nu te ne koso, benya anigye.

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yesaya 60:19

“Nna eyia yeɛ ɔkɔyɛ wɔ kanea alehyeleɛ ɔ ko, yeɛ nna ɛsraen yeɛ ɔkɔta hyireinn kɔma wɔ alesaleɛ nu ɔ, na mmom AWURADE yeɛ ɔkɔyɛ wɔ kanea afebɔɔ ɔ, na wɔ Nyameɛ kɔyɛ w’animnyam.

Mateo 8:3

Na Yesu tengyɛle ye sa fa hane ye, na ɔhane kyɛ, “Mekuro, wɔ nwo fi!” Na berɛ ne ala ye kwata ne hɔle.

Yohane 1:5

Na kanea ne ta awosii nu, na awosii ne angora angye kanea ne.

Yohane 1:9

Nahorɛ kanea bɔ ɔta ma sona biala ne yeɛ né ɔba wiase ɔ.

Yohane 11:43

Na ɔhane sɔ nen, ɔteane nu serɛserɛ kyɛ, “Lasarɔso, fite bra!”

Yohane 3:19

Na ɛhe yeɛ ɔte ndɛenbualɛ ɔ, kyɛ kanea ne awa wiase, nakoso mmenia hurole awosii trale kanea ne; ofikyɛ bɛ yɔleɛ te bɔne.

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Ɛfesofoɛ 5:14

Ɛhe ati yeɛ ɔkã kyɛ, “Wɔ bɔ alafe ne, tingye, ná dwɔso fi awufoɛ nu, na Kristo kɔta kɔma wɔ.”

Ɛfesofoɛ 5:8

ofikyɛ daa ne, né ɛmɔte awosii, nakoso kekesaala ye de, ɛmɔte kanea wɔ Awurade nu. Ɛ́mɔbɔ ɛmɔ bra kyɛ kanea mma,

1 Timoteo 6:16

bɔ ye ngome twe yeɛ onwu, ná ɔwɔ berɛ afebɔɔ, bɔ ɔte kanea bɔ ebie ngora mbingye ye nu, bɔ ebiala nnwuni ye le, ná ebiala ngɔhora ngonwu ye ne. Ye yeɛ anidie ne daa tumi te ye deɛ ɔ! Amen.

1 Yohane 1:5

Edwirɛ bɔ yate yafi ye berɛ ná yɛ́bɔ ye dawure yɛkyire ɛmɔ ɛhe: Nyameɛ te kanea, na awosii kaala nne ye nu.

1 Yohane 2:8

Nakoso ɛnea a, ahyɛdeɛ foforɛ yeɛ mekyerɛ mebrɛ ɛmɔ ɔ, na ɔte nahorɛ wɔ ye nu ne ɛmɔ nu; ofikyɛ awosii ne gu so ɔpɛ nu kɔ, na nahorɛ kanea ne ata dada.