Gyenesise 1:2 - AHYERƐLƐ KRONGRON

² Né aseɛ te sesakaa bɔ olle bɔbea biala ɔ. Né awosii akata buma ne anye; na né Nyameɛ Sunzum natenate nzue ne anyeso faa.

Gyenesise 1:2 Iomraidhean Croise

YOB NWOMAA NE 26:14

Tie, bɔ Nyameɛ tumi kora yɔ ne, sɔ nningyein nemɔ te nu mmaa mmaa bie, na kaaba bie yeɛ yate yafa Nyameɛ nwo ɔ. Ye tumi totohyia ne, nwa yeɛ ɔkɔte ye bo ɔ?”

YOB NWOMAA NE 26:7

Nyameɛ yeɛ ɔtrɛ sorɔ dɔ ewienu maa okodwu nekaa bɔ ɛhwee nne berɛ ɔ, na ɔma aseɛ sinze berɛ bɔ nikyee fee nzosɔ nu ɔ.

YOB NWOMAA NE 38:9

mmerɛ bɔ mvale munungum nyɛle ye tena, bɔ mvale awosii kabii ngurɔle ye nwo,

YOB NWOMAA NE 41:32

Ɔkɔ a, ɔyakyi ahure fitaa atee wɔ ye si, bɔ ɔmaa esusu kyɛ ɛpo afu gyein ɔ.

Edwein 104:30

Ɛsoma wɔ nwomeɛ yeɛ ɛfa bɔ bɛ ɔ; na ɛma aseɛ so nningyein yɛ foforɛ.

Edwein 104:6

Ɛfale buma katale so kyɛ ɛtena, na nzue mɔ katale mmokaa nemɔ aso.

Edwein 136:6

ye bɔ ɔtrɛtrɛle aseɛ nu tole nzue so ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 148:7

Ɛ́mɔye AWURADE ayɛ béfi aseɛ ye aso: ɛmɔ, ɛpo nu ngaka mbiri ne buma amukoraa,

Edwein 33:6

AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Anyandera 8:24

Mmerɛ bɔ né buma nne berɛ ne, mmerɛ bɔ né asue ti bɔ opu nzue pee ɔnne berɛ ne yeɛ bɛwole me ɔ.

Yesaya 31:5

Kyɛbɔ nnomaa betu bɛbɔ mborɔkaa ne, sɔ ala yeɛ Asafo AWURADE kɔbɔ Yerusalem nwo waen ɔ; ɔkɔbɔ ye nwo waen okole ye, okogyina ye si, na ɔkɔpepɛ kole ye.

Yesaya 45:18

Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.

Yeremia 4:23

Ndole me nye nneane aseɛ so, na yieee, né ɔte sesakaa, bɔ nikye fee nne so ɔ; nneane ewienu, na né kanea nne berɛ.

Nahum 2:10

Ninewe abɔ tɔɔ, wabɔ tɔɔ, wasɛkye bɔkɔɔ! Mmenia nwo ngaka atu amini, nangoroma mɔ bayɛ hodwoo, bɛ sisia amukoraa yɛ bɛ yea, yeɛ bɛ nyunu amukoraa ayɛ hoyaa!

2 Korintofoɛ 4:6

Ofikyɛ Nyameɛ bɔ ɔmane kanea fili awosii nu tale ne, wata hyireinn wɔ y’ahone nu, kyɛ Nyameɛ animnyam nwo nimdeɛ kanea bɔ ɔwɔ Yesu Kristo nyunu ne.

Deuteronomi 32:11

Kyɛbɔ kɔleɛ si bɔ ye saen nwo waen, ná otu faafaa wɔ ye mma so, ná ɔtrɛtrɛ ye ndaa nu sesa bɛ, ná ɔsoa bɛ wɔ ye ndaa so ne,