Gyenesise 1:1 - AHYERƐLƐ KRONGRON

¹ Ahyɛaseɛ ne, Nyameɛ bɔle anwuro ne aseɛ.

Gyenesise 1:1 Iomraidhean Croise

2 Ahemvo 19:15

Na Hesekia bɔle mbaeɛ wɔ AWURADE nyunu kyɛ, “Ao AWURADE Yisrael Nyameɛ bɔ ɛte w’ahennie bia so wɔ kɛrubim mɔ b’afia ɔ, wɔ wiase ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

1 Aberɛso Dwirɛ 16:26

Ofikyɛ maen maen mɔ, bɛ nyameɛ nemɔ, bɛte mmosoen, nakoso AWURADE de, ye yeɛ ɔbɔle anwuro ɔ.

2 Aberɛso Dwirɛ 2:11

Yeɛ Tiro hene Hiram hyerɛle krataa fale mmuayɛɛ ɔɔmane Solomon kyɛ, “Ɔnate kyɛ AWURADE kuro ye maen dwirɛ ne ati, wama aali bɛ so hene.”

Nehemia 9:6

Na Ɛsra sele kyɛ, “Wɔ ngome yeɛ ɛte AWURADE ɔ. Wɔ yeɛ abɔ nyameɛso, nyameɛso bɔ ɔwɔ anwuro ne nu abɔdeɛ amukoraa; aseɛ ɔne so nningyein amukoraa; ɛpo ne nu nningyein amukoraa. Ɛma bɛ mukoraa ngoa, na nyameɛso abɔdeɛ amukoraa bɛsɔne wɔ.

YOB NWOMAA NE 26:13

Ɔfale ye nwomeɛ mane ewienu tele kaenn, yeɛ ɔfale ye sa sinane ewoo bɔ ɔnwati ne.

YOB NWOMAA NE 38:4

“Mmerɛ bɔ ndole aseɛ fapem ne, né ɛwɔ nisua? Sɛ ele ye nwo nimdeɛ a, ka kyire me.

YOB NWOMAA NE 9:8

Ye bɔ ye ngome yeɛ ɔtrɛtrɛle ewienu nu ɔ, ye bɔ otiatia ɛpo asorɔkye so ɔ.

Edwein 102:25

Daa tetetete yeɛ ɛtole aseɛ fapem ɔ, na anwuro te wɔ sa noa adwuma.

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Edwein 104:30

Ɛsoma wɔ nwomeɛ yeɛ ɛfa bɔ bɛ ɔ; na ɛma aseɛ so nningyein yɛ foforɛ.

Edwein 115:15

AWURADE bɔ ɔbɔle anwuro ne aseɛ ne, óyira ɛmɔ.

Edwein 121:2

Me mmokalɛ fi AWURADE bɔ ɔbɔle anwuro ne aseɛ ne berɛ.

Edwein 124:8

AWURADE bɔ ɔbɔle anwuro ne aseɛ ne, ye dumaa nu yeɛ yɛ mmokalɛ wɔ ɔ.

Edwein 134:3

AWURADE bɔ ɔbɔle anwuro ne aseɛ ne, ófi Sion oyira wɔ.

Edwein 136:5

ye bɔ yeɛ ole nimdeɛ ɔbɔle anwuro ɔ, ofikyɛ ye ɔdɔ bɔ onni ngasi ne, ɔwɔ berɛ afebɔɔ;

Edwein 146:6

Nyameɛ bɔ odi ye dwirɛ so afebɔɔ ne, ye yeɛ ɔbɔle anwuro ne aseɛ, ɛpo ne nu nningyein amukoraa ɔ.

Edwein 33:6

AWURADE noa dwirɛ yeɛ ɔfa bɔle ewienu ɔ, na ye noa nu nwomeɛ yeɛ ɔfa bɔle nu nningyein ɔ.

Edwein 33:9

Ofikyɛ odwudwole, na ɔyɛle berɛ; ɔhyɛle, na ogyinane berɛ pindinn.

Edwein 8:3

Sɛ menea w’anwuro anwuro ne, bɔ ɔte wɔ sa noa adwuma ne, ɛsraen ne nzramaa bɔ afa atuatua berɛ a,

Edwein 8:4

né dasaniɛ te nzu koraa bɔ ɛdwene ye nwo ɔ, yeɛ sona awa te nzu, bɔ ɔla w’ahone nwo ɔ?

Edwein 90:2

Anzana ɛbaabɔ mmokaa mɔ ne, anaa ɛbaahyehyɛ aseɛ ne wiase ne, ofi tete bɔ ɔkwaadwu afebɔɔ, ɛte Nyameɛ.

Edwein 96:5

Ofikyɛ maen maen mɔ bɛ nyameɛ nemɔ, bɛte mmosoen mbaen, nakoso AWURADE de, ye yeɛ ɔbɔle anwuro ɔ.

Ɛksadɔso 20:11

Ofikyɛ elesia yeɛ AWURADE fa bɔle anwuro ne aseɛ, ɛpo ne bɛ nu nningyein amukoraati ɔ, nakoso olele ye nwome kyẽa bɔ ɔtɔ so nzoo ne. Yiti AWURADE yirale afofikyẽa ne, na ɔyɛle ye krongron.

Ɛksadɔso 31:18

Na mmerɛ bɔ Nyameɛ ne Mose bedwudwole beyiele wɔ Sinai bokaa ne aso nen, ɔfale Adanzeɛ nyɔboɛ taataa nyɔ ne mane Mose, nyɔboɛ taataa bɔ Nyameɛ afa ye sa mmɛseka wahyerɛ so ne.

Anyandera 16:4

AWURADE le botaeɛ bɔ yiti yeɛ wayɔ nikyee biala ɔ, bɔnefoɛ mɔ po, amaneɛnwunɛ kyẽa ne la berɛ ma bɛ.

Anyandera 3:19

AWURADE nate nworɛ so yeɛ ɔbɔle aseɛ bo ɔ, ɔnate ndeaseɛ so yeɛ ɔfale ewienu sɛle berɛ ɔ;

Nworɛ Dwirɛhanɛniɛ 12:1

Kaye Nyameɛ bɔ ɔbɔle wɔ ne wɔ wɔ mmerandeɛ nu koraka né mmerɛ tɛɛ ne awa; anyɔ sɔ ná afoɛ nemɔ pingye a, ɛkɔhã kyɛ, “Mennya bɛ nu anigye biala”;

Yesaya 37:16

“Ao Asafo AWURADE, Yisrael Nyameɛ bɔ ɛte kɛrubim mɔ b’afia ɔ, aseɛ so ahennie amukoraati nu, wɔ ngome yeɛ ɛte Nyameɛ ɔ. Wɔ yeɛ ɛbɔle anwuro ne aseɛ ɔ.

Yesaya 40:21

Aso ɛmɔnze? Aso ɛmɔttele? Aso banga bangyire ɛmɔ fi tetetete? Aso ɛmɔttele ye bo ofi mmerɛ bɔ Ɛdangama bɔle aleɛ?

Yesaya 40:26

Ɛ́mɔto ɛmɔ nye anwuro bɛ́nea, nwa yeɛ ɔbɔle sɔ nningyein nemɔ ɔ? Ye bɔ ɔye b’ɛlɔen ne fite ɔka bɛ ɔ, bɔ ɔfa bɛ mukoraa bɛ dumaa frɛ bɛ ɔ; na ɔnate ye anwoserɛ piri ne ye tumi totohyia ne ati, bɛ nu biala mmini.

Yesaya 40:28

Aso ɛnze? Aso ɛttele? AWURADE te Ɛdangama Nyameɛ, bɔ ɔbɔle aseɛ fi ye ti kɔkã ye ti ɔ. Ɔmvɛ, yeɛ ye nwo nyɛ ye bɛtɛɛ, na ye nworɛ bo sona ndeaseɛ so.

Yesaya 42:5

AWURADE Nyameɛ bɔ ɔbɔle anwuro ná ɔtrɛtrɛle nu ne, ye bɔ ɔbayele aseɛ nu, ɔne bɔ ofi nu ba biala nu tole berɛ ne, ye bɔ ɔma so mmenia nwomeɛ, ná ɔma bɛ bɔ bɛnate so sunzum ne, ɔnwa nyoo:

Yesaya 44:24

AWURADE bɔ ɔte wɔ Defoɛ, bɔ ɔnwone wɔ wɔ eni akunu ne, ɔnwa nyoo: “Me, AWURADE, me yeɛ nyɔle nningyein amukoraa ɔ, me ngome yeɛ ndrɛtrɛle ewienu nu ɔ, me yeɛ me ngome mmayebayele aseɛ nu ndole berɛ ɔ.

Yesaya 45:18

Ofikyɛ AWURADE bɔ ɔbɔle anwuro, Nyameɛ bɔ ɔhyehyɛle aseɛ ná ɔyɔle ne, ye bɔ ɔbɔle aseɛ tole berɛ ne, ye bɔ wammɔ ye sesakaa wando berɛ, na mmom ɔbɔle ye kyɛ bɛtena so ne, ɔnwa nyoo: “Me ole AWURADE bɔ ebiala nne berɛ bɔ ɔboka me so ɔ.

Yesaya 51:13

bɔ yeɛ ama wɔ wora afi AWURADE bɔ ɔbɔle wɔ ne, ye bɔ ɔtrɛtrɛle ewienu nu sinzele berɛ, bɔ ɔtole aseɛ fapem ne ɔ? Nhyɛsoɛniɛ ne, nzu ati yeɛ ye yaafɛlɛ bɔ osoma kyɛ onya wɔ a okohu wɔ ne ati, ɛma ɛserɛ tɔ wɔ so daa biala ɔ? Nhyɛsoɛniɛ ne, ye yaafɛlɛ ne odwu nisua?

Yesaya 51:16

Mafa me dwirɛ matua wɔ noa, mafa wɔ mafea me sa bo fɔnwoo nu, matrɛtrɛ ewienu nu, yeɛ mato aseɛ fapem, na mahã mahyire Sion kyɛ, ‘Ɛte me maen.’ ”

Yesaya 65:17

“Ofikyɛ, tie, mebaabɔ nyameɛso foforɛ ne aseɛ foforɛ; na ɛmɔngɔkaye nningyein bɔ wapɛ nu wahɔ ne, yeɛ ɔngɔpe ɛmɔ ti anu ko.

Yeremia 10:12

Ye yeɛ ole ye tumi bɔle aseɛ ɔ, ɔnate ye nworɛ so fale wiase timuni berɛ, na ɔnate ye nimdeɛ so yeɛ ɔtrɛle ewienu nu ɔ.

Yeremia 32:17

‘Ao, AWURADE Nyameɛ! Tie oo, wɔ yeɛ ele wɔ tumi piri ne wɔ tumi asaa bɔle anwuro ne aseɛ ɔ! Nikye fee nne berɛ bɔ ɔyɛ se ma wɔ ɔ;

Yeremia 51:15

“Ye yeɛ ole ye tumi ɔbɔle aseɛ ɔ, ye nworɛ yeɛ ɔnate so fale wiase tindimuni berɛ ɔ, na ye nimdeɛ yeɛ ɔfa trɛtrɛle ewienu nu ɔ.

Sakaria 12:1

AWURADE noa dwirɛ bɔ ɔfa Yisrael nwo ɛhe: AWURADE bɔ ɔtrɛtrɛle ewienu nu, bɔ ɔtole aseɛ fapem, bɔ ɔnwone sona sunzum wɔ ye nu ne, ɔnwa nyoo:

Mateo 11:25

Sɔ mmerɛ ne anu, Yesu hane kyɛ, “Baba, anwuro ne aseɛ Mene, meda wɔ ase kyɛ afa edwirɛ hemɔ afea nworɛfoɛ ne nimdeɛfoɛ, ná aye ahyire ngokwaammaa ɔ.

Marko 13:19

Ofikyɛ, amaneɛnwunɛ bɔ ɔkɔwa sɔ mmerɛ ne anu ne, ofi mmerɛ bɔ Ɛdangama Nyameɛ bɔle aleɛ bɔ ɔbaadwu ɛnɛ ɔ, ye sɛso ɔwwale le, na sɔ bieku koso ngɔwa le.

Asomafoɛ 14:15

“Biamɔ, nzu ati yeɛ ɛmɔyɔ sɔ ye? Yɛ koso yɛte mmenia kyɛ ɛmɔ ala! Yɛwale kyɛ yɛbaabɔ nzɛmba ne dawure yɛkyire ɛmɔ, kyɛ ɛ́mɔhwe ɛmɔ nwo befi sɔ nningyein mbaen mbaen hemɔ nwo, ná ɛ́mɔfa ɛmɔ nwo bɛma Nyameɛ teasefoɛ bɔ ɔbɔle nyameɛso ne aseɛ ne ɛpo ne bɔ ɔwɔ bɛ nu amukoraa ne.

Asomafoɛ 17:24

Nyameɛ bɔ ɔbɔle wiase ne nu nningyein amukoraa ne, ye bɔ ɔte nyameɛso ne aseɛ Mene ne, nna asɔneyɛɛ sua mɔ bɔ bafa bɛ sa basi ɔ nu yeɛ ɔte ɔ,

Asomafoɛ 4:24

Na bɛtele sɔ dwirɛ nen, bɛyɛle ko bɛmane bɛ komvi so bɛbɔle mbaeɛ behyirele Nyameɛ kyɛ, “Awurade Nyameɛ bɔ ɛbɔle anwuro ne aseɛ ne ɛpo ne bɔ ɔwɔ bɛ nu amukoraa ɔ,

Romanfoɛ 11:36

Ofikyɛ ye yeɛ ɔbɔle nikyee biala ɔ, na ye tumi yeɛ ɔma nikyee biala te ase ma ye ɔ. Animnyam hã Nyameɛ daa daa! Amen.

1 Korintofoɛ 8:6

yɛ de, yɛse kyɛ Nyameɛ komapɛ twe yeɛ ɔwɔ berɛ ɔ. Ye ole Baba ne bɔ ɔbɔle nningyein mukoraa ná yɛ koso yɛte ase yɛma ye ne; yeɛ Awurade komapɛ twe yeɛ ɔwɔ berɛ ɔ, ye ole Yesu Kristo, bɔ ɔnate ye so bɛbɔle nningyein mukoraa ne, na yɛ koso ɔnate ye so yeɛ yɛte ase ɔ.

Ɛfesofoɛ 3:9

kyɛ mmukye mvealeɛ nu dwirɛ he aso ngyire adasa mmaa mukoraa, ofikyɛ ofi tete yeɛ wafea wɔ Nyameɛ bɔ ɔbɔle nningyein mukoraa ne anu ɔ;

Hebrifoɛ 1:10

Nyameɛ sa hane kyɛ yoo: “Wɔ, Awurade, ahyɛaseɛ ne, ɛtole aseɛ fapem, na anwuro te wɔ sa noa adwuma;

Hebrifoɛ 1:2

nakoso ngyẽa bɔ oli nziɛ ye anu de, wafa Ɔwa ne aso yeɛ wadwudwo wahyire yɛ ɔ, ye bɔ wama agyapadeɛ amukoraa wayɛ ye deɛ, ye bɔ ɔnate ye so yeɛ ɔbɔle wiase amukoraa ɔ.

Hebrifoɛ 11:3

Ɔnate gyidie so yɛnya ndeaseɛ kyɛ Nyameɛ noa dwirɛ yeɛ ɔfa bɔle aleɛ ɔ, yiti nningyein bɔ anyeɛ nwu bɛ ne, bammɔ bɛ bamvi nningyein bɔ anyeɛ nwu bɛ ɔ nu.

Hebrifoɛ 3:4

Ɔnate kyɛ, sua biala kuro sona yeɛ osi ɔ, nakoso Nyameɛ yeɛ ɔyɔ nningyein mukoraa ɔ.

2 Petro 3:5

Bɛboapa bɛyɛ kyɛ bɛnze kyɛ, ofi tetetete ne, né anwuro wɔ berɛ, na aseɛ fi nzue nu yeɛ ɔwale ɔ, ofi nzue nu yeɛ ootimuni berɛ ɔ, na ɔnate Nyameɛ noa dwirɛ so.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

Nyekyire 10:6

na ɔfale bɔ ɔte ase afebɔɔ, bɔ ɔbɔle anwuro ne bɔ ɔwɔ nu, aseɛ ne ne bɔ ɔwɔ nu, yeɛ ɛpo ne bɔ ɔwɔ nu ne tale ndaen kyɛ, “Mmerɛ biala nne berɛ ko,

Nyekyire 14:7

Na ɔteane nu sele kyɛ, “Ɛ́mɔsuro Nyameɛ ná ɛ́mɔfa animnyam bɛ́ma ye, ofikyɛ ye ndɛenbualɛ mmerɛ ne adwu; na ɛ́mɔsɔne ye bɔ ɔbɔle nyameɛso ne aseɛ, ɛpo ne asue ti amukoraa ne.”

Nyekyire 21:6

Na osele me kyɛ, “Wayie! Me ole Alfa ne Omega, Ahyɛaseɛ ne Ayieleɛ. Ebiala bɔ nzuhɔen ku ye ne, ngɔfa ngoa asue ti nu nzue ngɔma ye kyɛkyɛ.

Nyekyire 22:13

Me ole Alfa ne Omega, ahyɛaseɛ ne ayieleɛ, bɔ oli moa ne bɔ ɔpɛ ye bo ɔ.”

Nyekyire 3:14

“Kyerɛ kɔma Laodikea asɔre ne anu abɔfo ne kyɛ: Amen, nahorɛniɛ ne nahorɛ danzeniɛ ne, Nyameɛ abɔdeɛ farebae ne, ye noa dwirɛ ɛhe:

Nyekyire 4:11

“Y’Awurade ne yɛ Nyameɛ, ɛfata kyɛ ede animnyam, anidie ne tumi, ofikyɛ wɔ yeɛ ɛbɔle nningyein amukoraati, wɔ pɛ ti yeɛ bɛwɔ berɛ ɔ, na wɔ pɛ ti yeɛ ɛbɔle bɛ ɔ.”