Filipifoɛ 4:9 - AHYERƐLƐ KRONGRON

⁹ Bɔ ɛmɔasua ne bɔ ɛmɔanya ye ɔne bɔ ɛmɔate ne bɔ ɛmɔanwu ye wɔ me nwo ne, ye ala ɔsɛ kyɛ ɛmɔyɔ ɔ. Na asomdwee Nyameɛ ne ɛmɔ kɔtena.

Filipifoɛ 4:9 Iomraidhean Croise

Yesaya 41:10

Nnɛsuro, ofikyɛ ngyi wɔ si, nnɛma ɛserɛ kã wɔ, ofikyɛ me ole wɔ Nyameɛ. Ngɔmaa ekogyina pindinn, ngɔboka wɔ, ngɔfa me tenenee asaa famaa ne ngotira wɔ nu.

Yesaya 8:10

Ɛmɔ de, ɛmɔhɔ agyina, nakoso ɔkɔyɛ mbaen, ɛ́mɔbɔ porɛ, nakoso ɔngɔyɛ yee, ofikyɛ Nyameɛ ne yɛ yeɛ yɛwɔ berɛ ɔ.

Mateo 1:23

“Tie, ababunu ne kɔnwonzɛ kɔwo baa bienzua, na bɛkɔto ye dumaa Yimanuel, (bɔ ye bo kyire kyɛ, Nyameɛ ne yɛ wɔ berɛ).”

Mateo 28:20

ná ɛmɔhyirehyire bɛ maa beli nikyee biala bɔ mahyɛ ɛmɔ ne aso. Na ɛ́mɔtie, me ne ɛmɔ wɔ berɛ mmerɛ biala kodwu ewiase ayieleɛ.”

Mateo 7:21

“Nna ebiala bɔ ose me kyɛ ‘Awurade, Awurade’ ne, yeɛ ɔkɔhɔ nyameɛso ahennie ne anu ɔ, na mmom sana bɔ ɔyɔ me Baba bɔ ɔwɔ nyameɛso ne ye apɛdeɛ ɔ.

Luka 6:46

“Nzu ati yeɛ ɛmɔfrɛ me ‘Awurade, Awurade’ nakoso ɛmɔnyɔ bɔ mekã mekyire ɛmɔ ɔ?

Luka 8:21

Yeɛ obuale bɛ kyɛ, “Me maame ne nniɛma mɔ ole bɛ bɔ bɛte Nyameɛ dwirɛ ne ná bedi so ɔ.”

Yohane 13:17

Sɛ ɛmɔse hemɔ, ná ɛmɔyɔ a, ɔte saleɛ ma ɛmɔ.

Yohane 15:14

Sɛ ɛmɔdi m’ahyɛdeɛ so a, ye de ɛmɔte me damvo mɔ.

Yohane 2:5

Na Yesu maame sele asomvoɛ nemɔ kyɛ, “Bɔ ɔkɔhã kohyire ɛmɔ biala, ɛ́mɔyɔ.”

Asomafoɛ 9:6

nakoso dwɔso ná kɔ kuro ne anu dɔ, na bɛkɔhã bɔ ɔsɛ kyɛ ɛyɔ ɔ bekohyire wɔ.”

Romanfoɛ 15:33

Asomdwee Nyameɛ ne ɔne ɛmɔ amukoraa bɛtena. Amen.

Romanfoɛ 16:20

Na ɔngɔhyɛ koraa asomdwee Nyameɛ ne kɔbɛtɛ Abɔnzam wɔ ɛmɔ gya bo. Y’Awurade Yesu Kristo ɔlo ɛmɔ.

1 Korintofoɛ 10:31

Yiti sɛ ɛmɔdidi oo, sɛ ɛmɔno oo, nikyee biala bɔ ɛmɔyɛ ne, ɛ́mɔyɔ ye mukoraa bɛfa bɛhyɛ Nyameɛ animnyam.

1 Korintofoɛ 14:33

Ofikyɛ Nyameɛ de, ɔtte basabasayɔlɛ Nyameɛ, na mmom ɔte asomdwee Nyameɛ. Na kyɛbɔ bɛyɔ ye anwoteefoɛ asɔre mukoraa nu ne,

1 Korintofoɛ 4:16

Yiti mesrɛ ɛmɔ kyɛ ɛmɔsua me.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

Deuteronomi 5:1

Mose mane Yisraelfoɛ amukoraati beeyiale, na osele bɛ kyɛ, “O Yisrael, ɛ́mɔtie ahyɛdeɛ ne nhyehyɛleɛ bɔ méka ma ɛmɔte ye ɛnɛ kyẽa ye. Ɔsɛ kyɛ ɛmɔsua ná ɛmɔdi so pɛpɛɛpɛ.

Filipifoɛ 3:17

Aliɛmaa mɔ, ɛ́mɔsuasua me, ná ɛ́mɔnea bɛ bɔ bɛ bra te sɔ ala ne, kyɛbɔ yɛte nhwɛsoɛ ma ɛmɔ ne.

Filipifoɛ 4:7

Na Nyameɛ asomdwee bɔ ɔbo ndeaseɛ amukoraa so ne, ɔkɔnea ɛmɔ ahone ne ɛmɔ adwene so wɔ Kristo Yesu nu.

1 Tɛsalonikafoɛ 1:6

Ɛmɔsuasuane yɛ ne Awurade; na ɔwɔ nu kyɛ ɛmɔnwuni amaneɛ pee wɔ edwirɛ ne anwo de, nakoso ɛmɔfale anika bɔ ofi Sunzum Krongron berɛ bɛsɔle nu.

1 Tɛsalonikafoɛ 2:14

Aliɛmaa mɔ, Nyameɛ asɔre mɔ bɔ bɛwɔ Yudea wɔ Yesu Kristo nu ne, agyirɛ bɔ betuli ne, ebiala yeɛ ɛmɔ koso ɛmɔatu ne; ofikyɛ ɛmɔ koso ɛmɔanwu amaneɛ wɔ ɛmɔ bɔbɔ ɛmɔ mmenia bɛ sa nu, kyɛbɔ Yudafoɛ fa yɛle bɛ koso ne ala.

1 Tɛsalonikafoɛ 5:23

Na asomdwee Nyameɛ ne, yɛsrɛ kyɛ ye bɔbɔ ɔte ɛmɔ nwo bɔkɔɔ, ná ɔnea ɛmɔ sunzum ne ɛmɔ kra ne ɛmɔ nipadua so, bɔ ngekalewa biala ngɔwa ye nwo kɔpem kyɛ y’Awurade Yesu Kristo kɔwa ɔ.

2 Tɛsalonika 3:4

Na y’adwene si pi wɔ ɛmɔ nwo wɔ Awurade nu, kyɛ edwirɛ bɔ yɛfale ye nwo ahyɛdeɛ yɛmane ɛmɔ ne, ɛmɔdi so, na ɛmɔkɔhɔ so bekoli so.

2 Timoteo 4:22

Awurade [Yesu Kristo] ne wɔ sunzum bɛtena. Adom ɔ́yɛ ɛmɔ deɛ. Amen.

Yakobo 1:22

Ɛ́mɔyɔ bɔ edwirɛ ne kã ne, na nnɛma ɛmɔyɛ atiefoɛ ngome bɛfa bɛlakalaka ɛmɔ nwo.

2 Petro 1:10

Yiti aliɛmaa mɔ, ɛ́mɔbɔ mmɔden bétira ɛfrɛlɛ bɔ bafrɛ ɛmɔ ne, ɔne ɛnealɛ bɔ baneanea nu baye ɛmɔ ne anu yé, ofikyɛ sɛ ɛmɔyɔ ɛhemɔ a, ɛmɔngofi ase le.

1 Yohane 3:22

Na nikyee biala bɔ yɛbisa ne, ɔfa ma yɛ, ofikyɛ yɛdi ye ahyɛdeɛ so, na yɛyɔ bɔ ɔsɔ ye nye ɔ.