Filipifoɛ 4:7 - AHYERƐLƐ KRONGRON

⁷ Na Nyameɛ asomdwee bɔ ɔbo ndeaseɛ amukoraa so ne, ɔkɔnea ɛmɔ ahone ne ɛmɔ adwene so wɔ Kristo Yesu nu.

Filipifoɛ 4:7 Iomraidhean Croise

Nehemia 8:10

Yeɛ osele bɛ kyɛ, “Ɛmɔhɔ beeli naen bɔ walɔ ɔ, ná ɛmɔno nzaa bɔ ɔyɛ fɛɛ ɔ. Bɛ bɔ belle bie ne, ɛmɔɔma bɛ bie, ofikyɛ ɛnɛ kyẽa ye, ɔte krongron ma y’AWURADE. Nnɛmɔma ɛmɔ wora bɔ, ofikyɛ AWURADE nu anigye yeɛ ɔte ɛmɔ anwoserɛ ɔ.”

YOB NWOMAA NE 22:21

“Odi kyɛ ɛne Nyameɛ bɛbɔ nu, ná ɛne ye bɛtena asomdwee nu, na ɛyɔ sɔ a yeɛ okoyie wɔ yé ɔ.

YOB NWOMAA NE 34:29

Na sɛ ɔyɛ konn a, nwa yeɛ ɔkɔhora kobua ye fɔ ɔ? Sɛ ɔfa ye nyunu fea a, nwa yeɛ okonwu ye ɔ? Nakoso, kyɛ maen oo, kyɛ sona oo, ɔnea bɛ so,

Edwein 29:11

AWURADE kɔma ye maen anwoserɛ! AWURADE kɔfa asomdwee koyira ye maen!

Edwein 85:8

Nyameɛ bɔ ɔte AWURADE ne, ngotie bɔ ɔkɔhã ɔ, ofikyɛ ɔkɔhã asomdwee dwirɛ kohyire ye maen ne ye anwoteefoɛ, nakoso onni kyɛ besa bekodi ngwaseasɛm.

Anyandera 2:11

adwene nu bukyelɛ kɔnea wɔ so, na ndeaseɛ kɔbɔ wɔ nwo waen;

Anyandera 4:6

Nnɛpo nworɛ, na ɔkɔnea wɔ so, kuro ye dwirɛ, na ɔkɔbɔ wɔ nwo waen.

Anyandera 6:22

Ɛnate a, bekohyire wɔ atee, ɛda a, bɛkɔnea wɔ so, yeɛ sɛ edwɔso a, bɛ ne wɔ kotu asure.

Yesaya 26:12

O AWURADE, wɔ yeɛ ahyehyɛ asomdwee ama yɛ ɔ, na bɔ yɛkora ye yɔ amukoraa, wɔ yeɛ ɛyɔ ma yɛ ɔ.

Yesaya 26:3

Na sona bɔ ye adwene atindim wɔ wɔ nu ne, ɛbɔ ye nwo waen wɔ asomdwee bɔ odi mu ɔ nu, ofikyɛ ɔfa ye wora wura wɔ nu.

Yesaya 45:7

Me yeɛ mebɔ kanea, ná mesa mebɔ awosii ɔ, me yeɛ mefa asomdwee meba, ná mesa mema amaneɛ ba ɔ. Me, AWURADE, me yeɛ meyɔ ɛhemɔ amukoraa ɔ.

Yesaya 48:18

O, sɛ ahaa ɛyɛle asoɛ tiele me mmeraa dwirɛ a! Ahaa w’asomdwee kɔyɛ kyɛ asue, ahaa wɔ tenenee kɔyɛ kyɛ ɛpo asorɔkye;

Yesaya 48:22

AWURADE nwa nyoo, “Bɔnefoɛ ye so anu ngodwo ye.”

Yeremia 32:16

“Na mvale aseɛ tɔnenɛ nwo ngrataa ne mane Neria awa Baruku nyiele ne, mmɔle mbaeɛ ngyirele AWURADE kyɛ,

Yeremia 33:6

Tie, ngɔma kuro he anwo kɔsande ye ná wate apɔ, na ngɔsa bɛ anwonyerɛ. Na ngɔla asomdwee ne nahorɛlilɛ mmorosoɛ ali ngohyire bɛ.

Numeri 6:26

AWURADE ɔ́te ye nyunu hyire wɔ, ná ɔma wɔ asomdwee.’

Luka 1:79

kyɛ ɔkɔta kɔma bɛ bɔ bɛtete awosii nu ɔne ewue wawoɛ nu ɔ, ná wayɛ yɛ taataa wahɔ asomdwee atee so.”

Luka 2:14

“Animnyam hã Nyameɛ wɔ anwuro anwuro, na asomdwee hã mmenia bɔ bɛsɔ ye nye ɔ wɔ aseɛ aso!”

Yohane 14:27

“Asomdwee yeɛ mefa meyakyi ɛmɔ ɔ, m’asomdwee yeɛ mefa mema ɛmɔ ɔ; nna kyɛbɔ wiase fa ma ne yeɛ mefa mema ɛmɔ ɔ. Nnɛmɔma ɛmɔ wora bɔ, yeɛ nnɛmɔma ɛserɛ tɔ ɛmɔ so.

Yohane 16:33

Mahã ɛhemɔ mahyire ɛmɔ, amaa ɔnate so ɛmɔanya me nu asomdwee. Ɛmɔkɔfa amaneɛ nu wɔ wiase de, nakoso ɛ́mɔma ɛmɔ ahone tɔ ɛmɔ kunu! Mali wiase so ngonim.”

Romanfoɛ 1:7

Mekyerɛ mebrɛ ɛmɔ amukoraa bɔ Nyameɛ kuro ɛmɔ dwirɛ bɔ ɛmɔwɔ Rome, bɔ wafrɛ ɛmɔ kyɛ ɛmɔɔyɛ anwoteefoɛ ɔ. Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Romanfoɛ 14:17

Ofikyɛ Nyameɛ ahennie ne ɔtte aleɛ ne anonneɛ, na mmom ɔte tenenee, asomdwee ne anika bɔ ofi Sunzum Krongron ne berɛ ɔ.

Romanfoɛ 15:13

Na mesrɛ kyɛ, anyelasoɛ Nyameɛ ne ɔfa gyidie nu anigye ne asomdwee amukoraa owura ɛmɔ nu tɛkyɛ, amaa ɔnate Sunzum Krongron tumi so ɛmɔanya anyelasoɛ mmorosoɛ.

Romanfoɛ 5:1

Afei de, ɔnate gyidie so yɛne Nyameɛ y’afia ayɛ ko ne ati, yɛnate y’Awurade Yesu Kristo so yanya asomdwee wɔ Nyameɛ nu.

Romanfoɛ 8:6

Sɛ ɛma anwoɔnaen nu adwenedwene bada wɔ so a, ɔne ewue yeɛ bɛnate ɔ; nakoso Sunzum nu adwenedwene de, ɔma ngoa ne asomdwee.

2 Korintofoɛ 10:5

Yɛfa yɛdi ngonim wɔ aporowaasulɛ nu ne nikyee biala bɔ ɔma ye nwo so tia Nyameɛ nwo nimdeɛ so, na yɛkakyi sona biala adwene maa ɔyɛ sotie ma Kristo.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

Galatiafoɛ 5:22

Nakoso Sunzum ne de, ɔma ɔdɔ, anigye, asomdwee, aboterɛ, adɔeɛyɛlɛ, paayɛlɛ, gyidie,

Ɛfesofoɛ 3:19

ná ɛmɔanwu Kristo ɔdɔ ne bɔ ɔbo nimdeɛ so ne, amaa ɔnate so Nyameɛ sue ne amukoraa wayi ɛmɔ nu tɛkyɛ.

Filipifoɛ 1:1

Pɔɔlo ne Timoteo, bɔ yɛte Kristo Yesu ngoaa, yɛfa yɛbrɛ Kristo Yesu nu anwoteefoɛ amukoraa bɔ bɛwɔ Filipi, bɔ neafoɛ mɔ ne asomvoɛ mɔ bɛboka so ɔ.

Filipifoɛ 1:2

Adom ne asomdwee bɔ ofi yɛ Baba Nyameɛ ne Awurade Yesu Kristo berɛ ɔyɛ ɛmɔ deɛ.

Filipifoɛ 4:19

Na me Nyameɛ kɔma ɛmɔ bɔ ɛmɔhia amukoraa, kyɛbɔ ye anwonya ne te ɔ, animnyam nu, wɔ Kristo Yesu nu.

Filipifoɛ 4:21

Ɛ́mɔbisa anwoteefoɛ ne amukoraa ahye wɔ Kristo Yesu nu bɛ́ma me. Aliɛmaa mɔ bɔ bɛne me wɔ wa ne koso bebisa ɛmɔ ahye.

Filipifoɛ 4:9

Bɔ ɛmɔasua ne bɔ ɛmɔanya ye ɔne bɔ ɛmɔate ne bɔ ɛmɔanwu ye wɔ me nwo ne, ye ala ɔsɛ kyɛ ɛmɔyɔ ɔ. Na asomdwee Nyameɛ ne ɛmɔ kɔtena.

Kolosefoɛ 3:15

Afei ɛ́mɔma Kristo asomdwee ne oli ɛmɔ bra so, na ɛhe ati yeɛ bɛfrɛle ɛmɔ maa ɛmɔɔyɛle nipadua ko ɔ. Na nnɛma ɛmɔyɛ boniayɛ.

2 Tɛsalonika 3:16

Yɛsrɛ kyɛ asomdwee Awurade ne bɔbɔ ɔma ɛmɔ asomdwee daa wɔ atee biala so. Awurade ne ɛmɔ amukoraa bɛtena.

Hebrifoɛ 13:20

Asomdwee Nyameɛ bɔ ɔnate apam bɔ ɔwɔ berɛ afebɔɔ mogya ne aso tingyele y’Awurade Yesu bɔ ɔte Mmoaenneafoɛ panyi ne fili awufoɛ nu ne,

Yuda 1:1

Yuda bɔ nde Yesu Kristo akoaa ne Yakobo aliɛma, mefa mebrɛ bɛ bɔ bafrɛ bɛ, bɔ bɛla Baba Nyameɛ ahone nwo, bɔ wafa bɛ wasie wɔ Yesu Kristo nu ɔ.

Nyekyire 1:4

Yohane yeɛ mefa mebrɛ asɔre nzoo bɔ bɛwɔ Asia ne ɔ: Adom ne asomdwee bɔ ofi bɔ ɔwɔ berɛ kekesaala ye ne, bɔ ɔwɔ berɛ dada ne, bɔ ɔbaawa ne, ɔne bɔ ofi Sunzum nzoo bɔ bɛwɔ ye ahennie bia ne anyunu ne,

Nyekyire 2:17

Bɔ ole asoɛ ne, maa otie bɔ Sunzum ne kã kyire asɔre nemɔ ne: Bɔ odi ngonim ne, ngɔma ye mvealeɛ nu mana ne bie maa okoli, na ngɔma ye nyɔboɛ fufue, na nyɔboɛ ne aso yeɛ bahyerɛ dumaa foforɛ bɔ ebiala nze bagua ɔ, sana sona bɔ onya ye ne angome.’