Filipifoɛ 4:6 - AHYERƐLƐ KRONGRON

⁶ Nnɛmɔma nikye fee ha ɛmɔ; na mmom nikyee biala nu, ɛ́mɔfa mbaeɛbɔlɛ ne ngotosrɛ ne asennaa bɛ́fa bɔ ohia ɛmɔ ɔ bɛ́to Nyameɛ nyunu.

Filipifoɛ 4:6 Iomraidhean Croise

1 Ahemvo 8:28

Ao AWURADE me Nyameɛ, fa wɔ nye to w’akoaa mbaeɛ ne ye dwirɛ bɔ ɔfa to wɔ nyunu ye. Tie w’akoaa ye sufrɛ ne ye mbaeɛ bɔ ɔbɔ kyire wɔ ɛnɛ yeɛ

2 Aberɛso Dwirɛ 32:20

Na ɔnate edwirɛ he ati, Nana Hesekia ne ngɔmhyɛlɛniɛ Yesaya bɔ ye baba ole Amoso ne, bɛbɔle mbaeɛ besu bɛfrɛle Nyameɛ bɔ ɔwɔ nyameɛso ne.

Edwein 51:15

Ao AWURADE, bukye me noa, na ngɔfa me noa ngɔbɔ dawure ngɔye wɔ ayɛ.

Edwein 55:17

Nɔsoa, ngyerɛmɔ ne eyia, mekã me yealɛ mesu, na okotie me mbaeɛ.

Edwein 55:22

Fa w’adesoa to AWURADE so, na ɔkɔsɔ wɔ nu; ɔngɔnea ngɔma teneneeniɛ ngofi ase.

Edwein 62:8

Ao kuro mmenia, odi kyɛ ɛmɔfa bɛ nwo bɛto ye so mmerɛ biala, ná ɛ́mɔfa ɛmɔ ahiasɛm bɛto ye nyunu, ofikyɛ Nyameɛ te y’afealeɛ. Sela

Anyandera 15:8

Bɔnefoɛ afɔleɛ te AWURADE akyiwadeɛ, nakoso teneneefoɛ mbaeɛ de, ɔte ye nikyee bɔ ye nye gye ye nwo ɔ.

Anyandera 16:3

Fa w’adwuma wura AWURADE sa, na wɔ nhyehyɛleɛ koli mu.

Edwein Nu Dwein 2:14

O m’abubure bɔ ɛwɔ tokuro bɔ ɔla nyɔbotaen nu ɔ, bɔ aafea nyɔbotaen si ɔ, maa nwu wɔ nyunu e, maa nde wɔ komvi e, ofikyɛ wɔ komvi yɛ fɛ, na wɔ nyunu yɛ nyemene.

Yeremia 32:16

“Na mvale aseɛ tɔnenɛ nwo ngrataa ne mane Neria awa Baruku nyiele ne, mmɔle mbaeɛ ngyirele AWURADE kyɛ,

Yeremia 33:3

Sũ frɛ me, na ngobua wɔ, na ngɔla edwirɛ mbiri mbiri bɔ wafea wɔ bɔ ɛnze ɔ ali ngohyire wɔ.

Daniel 3:16

Yeɛ Sadrake, Mesake ne Abedinego buale Nana kyɛ, “Nana Nebukadenesa, Onhia kyɛ yɛma wɔ mmuayɛɛ wɔ sɔ dwirɛ he anwo ɔ.

Daniel 6:10

Na Daniel tele kyɛ wafa ye sa wawura mmeraa ne abo nen, ɔhɔle ye awuro aborɔsaen ne aso, nekaa bɔ ye pia nu mboma mɔ bebukye a bɛ nye kyire Yerusalem ne. Na kyɛbɔ né daa ne ɔyɔ ne ala, ɛlɛho biala oguale ndwerɛ pɛen nza ɔbɔle mbaeɛ lale ase wɔ ye Nyameɛ nyunu.

Mateo 10:19

Na sɛ bɛfa ɛmɔ bɛkɔ a, nnɛma ɛmɔdwenedwene kyɛbɔ ɛmɔkodwudwo anaa bɔ ɛmɔkɔhã ɔ nwo; ofikyɛ nyameɛ kɔfa bɔ odi kyɛ ɛmɔkã ɔ kɔma ɛmɔ wɔ sɔ mmerɛ ne ala nu.

Mateo 13:22

Na mmakaammaa bɔ beguale mmowue nu ne, ogyi berɛ ma ebiala bɔ ɔte edwirɛ ne, nakoso ewiase asetena nu adwenedwene ne anwonyadeɛ nnakannaka bemiamia edwirɛ ne, na onzu mmaa.

Mateo 6:34

Yiti nnɛma ɛmɔdwene ɛhema deɛ nwo, ofikyɛ ɛhema bɔbɔ deinn ɔkɔdwene ye nwo. Kyẽa biala nu adwenedwene sone ma sɔ kyẽa ne.”

Mateo 6:8

Nnɛma ɛmɔyɛ kyɛ bɛ; ofikyɛ ɛmɔ Baba ɔse bɔ ɛmɔhia ɔ koraka ná ɛmɔabisa ye.

Luka 10:41

Na Awurade buale ye kyɛ, “Maata, Maata, ɛdwenedwene, na ɛha wɔ nwo wɔ nningyein pee nwo;

Luka 12:22

Afei Yesu sele ye asuafoɛ nemɔ kyɛ, “Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaa ɛmɔ nipadua nwo, kyɛ nzu yeɛ ɛmɔkɔhera ɔ.

Luka 12:29

Sɔ ala yeɛ nnɛma ɛmɔpena bɔ ɛmɔkoli ɔ, anaa bɔ ɛmɔkɔno ɔ; yeɛ nnɛmɔmaa ɔyɛ ɛmɔ so adwenedwene.

Luka 18:1

Afei Yesu buli bɛ anyandera he fa hyirele kyɛ, ɔsɛ kyɛ sona bɔ mbaeɛ daa biala, bɔ onni kyɛ ɔma ye abasa nu bu ɔ.

Luka 18:7

Na bɛ bɔ Nyameɛ aneanea nu waye bɛ, bɔ besu bɛfrɛ ye eyia ne kɔngɔen ne, sɛ ɔto ye bo ase ɔkyɛ kãa wɔ bɛ nwo a, aso ongoli bɛ dwirɛ ngɔma bɛ anaa?

1 Korintofoɛ 7:21

Bɛfrɛle wɔ ne, sɛ né ɛte akoaa a, nnɛmaa ɔha wɔ. Nakoso sɛ ɛkɔhora konya wɔ fawɔnwodi de a, pere kyɛ ekonya ye ɔ.

1 Korintofoɛ 7:32

Menguro kyɛ dadwene biala kɔha ɛmɔ ɔ. Bienzua sigyaniɛ dwene Awurade adwuma nwo, kyɛbɔ ɔkɔsɔ Awurade nye ɔ.

2 Korintofoɛ 1:11

Odi kyɛ ɛmɔ koso ɛmɔboka yɛ wɔ mbaeɛbɔlɛ nu, amaa mmeni pee bala Nyameɛ ase ama yɛ kyɛ wafa mmeni soma mbaeɛ so wafa sɔ adom ye walo yɛ ɔ.

Ɛfesofoɛ 5:20

na mmerɛ biala ne nikyee biala nu, ɛ́mɔfa asennaa bɛ́ma Baba Nyameɛ wɔ y’Awurade Yesu Kristo dumaa nu.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Kolosefoɛ 3:15

Afei ɛ́mɔma Kristo asomdwee ne oli ɛmɔ bra so, na ɛhe ati yeɛ bɛfrɛle ɛmɔ maa ɛmɔɔyɛle nipadua ko ɔ. Na nnɛma ɛmɔyɛ boniayɛ.

Kolosefoɛ 3:17

Na nikyee biala bɔ ɛmɔyɔ wɔ edwudwolɛ anaa yɔleɛ nu ne, ɛmɔyɔ ye mukoraa wɔ Awurade Yesu dumaa nu, na ɛmɔfa asennaa bɛfa ye so bɛma Baba Nyameɛ.

Kolosefoɛ 4:2

Ɛmɔhɔ so bɛbɔ mbaeɛ, ná ɛ́mɔfa asennaa bɛwɛne wɔ mbaeɛbɔlɛ ne anu.

1 Timoteo 2:1

Afei, bɔ oli moa wɔ ye mukoraati nu ɔ, metu foɛ kyɛ, ɔsɛ kyɛ ɛmɔdi ngotosrɛ, mbaeɛbɔlɛ, odima ne asennaa nwo dwumaa bɛma mmenia amukoraa,

1 Timoteo 5:5

Brasua kunaniɛ bɔ olle bie, bɔ waha ye ngome ne, ɔfa ye nye to Nyameɛ so, na otu ye nwo sie berɛ ma ngotosrɛ ne mbaeɛ kɔngɔen ne eyia.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

1 Petro 5:7

Ɛ́mɔfa ɛmɔ dadwene amukoraa begua ye so, ofikyɛ ɔdwene ɛmɔ nwo.

1 Samuel 1:15

Nakoso Hana buale kyɛ, “Nna sɔ ɔ, me mene, nde brasua bɔ me wora abɔ paa ɔ. Nnnone bobe nzaa anaa nzaa serɛ biala, na mmom m’aworabɔlɛ dwirɛ yeɛ méfa méto AWURADE nyunu ɔ.

1 Samuel 30:6

Edwirɛ piri tole Dawide, ofikyɛ ye mmenia nemɔ yɛle kyɛ bɛkɔboro ye nyɔboɛ. Ebiala ahone huli, ofikyɛ né bahye bɛ mma mmienzua ne mmrasua nnure bahɔ. Nakoso Dawide fale ye nye tole AWURADE ye Nyameɛ, na ogyinane pindinn.

1 Samuel 7:12

Afei Samuel fale nyɔboɛ penane Misepa ne Sɛn b’afia, ɔfrɛle nyɔboɛ ne Ebenesa, na ɔhane kyɛ, “Ɛwa yeɛ AWURADE waboka yɛ waadwu ɔ.”