Filipifoɛ 4:5 - AHYERƐLƐ KRONGRON

⁵ Ɛ́mɔma mmenia amukoraa bénwu ɛmɔ animia ne. Awurade apingye!

Filipifoɛ 4:5 Iomraidhean Croise

Mateo 6:25

“Yiti mekã mekyire ɛmɔ kyɛ, nnɛmɔma ɛmɔ asetena nu adwenedwene tɔ ɛmɔ so, kyɛ nzu yeɛ ɛmɔkoli ɔ; anaakyɛ nzu yeɛ ɛmɔkɔno ɔ, anaakyɛ ɛmɔ nipadua nwo, kyɛ nzu yeɛ ɛmɔkɔhera ɔ. Aso ngoa nwo nhia ndra aleɛ? Aso nipadua nwo nhia ndra ɛtena anaa?

Mateo 6:34

Yiti nnɛma ɛmɔdwene ɛhema deɛ nwo, ofikyɛ ɛhema bɔbɔ deinn ɔkɔdwene ye nwo. Kyẽa biala nu adwenedwene sone ma sɔ kyẽa ne.”

Luka 21:34

“Ɛ́mɔnea ɛmɔ nwo yé, ná poentolɛ ndrasoɛ ne nzaabolɛ ne asetena nu dadwene wanni ɛmɔ ti, ná sɔ kyẽa ne ammamvu ɛmɔ nu kyɛ ngaen;

1 Korintofoɛ 16:22

Sɛ ebie nguro Awurade Yesu Kristo dwirɛ a, musue to ye! Y’Awurade bra! (Maranata).

1 Korintofoɛ 6:7

Manzoen bɔ ɛmɔ ne bɛ nwo twe ne kyire kyɛ ɛmɔali ngoguo. Nzu ati yeɛ ɛmɔmma bɛnyɔ ɛmɔ tɛɛ mmom ɔ? Nzu ati yeɛ ɛmɔmma benzisi ɛmɔ mmom ɔ?

1 Korintofoɛ 8:13

Yiti sɛ aleɛ to aliɛmaa sundidua a, nzaade mengoli sɔ aleɛ ne le, ná mamma wamvi ase.

1 Korintofoɛ 9:25

Ebiala bɔ otu amirika pere ngonim ne, ɔhyɛ ye nwo so wɔ nikyee biala nu. Bɛyɔ sɔ ná banya abotire abasobɔdeɛ bɔ ɔsɛkye ɔ, nakoso yɛ de, yɛnya abotire abasobɔdeɛ bɔ ɔnzɛkye ɔ.

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Tɛsalonika 2:2

Nyekyire, anaa edwirɛ anaa krataa bɔ ebiemɔ nwa ofi yɛ berɛ ne, bɔ okyire kyɛ Awurade kyẽa ne wawa nen, nnɛmɔma ɛmɔ ti anu yɛ ɛmɔ kesenee ndɛndɛ wɔ ye nwo, anaa nnɛmɔma ɔha ɛmɔ.

Tito 3:2

kyɛ, nnɛmaa bɛkã ebiala nwo dwirɛ tɛɛ, nnɛmaa bɛyɛ tuturefoɛ; na mmom bédwo bɛ nwo ase, ná bɛfa anidie bɔ odi mu ɔ bɛma mmenia mukoraa.

Hebrifoɛ 10:25

Nnɛmɔma yɛyakyi yɛ nwo yɛ nwo nyianuyɛlɛ, kyɛbɔ ebiemɔ de bayakyi ye yɔlɛ nen; na mmom ɛ́mɔma yɛhɔ so yɛtutu yɛ nwo yɛ nwo foɛ, nganga kekesaala ye bɔ ɛmɔnwu ye kyɛ Kyẽa ne apingye ye.

Hebrifoɛ 10:37

“Ofikyɛ waha kãa bie, né bɔ ɔ́ba ne wawa; na ɔngɔhyɛ biala.

1 Petro 1:11

Bɛbɔle mmɔden kyɛ bekonwu mmerɛ horɛ, anaa mmerɛ ahoroɔ mɔ bɔ Kristo Sunzum bɔ né ɔte bɛ nu ne ɔda ye ali ɔ, mmerɛ bɔ olili moa lili Kristo amaneɛnwunɛ nwo adanzeɛ, ɔne animnyam bɔ ɔtoa so ne.

1 Petro 4:7

Nakoso nningyein amukoraa ayieleɛ apingye; yiti ɛ́mɔnya adwene paa ná ɛ́mɔma ɛmɔ nye la berɛ ma mbaeɛbɔlɛ.

Nyekyire 22:20

Bɔ odi edwirɛ hemɔ nwo adanzeɛ ne, ɔnwa, “Amba, méba ndɛndɛ!” Amen. Awurade Yesu, bra!

Nyekyire 22:7

“Tie, méba ndɛndɛ. Ebiala bɔ otira nwomaa he anu ngɔmhyɛlɛ dwirɛ nu ne, onya saleɛ.”