Filipifoɛ 4:4 - AHYERƐLƐ KRONGRON

⁴ Ɛ́mɔma ɛmɔ nye gye wɔ Awurade nu daa. Mesi so bieku kyɛ, ɛ́mɔma ɛmɔ nye gye!

Filipifoɛ 4:4 Iomraidhean Croise

Edwein 146:2

Mmerɛ bɔ nde ngoa nu amukoraa, ngɔye AWURADE ayɛ; ngɔto Nyameɛ nwo ayɛyelɛ dwein mmerɛ bɔ nwomeɛ wɔ me nu ye.

Edwein 33:1

Ao ɛmɔ, teneneefoɛ, ɛmɔli ahurusi wɔ AWURADE nu. Ɔfata teneneefoɛ kyɛ bɛye AWURADE ayɛ ɔ.

Habakuku 3:18

nakoso me de, ngoli ahurusi wɔ AWURADE nu. Ngɔma me nye kɔgye wɔ me ngoadefoɛ Nyameɛ nu.

Mateo 5:12

Ɛ́mɔma ɛmɔ nye gye ná ɛ́mɔli ahurusi, ofikyɛ ɛmɔ akatuaa sone wɔ nyameɛso. Ofikyɛ sɔ ala yeɛ bɛtanene ngɔmhyɛlɛfoɛ bɔ belili ɛmɔ nyunu moa nemɔ nye ɔ.

Asomafoɛ 16:25

Kɔngɔen ne, kɔyɛ abunnamu, né Pɔɔlo ne Silase bɛbɔ mbaeɛ ná bɛto Nyameɛ ayɛyelɛ dwein, na kukunufoɛ ngaa ne tiele bɛ.

Asomafoɛ 5:41

Na bele anigye befili badwa nu berɛ bɛhɔle, kyɛ babu bɛ kyɛ bɛfata kyɛ Yesu dumaa ti animguaseɛ ɔto bɛ ɔ.

Romanfoɛ 12:12

Ɛ́mɔnya anigye wɔ anyelasoɛ nu, ɛ́mɔnya aboterɛ wɔ amaneɛnwunɛ nu, ná ɛmɔhɔ so bɛbɔ mbaeɛ daa.

2 Korintofoɛ 6:10

yayɛ kyɛ yɛ wora abɔ nakoso yɛ nye gye daa, yayɛ kyɛ ehiafoɛ nakoso yɛma mmeni pee benya bɛ nwo, yayɛ kyɛ yɛlle huu nakoso yɛle nningyein mukoraa.

Galatiafoɛ 1:8

Nakoso sɛ yɛ, anaa abɔfo bie fi nyameɛso po ba bakã nzɛmba foforɛ bɔ ɔne yɛ deɛ bɔ yahã yahyire ɛmɔ ne bɛnzɛ a, ye de ye yaakɔ!

Filipifoɛ 2:18

Na sɔ ala yeɛ ɔsɛ kyɛ ɛmɔ koso ɛmɔma ɛmɔ nye gye, ná ɛmɔ ne me yɛdi ahurusi ɔ.

Filipifoɛ 3:1

Aliɛmaa mɔ, bɔ ɔpɛ ye bo ɔ, ɛ́mɔma ɛmɔ nye gye wɔ Awurade nu. Ɔnha me kyɛ ngosa ngɔhyerɛ nikyee komapɛ ne ala ngɔbrɛ ɛmɔ ɔ, na ye sɔ te paa ma ɛmɔ.

1 Petro 4:13

Na mmom, ɛ́mɔma ɔyɛ ɛmɔ fɛ kyɛ ɛmɔnwu Kristo amaneɛ ne bie ɔ, amaa sɛ bɛye ye animnyam ne ali a, ɛmɔ koso ɛmɔali ahurusi ná ɛmɔ nye agye.