Filipifoɛ 4:19 - AHYERƐLƐ KRONGRON

¹⁹ Na me Nyameɛ kɔma ɛmɔ bɔ ɛmɔhia amukoraa, kyɛbɔ ye anwonya ne te ɔ, animnyam nu, wɔ Kristo Yesu nu.

Filipifoɛ 4:19 Iomraidhean Croise

Gyenesise 48:15

Na oyirale Yosef kyɛ, “Nyameɛ bɔ me mbanyi mɔ Abraham ne Yisake bɛsole ye ne, Nyameɛ bɔ wagyina me si me wiase bɔ mmale maa waadwu ɛne ye,

2 Samuel 22:7

Nzu mvrɛle AWURADE wɔ m’amaneɛ nu, na ndeane nu mvrɛle me Nyameɛ kyɛ ɔboka me. Ɔwɔ ye asɔneyɛɛ sua nu yeɛ ɔtele me mbaeɛ ɔ, na me sufrɛ dwuli ye so anu.

2 Aberɛso Dwirɛ 18:13

Nakoso Mikaya buale kyɛ, “Kyɛ AWURADE te ase ye de, edwirɛ bɔ me Nyameɛ kɔhã ne, ye ala yeɛ ngɔhã ɔ.”

2 Aberɛso Dwirɛ 31:8

Mmerɛ bɔ Hesekia ne mbanyi nemɔ bɛwale benwuni nningyein kure kure nemɔ nen, bɛyele AWURADE ayɛ, na beyirale ye maen Yisrael.

Nehemia 5:19

Ao me Nyameɛ, kaye paa amukoraa bɔ mayɔ mama maen he ɔ.

Nehemia 9:15

Ɛmane bɛ aleɛ fili nyameɛso kyɛ bɛfa bɛho bɛ hɔen, yeɛ ɛmane bɛ nzue fili nyɔbotaen ne anu kyɛ bɛfa bɛho bɛ nzuhɔen, na ɛhã hyirele bɛ kyɛ aseɛ bɔ ɛtale ndaen kyɛ ɛkɔfa kɔma bɛ ne, bɛhɔ bɛɛfa.

Edwein 104:24

Ao, AWURADE wɔ sa noa nnwumaa sone paa! Ɛfale nworɛ tole ye nwo yeɛ ɛbɔle bɛ mukoraa ɔ; w’abɔdeɛ mɔ bayi aseɛ so tɛkyɛ.

Edwein 130:7

Ao Yisrael, fa wɔ wora wura AWURADE nu! Ofikyɛ AWURADE yeɛ ole ɔdɔ bɔ onni ngasi ɔ, na ye yeɛ ɔpepɛ de sona mmorosoɛ ɔ.

Edwein 36:8

Bedi aleɛ bɔ wabu so wɔ w’awuro ne ma bɛko yi, na ɛma bɛ nzue bɔ ofi w’anigye asue nu maa bɛno.

Edwein 84:11

Ofikyɛ AWURADE Nyameɛ te eyia ne akokyɛm; ye yeɛ ɔdo sona ná ɔmaa onya animnyam ɔ, na bɛ bɔ bɛ bra te sannwuu ne, ɔmva nikye paa biala mmɔ bɛ atianuserɛ.

Daniel 6:22

Me Nyameɛ wasoma ye abɔfo maa waahã gyata nemɔ bɛ noa wato nu, yiti banyɔ me huu, ofikyɛ wanwu me kyɛ medi be wɔ ye nyunu; yeɛ Nana, wɔ nyunu koso nnyɔle bɔne biala.”

Mika 7:7

Yiti me de, AWURADE yeɛ me nye la ye so ɔ; ngɔfa me wora ngowura me ngoalelɛ Nyameɛ nu; me Nyameɛ kotie me.

Malaki 3:10

Ɛ́mɔfa buru nu ngyɛmuɛ ko ne amukoraa bɛbra nekaa bɔ besie nningyein ne, amaa ɔnate so aleɛ awa m’awuro. Ɛ́mɔfa béso me bɛ́nea, sɛ mengobukye nyameɛso mboma mengɔma ɛmɔ a, sɛ mengohwie saleɛ ngogua ɛmɔ so ma ongobu ngɔfa so a, Asafo AWURADE noa dwirɛ ɛne.

Mateo 6:32

Ofikyɛ ewiasefoɛ yeɛ bedi ɛhemɔ amukoraa si ɔ. Na ɛmɔ Baba bɔ ɔwɔ nyameɛso ne, ɔse kyɛ ɛmɔhia ɛhemɔ amukoraa.

Yohane 20:17

Na Yesu sele ye kyɛ, “Nnɛsɔ me nu, ofikyɛ nnya nngɔle me Baba berɛ wɔ nyameɛso. Nakoso kɔ nniɛma nemɔ berɛ kɔhã kyire bɛ kyɛ, mékɔ nyameɛso, me Baba ne ɛmɔ Baba berɛ, me Nyameɛ ne ɛmɔ Nyameɛ ne berɛ.”

Yohane 20:27

Yeɛ osele Tɔmase kyɛ, “Fa wɔ sa mmɛseka bra wa, ná nea me sa nu; ná fa wɔ sa baahã me mvenu, na nnɛsu aporowaa, na mmom dedi!”

Romanfoɛ 1:8

Bɔ oli moa ɔ, ɔnate ɛmɔ amukoraa ti mefa Yesu Kristo so meda me Nyameɛ ase, ofikyɛ ɛmɔ gyidie ne nwo dwirɛ adwu wiase nekaa biala.

Romanfoɛ 11:33

O! Nyameɛ anwonya ne ye nworɛ ne ye nimdeɛ nu pi! Nwa yeɛ ɔkɔhora kohyirehyire ye porɛ bɔ wabɔ nu ɔ? Nwa yeɛ ɔse ye atee bɔ ɔfa so yɔ ye nningyein, anaa nwa yeɛ ɔkɔte ye bo koyie ɔ?

Romanfoɛ 2:4

Aso ɛmva Nyameɛ paayɛlɛ mmorosoɛ ne ye aboterɛ pee ne nyɛ hwee hɔ ɔ? Ɛnze kyɛ Nyameɛ paayɛlɛ ne ɔboka wɔ maa ɛsakyera w’adwene hɔ ɔ?

Romanfoɛ 8:18

Mebu amaneɛ bɔ yɛnwu ye kekesaala ye ne kyɛ, yɛngora yɛngɔfa ngɔtoto animnyam bɔ bɛbaala ye ali bekyire yɛ ne anwo.

Romanfoɛ 9:23

Afei koso ɔyɛle kyɛ ɔkɔla ye animnyam mmorosoɛ ne ali kohyire bɛ bɔ wanwu bɛ anwumvoin ne, ofikyɛ wasiesie bɛ wasie berɛ dada kyɛ bɛfata ye animnyam ne.

2 Korintofoɛ 12:21

Ebiaa meba bieku a, me Nyameɛ kɔbrɛ me ase wɔ ɛmɔ nyunu maa ngoli ɛmɔ nu pee nwo aworabɔlɛ wɔ mmenia somaa bɔ daa bayɔ bɔne, ná kekesaala ye bɛtɛyɔ ná banzakyera b’adwene wɔ brabɔlɛ fiɛ, adwamanbɔlɛ ne ahuhubra nwo ti.

2 Korintofoɛ 4:17

Ofikyɛ kekesaala ye amaneɛ kãa bɔ yɛnwu ye ne, osiesie yɛ ma animnyam kandinga bɔ ɔwɔ berɛ afebɔɔ, bɔ ɔtra so ɔ.

Ɛfesofoɛ 1:18

ná óbukye ɛmɔ adwene nu ma ɛmɔnya ndeaseɛ, amaa ɛmɔanwu anyelasoɛ bɔ ɔwɔ ye frɛlɛ bɔ wafrɛ ɛmɔ ne anu, ɔne ye agyapadeɛ animnyam anwonya wɔ anwoteefoɛ nu.

Ɛfesofoɛ 1:7

Ɔnate ye mogya ne aso yeɛ wale yɛ ɔ, bɔ ye ole yɛ mvomsoɛ fahyɛlɛ ne, kyɛbɔ ye adom mmorosoɛ ne te ne,

Ɛfesofoɛ 2:7

kyɛ ewiase bɔ ɔ́ba ne anu ɔkɔla ye adom anwonya mmorosoɛ ne ali wɔ paayɛlɛ bɔ ɔyɛ yɛ Kristo Yesu nu ne anu.

Ɛfesofoɛ 3:16

kyɛ ófi ye animnyam anwonya nu ma ɛmɔfa ye Sunzum so benya tumi nu anwoserɛ wɔ ɛmɔ nu, wɔ sona sue ne anu,

Ɛfesofoɛ 3:8

Ɔwɔ nu kyɛ me yeɛ nde kãa paa wɔ anwoteefoɛ ne amukoraa nu ɔ, nakoso Nyameɛ amaa manya sɔ adom he, kyɛ mmɔ Kristo anwonya bɔ ɔbo sona ndeaseɛ so ne dawure ngyire Amaenmaensofoɛ;

Filipifoɛ 4:7

Na Nyameɛ asomdwee bɔ ɔbo ndeaseɛ amukoraa so ne, ɔkɔnea ɛmɔ ahone ne ɛmɔ adwene so wɔ Kristo Yesu nu.

Kolosefoɛ 1:27

Na Nyameɛ apɛdeɛ ole kyɛ, ɔkɔma anwoteefoɛ konwu animnyam anwonya bɔ ɔwɔ mvealeɛ dwirɛ ne anu wɔ Amaenmaensofoɛ nu. Mvealeɛ nu dwirɛ ne ole Kristo bɔ ɔwɔ ɛmɔ nu ne, na ɔte animnyam ne nwo anyelasoɛ.

Kolosefoɛ 3:16

Ɛ́mɔma Kristo dwirɛ ne oyi ɛmɔ nu tɛkyɛ, ɛmɔhyirehyire ná ɛ́mɔfa nworɛ mukoraa betutu ɛmɔ nwo foɛ. Ɛ́mɔto sangoo dwein, ayɛyelɛ dwein, ɔne sunzum nu dwein bɔ ɔte ahone nu asennaa bɛ́ma Nyameɛ.

1 Tɛsalonikafoɛ 2:12

kyɛ ɛmɔbɔ bra bɔ ɔsɔ Nyameɛ bɔ wafrɛ ɛmɔ kyɛ ɛmɔɔnya kyɛfa wɔ ye Ahennie ne ye animnyam nu ne nye.

1 Timoteo 6:17

Dwudwo kyire sikafoɛ bɔ bɛwɔ wiase, kyɛ nnɛmaa bɛmoma bɛ nwo so, anaakyɛ nnɛmaa bɛfa bɛ nye bɛto anwonyadeɛ bɔ ɔpɛ nu kɔ ɔ so; na mmom ɔsɛ kyɛ bɛfa bɛ nye bɛto Nyameɛ bɔ ɔma yɛ nningyein amukoraa mmorosoɛ ma yɛ nye gye ne aso.

Filemɔn 1:4

Mmerɛ biala bɔ mekaye wɔ wɔ mbaeɛbɔlɛ nu ne, mefa asennaa mema me Nyameɛ,

1 Petro 5:1

Yiti me bɔ nde ɛmɔ aliɛma panyi ɔne Kristo amaneɛnwunɛ nwo danzeniɛ, bɔ ngosa ngonya kyɛfa wɔ animnyam bɔ bɛbaaye ye ali ne anu ne, métu ɛmɔ nu mbanyi nemɔ foɛ kyɛ,

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.