Filipifoɛ 4:16 - AHYERƐLƐ KRONGRON

¹⁶ Na mmerɛ bɔ né nwɔ Tɛsalonika ne po, ɛmɔsomane maa bɛfale bɔ ohia me ɔ bɛbrɛle me ye pɛen ko ne ye pɛen nyɔ so.

Filipifoɛ 4:16 Iomraidhean Croise

Asomafoɛ 17:1

Pɔɔlo ne Silase bɛpɛle nu wɔ Amfipoli ne Apolonia bɛwale Tɛsalonika, nekaa bɔ Yudafoɛ nyianu sua wɔ ɔ.

1 Tɛsalonikafoɛ 2:18

Ahaa yɛpena kyɛ yɛsa yɛba ɛmɔ berɛ. Me bɔbɔ, Pɔɔlo, mabɔ ye nwo mmɔden pee, nakoso Abɔnzam sili yɛ ate.

1 Tɛsalonikafoɛ 2:9

Aliɛmaa mɔ, ɛmɔkaye kyɛbɔ yɛsi yɛyɔle adwuma, ɔne yɛ fɛɛ bɔ yɛfɛle ɔ. Yɛyɔle adwuma eyia ne kɔngɔen kyɛbɔ ɔkɔyɛ na yanyɛ ɛmɔ nu biala so tɔsom, wɔ mmerɛ bɔ né yɛkã Nyameɛ nzɛmba ne yɛkyire ɛmɔ ne.

Tito 3:14

Ma yɛ mmenia besua nnwumaa paa nwo mmɔdenbɔlɛ, ná bɛ́fa bɛ́boka bɛ bɔ behia mmokalɛ paa ɔ; na mmom ɔnzɛ kyɛ bɛyɛ foen bɔ mvasoɛ nne bɛ so ɔ.