Filipifoɛ 4:12 - AHYERƐLƐ KRONGRON

¹² Manwu anwokyere, yeɛ manwu anwonya koso. Nekaa biala ne nikyee biala nu, sɛ ɛhɔen yeɛ oku me oo, sɛ me ko yi oo; sɛ nne bie oo, sɛ nnne bie oo, wakokwa me,

Filipifoɛ 4:12 Iomraidhean Croise

Nehemia 9:20

Ɛfale wɔ Sunzum paa ne mane bɛ kyɛ ohyirehyire bɛ mmeraa ne. Na mana bɔ ɛfa maa belili ne, anyakyi bɛ ye manɛ, yeɛ nzuhɔen ku bɛ ne, ɛmane bɛ nzue maa bɛnone.

Yesaya 8:11

AWURADE dwudwo hyirele me wɔ mmerɛ bɔ né ye tumi wɔ me so serɛserɛ, na ɔbɔle me kɔkɔ kyɛ, maen he atee bɔ ɔnate so ne, nnɛmaa mefa so bie. Ɔnwa:

Yeremia 31:19

Amba, nzale me si, na ye si ye, nzakyerale m’adwene. Na ye si ye bɔ me nye wale me nwo so ne, mvale me sa nguale m’ahone so; mvɛrele, na me nyunu guale ase, ofikyɛ mmɔle nyanzoen bra wɔ me mmerandeɛ nu.’

Mateo 11:29

Ɛ́mɔfa me kɔnnua ne bɛ́to bɛ nwo so, na ɛ́mɔsua me, ofikyɛ medwo na mebrɛ me nwo ase wɔ ahone nu, na ɛmɔkonya nwomelelɛ bɛkɔma ɛmɔ kra.

Mateo 13:52

Na osele bɛ kyɛ, “Ɛhe kyire kyɛ, ahyerɛlɛniɛ biala bɔ wanya ndeteyɛɛ wafa nyameɛso ahennie ne anwo ne, ɔte kyɛ awuro mene bie bɔ ɔye ye agyapadeɛ nu foforɛ ne daa deɛ fite ɔ.”

2 Korintofoɛ 10:1

Me, Pɔɔlo, mefa Kristo anwobrɛaseɛ ne ye dwolɛ bɔ odwo ne aso metu ɛmɔ foɛ; me bɔ me nye bɔ ɛmɔ nyunu a meyɛ me nwo anwumvoin anwumvoin, nakoso mefi ɛmɔ berɛ a mema m’ahone yɛ se wɔ ɛmɔ so ne.

2 Korintofoɛ 10:10

ofikyɛ mmenia kekã kyɛ, “Ye ngrataa te anwunanwuna na nu sa yɛ se, nakoso sɛ ɔba wa a, ye noa yɛ mmerɛ, yeɛ ye noa dwirɛ koso mbɛ asue.”

2 Korintofoɛ 11:27

Mayɔ adwuma mafɛ, mmerɛ pee mennya nnaa menna, ɛhɔen ne nzuhɔen ku me, metaa mekye hɔen, ɛyerɛ ku me, yeɛ ndaadeɛ bɔ ngowura abɔ me.

2 Korintofoɛ 11:7

Na sɛ mmrɛle me nwo ase maa ɛmɔnyane ngɔsoɛ wɔ mmerɛ bɔ ngane Nyameɛ nzɛmba ne ngyirele ɛmɔ, bɔ mammisa ɛmɔ berɛ hwee ne a, né bɔne beni yeɛ mayɔ ɔ?

2 Korintofoɛ 11:9

Na mmerɛ bɔ me nwo hyerele me wɔ ɛmɔ berɛ ne, mamva m’anwokyere mangua ebiala so, ofikyɛ aliɛmaa mɔ bɔ befi Makedonia bɛwale ne bɛfale nikyee biala bɔ mehia bɛbrɛle me. Yiti kyɛbɔ neane me nwo daa wɔ nikyee biala nu ne, ngɔhɔ so ngɔyɔ ye sɔ ala, na manyɛ ɛmɔ so tɔsom.

Deuteronomi 32:10

“Onwuni ye wɔ ɛserɛ so, ɛserɛ pralaa suronyisuronyi so; ɔfale ye wurale ye kunu, ɔneane ye so, na ɔbɔle ye nwo waen kyɛ ye nye kyiremvua.