Filipifoɛ 4:1 - AHYERƐLƐ KRONGRON

¹ Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.

Filipifoɛ 4:1 Iomraidhean Croise

YOB NWOMAA NE 31:36

Ahaa ngɔfa ngɔto me kɔme anwo, ahaa ngɔfa ngopuro me ti kyɛ abotire;

Edwein 125:1

Bɛ bɔ bɛfa bɛ wora bewura AWURADE nu ne, bɛte kyɛ Sion bokaa bɔ ɔnwoso, ná mmom otimu berɛ daa ne.

Edwein 27:14

Ma wɔ nye ɔla AWURADE so, gyina pindinn ná ma wɔ hue yɛ se; nahorɛ nu, ma wɔ nye ɔla AWURADE so!

Mateo 10:22

Ɔnate me dumaa ti, mmenia mukoraa kɔpɔ ɛmɔ; nakoso bɔ okotindim koodwu ayieleɛ nen, ye yeɛ bekole ye ngoa ɔ.

Yohane 8:31

Yeɛ Yesu sele Yudafoɛ bɔ belele ye belili ne kyɛ, “Sɛ ɛmɔtira me dwirɛ ne anu a, ye de ɛmɔte m’asuafoɛ amba,

Asomafoɛ 11:23

Banaba hɔle oodwuli berɛ na onwuni kyɛbɔ Nyameɛ asi ayira asɔre nen, ye nye gyele, na ɔhyɛle bɛ nguraen kyɛ bɛfa b’ahone mukoraa bɛsɔ gyidie ne anu paa, na beli nahorɛ bɛma Awurade.

Asomafoɛ 14:22

na bɛhyɛle asuafoɛ nemɔ kra nguraen, betuli bɛ foɛ kyɛ bɛhɔ so begyina pindinn wɔ gyidie ne anu, na bɛhane kyɛ, ɔsɛ kyɛ yɛfa amaneɛnwunɛ pee nu yɛkɔ Nyameɛ ahennie nu.

Asomafoɛ 2:42

Na betuli bɛ nwo besiele berɛ besuane asomafoɛ nemɔ ngyerɛkyerɛ ne b’abiɛngoɛfalɛ ne paanoobubulɛ ne mbaeɛbɔlɛ.

Romanfoɛ 2:7

Bɛ bɔ bemia bɛ nye bɛyɔ paa, na bɛpena animnyam, anidie ne daa ngoa nen, bɛ yeɛ Nyameɛ kɔma bɛ daa ngoa ɔ.

1 Korintofoɛ 15:58

Yiti nniɛma mɔ, ɛmɔgyina pindinn, nnɛma ɛmɔhimhim, na daa biala ɛmɔhɔ so bɛyɔ Awurade adwuma, ofikyɛ ɛmɔse kyɛ ɛmɔ fɛɛ wɔ Awurade adwuma nu ngɔyɛ mbaen.

1 Korintofoɛ 16:13

Ɛmɔwɛne, ɛmɔgyina pindinn wɔ gyidie nu, ɛ́mɔma ɛmɔ ahone yɛ se, ná ɛ́mɔmia ɛmɔ nye.

2 Korintofoɛ 1:14

kyɛbɔ ɛmɔate yɛ bo bue bue ne, amaa ɔnate so ɛmɔafa yɛ bahoahoa ɛmɔ nwo kyɛbɔ yɛ koso yɛkɔfa ɛmɔ yɛkɔhoahoa yɛ nwo wɔ Awurade Yesu kyẽa ne.

Galatiafoɛ 5:1

Kristo ama yɛ fawɔnwodi amaa yayɛ nnehyeɛ. Yiti ɛ́mɔgyina pindinn, na nnɛma ɛmɔfa ɛmɔ nwo bewura ngoaasolɛ nu ko.

Filipifoɛ 1:27

Nzaade ohia kyɛ ɛmɔma ɛmɔ brabɔlɛ fata Kristo nzɛmba ne, amaa sɛ mebapasa ɛmɔ nwo oo, sɛ mamma oo, mate ɛmɔ nga kyɛ ɛmɔagyina pindinn wɔ sunzum ko nu, bɔ ɛmɔayɛ adwene ko bɛpere bɛma nzɛmba ne nwo gyidie,

Filipifoɛ 1:8

Nyameɛ di me adanzeɛ, kyɛ Kristo Yesu nu ɔdɔ yeɛ ngyi so bɔ me wora dɔ ɛmɔ amukoraa ɔ.

Filipifoɛ 2:16

wɔ mmerɛ bɔ ɛmɔtira ngoa dwirɛ ne anu serɛserɛ ɔ; amaa wayɛ m’anwohoahoa wɔ Kristo kyẽa ne, kyɛ amirika bɔ nduli ne wanyɛ mbaen, yeɛ me fɛɛ adwumaa ne koso wanyɛ mbaen.

Filipifoɛ 2:26

ofikyɛ ye wora dɔ ɛmɔ amukoraa, na ɔha ye kyɛ ɛmɔtele kyɛ anwonyerɛ bɔle ye ɔ.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

1 Tɛsalonikafoɛ 3:13

amaa ɔnate so wasi ɛmɔ ahone pi, ná wayɛ ɛmɔ krongron bɔ ngekalewa biala nne nu wɔ yɛ Baba Nyameɛ nyunu, wɔ y’Awurade Yesu Kristo ne ye anwoteefoɛ amukoraa walɛ ne anu.

2 Tɛsalonika 2:15

Yiti aliɛmaa mɔ, ɛmɔgyina pindinn, na ɛmɔsɔ ngyerɛkyerɛ bɔ yɛnate yɛ noa dwirɛ anaa krataa so yafa yahyire ɛmɔ ne anu yé.

2 Timoteo 2:1

Yiti mma, ma wɔ nwo yɛ se wɔ adom bɔ ɔwɔ Kristo Yesu nu ne anu.

Hebrifoɛ 10:23

Ɛ́mɔma yɛsɔ anyelasoɛ dwirɛ bɔ yɛgyi so ne anu serɛ, ofikyɛ bɔ ɔhyɛle bɔ ne, odi nahorɛ.

Hebrifoɛ 3:14

Na sɛ yɛsɔ gyidie bɔ yɛlili moa yɛnyane ye ne anu yé yɛkɔ ayieleɛ a, ye de yɛle kyɛfa wɔ Kristo nu.

Hebrifoɛ 4:14

Ɛmɔma yɛsɔ yɛ gyidie nu serɛ, ofikyɛ yɛle ɔsɔfo panyi paa, Nyameɛ Awa Yesu bɔ wafa ewienu wahɔ nyameɛso ɔ.

2 Petro 3:17

Yiti aliɛmaa mɔ, ɛmɔse ɛhemɔ dada, yiti ɛ́mɔla ɛmɔ nwo so, ná mmeraatolɛfoɛ mvomsoɛ ne wandwetwe ɛmɔ wangɔ, ná ɛmɔamvi ase bamvi nekaa bɔ ɛmɔatindim ne.