Filipifoɛ 3:9 - AHYERƐLƐ KRONGRON

⁹ amaa wanwu me wɔ ye nu, kyɛ me de, nnne me bɔbɔ me tenenee bɔ ofi mmeraa ne anu ɔ, na mmom bɔ ɔnate Kristo nu gyidie so ɔba ɔ, tenenee bɔ ofi Nyameɛ berɛ, bɔ ɔnate gyidie so ɔ.

Filipifoɛ 3:9 Iomraidhean Croise

Gyenesise 7:23

Na nikyee biala bɔ ɔwɔ aseɛ ye aso bɔ ngoa wɔ ye nu ne, Nyameɛ nuane ye boso: kuro sona, ngaka, ngaka bɔ bɛtwe bɛ nwo ase, ewienu nnomaa, onuane bɛ boso fili aseɛ ye aso. Na ɔhale Nowa ngome ne bɛ bɔ bɛboka ye so ne ala.

1 Ahemvo 8:46

“Sɛ bɛyɔ bɔne betia wɔ (ofikyɛ sona biala nne berɛ bɔ ɔnyɔ bɔne ɔ), ná ɛfɛ bɛ so yaa ɛfa bɛ wura bɛ pɔfoɛ mɔ sa maa bɛkye bɛ nnure bɛkɔ pɔfoɛ nemɔ aseɛ so, kyɛ ɔwɔ dedeede, anaakyɛ opingye wa,

2 Aberɛso Dwirɛ 32:25

Nakoso ɛlolɛ bɔ AWURADE lole Hesekia ne, Hesekia amma wanyɛ ye nyeme, ofikyɛ ɔyɛle anwomasoɛ. Yiti AWURADE fɛle Yuda ne Yerusalem so ɛyaa piri.

2 Aberɛso Dwirɛ 32:31

Nakoso mmerɛ bɔ Babilɔn ɛbɔfoɛ mɔ bɛwale beebisale ye dwirɛ bɛfale anwanwadeɛ bɔ wasi wɔ ye maen ne anu anwo ne, Nyameɛ anga mmuayɛɛ bɔ ɔfa ma bɛ ɔ wangyire ye, ofikyɛ né ɔfa oso ye nea onwu bɔ ɔwɔ ye ti anu ɔ amukoraa.

Edwein 14:3

Nakoso bɛ mukoraa bali makyebu, bɛ mukoraa adwene paa ɔnne bɛ ti anu; bɛ nu biala nne berɛ bɔ ɔyɔ bɔ ɔte paa ɔ, daabi, ko po nne berɛ.

Edwein 143:2

W’akoaa, nnɛfa me wura ndɛenbualɛ nu, ofikyɛ teasefoɛ biala nni be wɔ wɔ nyunu.

Edwein 19:12

Nwa yeɛ ye nye kora ba ye nwo so wɔ ye bɔbɔ ye mvomsoɛ nwo ɔ? Me mvomsoɛ bɔ wafea me ne, fa kyɛ me.

Nworɛ Dwirɛhanɛniɛ 7:20

Nahorɛ nu, sona biala nne aseɛ ye aso bɔ ye de ɔtengyɛ, ɔyɔ paa ngome, bɔ ɔnyɔ bɔne ɔ.

Yesaya 46:13

Mama me tenenee ne apingye, ɔnne dede koraa, me ngoalelɛ ne, ɔngɔhyɛ né wawa. Ngɔma ngoalelɛ kɔwa Sion, na ngɔma m’animnyam kɔwa Yisrael so.”

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Yesaya 53:6

Yɛ mukoraa yali makyebu kyɛ mmoaen, yɛ nu biala wamakye wafa ye bɔbɔ ye atee deɛ so, na AWURADE aprapra yɛ mukoraa yɛ amumuyɛɛ wagua ye so.

Yesaya 6:5

Na ngane kyɛ, “Edwirɛ ato me oo! Mawu oo! Ofikyɛ nde sona bɔ me noa kekã amumuyɛɛ dwirɛ, yeɛ nde maen bɔ nu ama kekã amumuyɛɛ dwirɛ ɔ nu; ɔnate kyɛ me nye anwu Ɛhene ne, bɔ ye ole Asafo AWURADE!”

Yeremia 23:6

Na ye aberɛ so, Yuda konya ye ti kodidi nu, na Yisrael kɔtena asomdwee nu. Na ye dumaa bɔ bɛkɔfa bɛkɔfrɛ ye ole ‘AWURADE YƐ TENENEE.’

Yeremia 33:16

Sɔ ngyẽa nemɔ anu, Yuda konya ye ti kodidi nu, na Yerusalem kɔtena asomdwee nu. Na dumaa bɔ bɛkɔfa bɛkɔfrɛ ye ole, ‘AWURADE Yɛ Tenenee.’

Daniel 9:24

“Bahyɛ afoɛ aburasoo sɔ alaa nzoo bafa wɔ maen ne wɔ kuro krongron ne anwo, kyɛ bɛ́ma mmeraatolɛ ne ɔbra ayieleɛ, ná bétu bɔne bo, kyɛ bɛ́yɛ amumuyɛɛ nwo mbata, ná bɛ́ma tenenee afebɔɔ ɔbra ɔ, ná bɛ́ma nyekyire ne ne ngɔmhyɛlɛ ne ɔbra nu, ná bɛ́popa nekaa krongron paa ne ngoo.

Mateo 9:13

Ɛmɔhɔ beesua kyɛbɔ edwirɛ he ye bo kyire ɔ, ‘Anwumvoinnwunɛ yeɛ mekuro ɔ, na nna afɔleɛbɔlɛ ɔ.’ Ofikyɛ mamma kyɛ mebaafrɛ teneneefoɛ, na mmom bɔnefoɛ.”

Romanfoɛ 1:17

Ofikyɛ nzɛmba ne kyire kyɛ, Nyameɛ siesie kuro sona ne ye afia maa bɛyɛ ko: na ɛhe gyi gyidie ngome so. Kyɛbɔ bahyerɛ kyɛ, “Teneneeniɛ de, ɔnate ye gyidie so yeɛ okonya ngoa ɔ.”

Romanfoɛ 10:10

Ɔnate kyɛ, sona fa ye ahone yeɛ ode di ɔkɔ tenenee nu ɔ; na ye noa yeɛ ɔfa kã ye pefee onya daa ngoa ɔ.

Romanfoɛ 16:7

Ɛ́mɔbisa Androniko ne Yunia bɔ bɛte m’abusuafoɛ ne mmiɛngo kukunufoɛ ɔ ahye bɛ́ma me; bele dumaa wɔ asomafoɛ nemɔ nu, na belili moa bɛyɛle Akristofoɛ bɛyakyili me.

Romanfoɛ 5:21

Na kyɛbɔ bɔne nate ewue nu lili hene nen, sɔ ala yeɛ Nyameɛ adom koso kɔnate tenenee nu koli hene ɔ, na ɔkɔfa y’Awurade Yesu Kristo so kɔfa yɛ kɔhɔ daa ngoa nu.

Romanfoɛ 8:1

Afei de, foɛbualɛ biala nne berɛ mma bɛ bɔ bɛte Kristo Yesu nu ne.

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

1 Korintofoɛ 1:30

Ngoa bɔ ɛmɔle ye wɔ Yesu nu ne fi Nyameɛ berɛ, na Nyameɛ afa Kristo ayɛ yɛ nworɛ, yɛ tenenee, yɛ fawɔnwodi ne krongronyɛlɛ.

2 Korintofoɛ 5:17

Yiti sɛ ebie fa ye nwo bɔ Kristo a, né wayɛ abɔdeɛ foforɛ, nningyein daa ne apɛ nu; amba nningyein mukoraa ayɛ foforɛ.

2 Korintofoɛ 5:21

Ofikyɛ bɔ wanyɔ bɔne ne, Nyameɛ maa fale ye kakyili bɔne mane yɛ, amaa ɔnate ye so yanya Nyameɛ tenenee ne bie.

Galatiafoɛ 2:16

Nakoso yɛse kyɛ ɔnate sona gyidie wɔ Yesu Kristo nu so yeɛ Nyameɛ bua ye be ɔ, na mmom ɔnnate mmeraa ne aso lilɛ. Yɛ koso yale Kristo yali, amaa ɔnate sɔ gyidie ne aso Nyameɛ abua yɛ be, na nna kyɛ mmeraa ne aso lilɛ ti ɔ; ofikyɛ nna mmeraa ne aso lilɛ yeɛ Nyameɛ kɔfa kobua sona biala be ɔ.

Deuteronomi 27:26

“ ‘Musue tó sona biala bɔ onne mmeraa he anu dwirɛ ndo nu kyɛ okoli so ɔ.’ Na mmenia ne amukoraa kosuro so kyɛ, ‘Amen!’

Filipifoɛ 3:6

mmɔdenbɔlɛ nu, ndanene asɔre ne nye; mmeraa ne anu tenenee koso, me nwo sonn.

2 Timoteo 1:9

Ye yeɛ oolele yɛ ná ɔfale ɛfrɛlɛ krongron frɛle yɛ ɔ, nna kyɛ yɛ nnwumaa ti ɔ; na mmom kyɛbɔ ye bɔbɔ ye nhyehyɛleɛ ne adom bɔ wafa walo yɛ wɔ Kristo Yesu nu fi tetetete ne ɔte ne.

Tito 3:5

bɔ nna kyɛ tenenee nnwumaa bie bɔ yayɔ ti ɔ; na mmom ye bɔbɔ ye anwumvoinnwunɛ ti ɔ, na ɔfale aworɛ foforɛ ebialɛ nu ne foforɛyɛlɛ wɔ Sunzum Krongron so olele yɛ ngoa.

Hebrifoɛ 6:18

Yiti ɔnate nningyein nyɔ bɔ ɔnzesã, bɔ okyire kyɛ Nyameɛ ngɔhora ngɔpɛ ngondombo ne wamaa yɛ bɔ yanwati yaafea ye nu ne yanya nguraenhyɛlɛ mmorosoɛ, na yasɔ anyelasoɛ bɔ ɔla yɛ nyunu ne anu yé.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

2 Petro 1:1

Simɔn Petro bɔ nde Yesu Kristo akoaa ne somafoɛ ne, mefa mebrɛ bɛ bɔ ɔnate yɛ Nyameɛ ne Ngoadefoɛ Yesu Kristo tenenee so banya gyidie bɔ odi mu kyɛ yɛ deɛ ne ala ɔ.

1 Yohane 3:4

Ebiala bɔ ɔyɔ bɔne ne, ɔto mmeraa, ofikyɛ bɔne te mmeraatolɛ.