Filipifoɛ 3:5 - AHYERƐLƐ KRONGRON

⁵ Ye ɛlɛbɔtwɛ ne aso yeɛ bɛpɛle me bienzua ɔ. Mvi Yisrael bosofoɛ nu, mvi Benyamin abusua kure nu, Hebrifoɛ nu Hebriniɛ; na mmeraa ne aso lilɛ de, nde Farasiiniɛ;

Filipifoɛ 3:5 Iomraidhean Croise

Gyenesise 14:13

Ebie nwatili fili koɛ ne anoa, na ɔɔbɔle Hebriniɛ Abram amaneɛ. Né Abram te pingye Amoriniɛ Mamre eluii mmakaa ne. Né Mamre aliɛma mɔ Ɛseko ne Anere bɛte Abram koɛ nu bokafoɛ.

Gyenesise 17:12

Na ɛmɔ aworɛ ndoatoasoɛ mukoraa nu, sɛ bienzua biala di ɛlɛbɔtwɛ a, odi kyɛ bɛpɛ ye bienzua. Yeɛ sɛ bɛwo kanganiɛ wɔ w’awuro, anaa ɛfale sikaa tɔle ye fili amanvraniɛ biala, bɔ nna wɔ nwoniɛ ahɔ berɛ a, odi kyɛ ɛpɛ ye bienzua.

Gyenesise 40:15

Ofikyɛ nahorɛ nu, bɛhyele me nnure befili Hebrifoɛ aseɛ so; na ɛwa po, nnyɔle hwee bɔ ɔsɛ kyɛ bɛfa me bɛto kumaa nu kuku nu ɔ.”

Gyenesise 41:12

Né Hebriniɛ aberandeɛ bie bɔ ɔte angɔbeahene akoaa boka yɛ so wɔ berɛ; na yɛhane yɛ laleɛ ne yɛhyirele ye ne, ohyirele yɛ laleɛ ne abo. Ohyirele yɛ bo kyɛbɔ ebiala laleɛ si te ɔ.

Yona 1:9

Na obuale bɛ kyɛ, “Me, nde Hebriniɛ. Mesɔne AWURADE, nyameɛso Nyameɛ bɔ ɔbɔle ɛpo ne aseɛ wosee ne.’”

Luka 1:59

Na ɔwale kyɛ, ye ɛlɛbɔtwɛ ne aso, bɛwale kyɛ bɛbaapɛ akwadaa ne bienzua; na ahaa bɛpena kyɛ bɛfa ye bɛto ye baba Sakaria;

Luka 2:21

Na odwuli ɛlɛbɔtwɛ bɔ né bɛbaapɛ ye bienzua ne, bɛtole ye dumaa Yesu, dumaa bɔ abɔfo ne fa tole ye koraka yeɛ bɛnwonzɛ ye ne.

Luka 5:38

Na mmom odi kyɛ bɛfa nzaa monɛ begua nwomaa ngotoku monɛ nu.

Asomafoɛ 22:3

“Nde Yudaniɛ, bɛwole me Taaso bɔ ɔwɔ Kilikia manzini nu. Bɛtetele me wɔ kuro ye anu, na Gamaliɛl yeɛ ohyirele me nikye ɔ. Ɔfale yɛ nana mɔ mmeraa ne hyirele me nikyee pɛpɛɛpɛ, na nduli me nwo nziele berɛ mane Nyameɛ kyɛbɔ ɛnɛ ye ɛmɔ amukoraa bɛyɔ ne.

Asomafoɛ 23:6

Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 6:1

Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Romanfoɛ 11:1

Afei mebisa, aso Nyameɛ wapo ye maen anaa? Dabida! Ofikyɛ me bɔbɔ nde Yisraelniɛ, nde Abraham bosoniɛ, mvi Benyamin abusua kure nu.

2 Korintofoɛ 11:22

Bɛte Hebrifoɛ anaa? Me wora nde bie. Bɛte Yisraelfoɛ anaa? Me wora nde bie. Bɛte Abraham boso ama anaa? Me wora nde bie.

1 Samuel 4:6

Filistifoɛ tele esebɔlɛ nen, bɛhane kyɛ, “Esebɔlɛ bɔ ɔ́kɔ so wɔ Hebrifoɛ asikyeleɛ ye anu ye, ye bo ole sɛɛ?” Na Filistifoɛ tele kyɛ AWURADE alaka ne waadwu asikyeleɛ ne anu ne,