Filipifoɛ 3:3 - AHYERƐLƐ KRONGRON

³ Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Filipifoɛ 3:3 Iomraidhean Croise

Edwein 105:3

Ɛ́mɔfa ye dumaa krongron ne bɛhoahoa bɛ nwo. Bɛ bɔ bɛpena AWURADE si atee ne, ma bɛ nye gye.

Yesaya 45:25

AWURADE nu yeɛ Yisrael boso ama mukoraa bekoli ngonim bekonya animnyam ɔ.”

Yeremia 4:4

Ao Yudafoɛ ne Yerusalemfoɛ, odi kyɛ ɛmɔye ɛmɔ ahone nwo bɔne ndwirahoɛ ne wɔ AWURADE nyunu, kyɛbɔ bɛpɛ sona ye bienzua ɔ, Wanyɛ sɔ a, m’ahone kohu kyɛ see, na okogye alaa bɔ ebiala ngɔhora ye nua ɔ, ɔnate ɛmɔ bɔne yɔleɛ ne ati.

Yeremia 9:26

Misraim, Yuda, Edom, Amonfoɛ yeɛ Moabo ne bɛ bɔ bɛte ɛserɛ so amukoraa bɔ bepiapia bɛ ti angyɛnu ɔ. Ofikyɛ sɔ maen nemɔ amukoraa bɛmbɛ bɛ bienzua, na Yisrael awuro ama amukoraa, b’ahone nu de, bɛmbɛ bɛ bienzua.”

Malaki 1:11

Ofikyɛ, ofi eyia fitelɛ kodwu ye tɔlɛ, me dumaa te piri wɔ maen maen mɔ nu, na bɛyera ɛyɛɛ bɛbɔ afɔleɛ bɛma me dumaa nekaa biala, yeɛ bɛbɔ afɔleɛ bɔ ye nwo te ɔ bɛma me; ofikyɛ me dumaa te piri wɔ maen maen mɔ nu, Asafo AWURADE noa dwirɛ ɛne.

Romanfoɛ 1:9

Nyameɛ bɔ meso ye sunzum nu, ná mebɔ Ɔwa ne nzɛmba ne dawure ne, odi me adanzeɛ kyɛ nnyakyili ɛmɔ dumaa bɔlɛ le wɔ me mbaeɛbɔlɛ nu.

Romanfoɛ 15:17

Ɔnate kyɛ mafa me nwo mabɔ Kristo Yesu nwo ti, mefa m’adwuma bɔ meyɔ mema Nyameɛ ne mehoahoa me nwo.

Romanfoɛ 7:6

Na afei de, bale yɛ bafi mmeraa ne abo, ofikyɛ bɔ daa ne ɔfale yɛ yɛle ngoaa nen, kekesaala ye de olle yɛ so tumi ko. Yiti yɛwwura daa mmeraa bɔ bɛhyerɛle ne abo ko, na mmom yɛwura Sunzum nu ngoa foforɛ ne abo.

Romanfoɛ 8:15

Ofikyɛ ɛmɔannya ngoaayɛlɛ sunzum bɔ ɔkɔmaa ɛmɔkosa bekosuro ɔ; na mmom baayɛlɛ Sunzum yeɛ ɛmɔanya ɔ, bɔ ɔmaa yɛtea nu kyɛ: “Abba! Baba!”

Romanfoɛ 8:39

anaa anwuro, anaa kumaa kuronn, anaa abɔdeɛ nu nikyee biala ngɔhora ngɔtete yɛ ngofi Nyameɛ ɔdɔ bɔ ɔwɔ yɛ Awurade Kristo Yesu nu ne anwo le.

Romanfoɛ 9:6

Nna kyɛ ebiaa Nyameɛ dwirɛ ne ayɛ mbaen ɔ, ofikyɛ nna bɛ bɔ befi Yisrael nu amukoraa yeɛ bɛte Yisraelfoɛ ɔ.

2 Korintofoɛ 11:18

Mmeni pee hoahoa bɛ nwo wɔ anwoɔnaen atee so, yiti me wora ngɔhoahoa me nwo bie.

Galatiafoɛ 5:25

Sɛ Sunzum ne ama yɛ ngoa a, nzaade ɛmɔma Sunzum ne koso li yɛ nyunu wɔ asetena nu.

Galatiafoɛ 6:16

Na mmenia amukoraa bɔ bedi nhyehyɛleɛ he aso ne, asomdwee ne anwumvoinnwunɛ ɔyɛ bɛ, ɔne Yisrael bɔ ɔte Nyameɛ deɛ ne ye deɛ.

Ɛfesofoɛ 6:18

Ɛ́mɔfa mbaeɛbɔlɛ ne ngotosrɛ amukoraa bɛ́bɔ mbaeɛ daa wɔ Sunzum nu. Yiti ɛ́mɔwɛne, ná ɛmɔhɔ so bɛsrɛ bɛma anwoteefoɛ amukoraa,

Deuteronomi 10:16

Yiti odi kyɛ ɛmɔye ɛmɔ ahone nwo bɔne ndwirahoɛ ne, na nnɛma ɛmɔyɛ asoserɛ ko.

Deuteronomi 30:6

“AWURADE wɔ Nyameɛ kɔmaa ɛne wɔ bosofoɛ bekotie ye dwirɛ, amaa ɔnate so afa w’ahone mukoraati ne wɔ kra mukoraati ahuro AWURADE wɔ Nyameɛ dwirɛ, ná anya ngoa.

Filipifoɛ 1:1

Pɔɔlo ne Timoteo, bɔ yɛte Kristo Yesu ngoaa, yɛfa yɛbrɛ Kristo Yesu nu anwoteefoɛ amukoraa bɔ bɛwɔ Filipi, bɔ neafoɛ mɔ ne asomvoɛ mɔ bɛboka so ɔ.

Filipifoɛ 3:12

Nna kyɛ ebiaa me sa anya ahã ye, anaakyɛ mali mu mayie ɔ; na mmom mepere mekɔ me nyunu kyɛbɔ ɔkɔyɛ me deɛ ɔ, kyɛbɔ Kristo Yesu koso wafa me wayɛ ye deɛ ne.

Filipifoɛ 3:14

Mepere mekɔ me nyunu kyɛ ngodwu botaeɛ ne anwo ngonya ngonimlilɛ abasobɔdeɛ ne, bɔ ɔte anwuro frɛlɛ bɔ Nyameɛ nate Yesu Kristo so wafrɛ me ne.

Kolosefoɛ 2:11

Na ye nu koso yeɛ bapɛ ɛmɔ bienzua bɔ bamva bɛ sa yeɛ bɛpɛle ɔ; na bɔ ɔwɔ anwoɔnaen nipadua nu bɔ bapuro bagua berɛ ne, bapuro bagua wɔ Kristo bienzuapɛlɛ nu.

Yuda 1:20

Nakoso ɛmɔ de, aliɛmaa mɔ, ɛmɔhɔ so benyi wɔ ɛmɔ gyidie krongron paa ne anu, ná ɛ́mɔbɔ mbaeɛ wɔ Sunzum Krongron nu;