Filipifoɛ 3:19 - AHYERƐLƐ KRONGRON

¹⁹ Bɛ yeɛ b’ayieleɛ te ɛsɛkyelɛ ɔ, bɛ nyameɛ ole bɛ ko, b’animguaseɛ nu yeɛ b’animnyam wɔ ɔ, na aseɛ so nningyein ngome yeɛ bɛdwene ye nwo ɔ.

Filipifoɛ 3:19 Iomraidhean Croise

Edwein 17:14

Ao AWURADE, fa wɔ tumi ne pepɛ de me fi adasa mmaa sa nu; adasa mmaa bɔ b’akatuaa wɔ wiase wa ala ne, de me fi bɛ sa nu. Akatuaa bɔ ahyehyɛ ato berɛ ama bɛ ne, fa tua bɛ so kerɛ piri paa; ma bɛ mma mɔ benya akatuaa ne mmorosoɛ, ná bɛ́fa bie bɛ́yakyi bɛ nnomaa mɔ.

Edwein 52:1

Wɔ, anwoserɛniɛ, nzu ati yeɛ ɛfa bɔne bɔ edi ɔ hoahoa wɔ nwo ye? Nyameɛ nahorɛ wɔ berɛ daa.

Yeremia 44:17

Na mmom yɛkɔhɔ so yɛkɔyɔ nikyee biala bɔ yahã kyɛ yɛkɔyɔ ɔ: yɛkɔyera ayirefona yɛkɔma nyameɛso hemmaa, ná yabɔ anonneɛ afɔleɛ yama ye kyɛbɔ yɛ ne yɛ nana mɔ, y’ahemvo mɔ ne y’atitire mɔ yɛyɔle ye wɔ Yuda nguro ne Yerusalem mmorɔnoɛ mɔ so ne; ofikyɛ sɔ mmerɛ ne, né yɛnya aleɛ pee yɛdi, yɛnya ngɔsoɛ, na yande edwirɛ tɛɛ biala.”

Hesekiel 13:19

Ɔnate ayuo bɛ sa bum kãa bie, ɔne paanoo bue kãa bie ti, ɛmɔagua me nwo fiɛ wɔ me maen nyunu. Ɛmɔlakalaka me maen bɔ okuro nnakannaka tielɛ, na ɔnate so ɛmɔku mmenia bɔ bɛmvata ewue, yeɛ ɛmɔyakyi bɛ bɔ bɛfata ewue ɔ.

Hesekiel 34:3

Ɛloe ne yeɛ ɛmɔdi ɔ, mmoaen ne nwo nwiaa yeɛ ɛmɔfa bɛyɛ ɛtena bɛkera ɔ, ɛmɔku bɔ walɔ ne, nakoso mmoaen nemɔ de, ɛmɔnnea bɛ so.

Hosea 4:7

Kyɛbɔ bɛhɔle so bɛsonene ne, sɔ alaa yeɛ bɛhɔle so bɛyɔle bɔne betiale me ɔ; yiti b’animnyam ne, ngɔkakyi ye animguaseɛ.

Mika 3:11

Bɛ nu mbanyi mɔ bede fea-ase-ma bebua ndɛengyea, nu asɔfo mɔ koso bɛyɛ ngyerɛkyerɛ bede paa, yeɛ nu ngɔmhyɛlɛfoɛ nemɔ, bɛhyɛ ngɔm bede sikaa’. Nakoso bɛfa bɛ nwo bɛto AWURADE so bɛkã kyɛ, “Aso AWURADE oggyi yɛ si? Musue biala ngɔto yɛ.”

Mika 3:5

Ngɔmhyɛlɛfoɛ bɔ bɛma me maen di makyebu, bɔ ɛma bɛ aleɛ maa bedi a bɛkekã kyɛ, “Asomdwee oo, asomdwee oo”, nakoso sɛ ebie amma bɛ aleɛ maa banni a, bɛfa koɛ bɛtoa ye ne, bɔ AWURADE kã fa bɛ nwo ɛne.

Malaki 1:12

Nakoso ɛmɔ de, ɛmɔagua ye nwo fiɛ, bɔ ɛmɔnwa: AWURADE poen ne anwo agua efiɛ, ɛkora bu so nningyein ne so aleɛ po animtia.

Mateo 16:23

Na ɔkakyili ye nwo sele Petro kyɛ, “Dwɔso berɛ kɔ dɔ, Abɔnzam! Ɛte sundidua ma me; ofikyɛ nna Nyameɛ adwene yeɛ ɛdwene ɔ, na mmom ɛdwene kuro sona adwene.”

Mateo 25:41

“Na afei okose bɛ bɔ bɛwɔ ye sa bɛen so ne kyɛ, ‘Ɛmɔ bɔ banoma ɛmɔ ɔ! Ɛ́mɔfi me so bɛhɔ see afebɔɔ bɔ basiesie bama abɔnzam ne ye abɔfo mɔ ne anu!

Luka 12:19

ná afei mahã mahyire me kra kyɛ: Ɛkra, ele nningyein paa pee bɔ bafa basie berɛ bama wɔ bɔ okoli afoɛ pee ɔ; yiti de wɔ nwome, didi ná no, ná gye wɔ nye.’

Luka 16:19

“Esikaniɛ bie tenane ase bɔ né ɔkera kende ne ago, ná odi aleɛ fɛɛ ɔgye ye nye daa biala ɔ.

Luka 18:4

Na wandɛ ye so alaa maa ɔhyɛle kãa, nakoso nziɛ ye, ɔhane ye ye ti anu kyɛ, ‘Ɔwɔ nu kyɛ menzuro Nyameɛ ná memvɛre sona de,

Romanfoɛ 16:18

Ofikyɛ sɔ mmenia nemɔ bɛnzo y’Awurade Kristo, na mmom bɛso bɛ bɔbɔ bɛ ko. Na bɛfa bɛ noa dwirɛ fɛɛ ne anoanubobɔlɛ bɛlakalaka mmenia bɔ b’adwene te nganga ɔ.

Romanfoɛ 6:21

Daa bra bɔ ɛmɔbɔle ne, bɔ ɛnɛ ɔyɛ ɛmɔ nya ye, nzikyɛ mvasoɛ yeɛ ɛmɔnya befili nu ɔ? Sɔ nningyein nemɔ, b’ayieleɛ te ewue.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

1 Korintofoɛ 5:2

Nakoso ɛmɔhoahoa bɛ nwo! Ɛmɔ wora mmom yeɛ ɔsɛ kyɛ ɔbɔ ɔ, ná ɛmɔye sona bɔ wabɔ sɔ musue ne befi ɛmɔ nu.

1 Korintofoɛ 5:6

Ɔnzɛ kyɛ ɛmɔhoahoa ɛmɔ nwo. Ɛmɔnze kyɛ mɔle harewaa kãa bie yeɛ ɔfra mɔle torɛ ne amukoraa nu maa ɔkeka ɔ.

2 Korintofoɛ 11:12

Ngɔhɔ so ngɔyɔ bɔ meyɔ ne ala, na ɛhe ngɔma mmenia ngonya edwirɛ biala ngogyina so ná bafa bahoahoa bɛ nwo kyɛ bɛyɔ b’adwuma kyɛ yɛ deɛ ne ala.

2 Korintofoɛ 11:15

Yiti sɛ ye asomafoɛ mɔ koso bɛkakyi bɛ nwo kyɛ tenenee somvoɛ mɔ a, ɔnyɛ nwanwa, na b’ayieleɛ koyie bɛ kyɛbɔ bɛ yɔleɛ te ɔ.

Galatiafoɛ 6:13

Na bɛ bɔ bapɛ bɛ bienzua ne po, bɛ bɔbɔ benni mmeraa ne aso; nakoso bɛpena kyɛ ɛmɔpɛ ɛmɔ bienzua, amaa ɔnate so bahoahoa bɛ nwo ɛmɔ nwonaen nu.

Filipifoɛ 2:21

Bɛ mukoraa bɛpena bɛ bɔbɔ bɛ deɛ, na mmom nna bɔ ɔte Yesu Kristo deɛ ɔ.

Kolosefoɛ 3:2

Ɔsɛ kyɛ ɛmɔdwene nningyein bɔ ɔwɔ nyameɛso nwo, na ɔnzɛ kyɛ ɛmɔdwene aseɛ so nningyein nwo.

2 Tɛsalonika 1:9

Ɔkɔtɔ sɔ mmenia nemɔ so wereɛ kɔsɛkye bɛ pasapasa afebɔɔ, ná afei wahwe bɛ wafi Awurade nyunu ne ye animnyam tumi nwo.

2 Tɛsalonika 2:12

Yiti bekobua bɛ bɔ banne nahorɛ ne banni, na mmom bɛ nye gye bɔ ɔndengyɛ nwo ne amukoraa ndɛen.

2 Tɛsalonika 2:8

Na ɛhe asi ye yeɛ bɛkɔma amumuyɛɛniɛ ne nwo kɔla ali ɔ. Na Awurade Yesu kɔfa ye noa nu nwomeɛ kohũ ye, ná afei wafa ye animnyam walɛ ne wasɛkye ye bɔkɔɔ.

1 Timoteo 6:5

manzoenhwenɛ wɔ mmenia bɔ b’adwene awu ɔ nu, bɔ bɛne nahorɛ abɔ nzahoɛ, bɔ besusu kyɛ nyamesom paa ma sona nya ye nwo ɔ.

2 Timoteo 3:4

bɛ bɔ bɛye bɛ mmango mɔ bɛma, asobrakyeɛfoɛ, bekoli bɛ ti piri, ná bahuro anigye batra Nyameɛ;

Yakobo 4:16

Nakoso ɛmɔhoahoa ɛmɔ nwo wɔ ɛmɔ anwomasoɛ nu; na sɔ anwomasoɛ ne amukoraa te bɔne.

2 Petro 2:1

Na ngɔmhyɛlɛfoɛ ngondombofoɛ bedwɔsole maen ne anu, kyɛbɔ akyerɛkyerɛfoɛ ngondombofoɛ bekodwɔso wɔ ɛmɔ nu koso ne. Bɛ yeɛ bɛkɔfeafea bɛ nwo bɛkɔfa ngyerɛkyerɛ tɛɛ bɔ ɔsɛkye mmenia bekoowura nu ɔ, na bɛkɔpo Awurade bɔ ɔɔpɔle bɛ ná olele bɛ ne po, na bɛkɔtwetwe ɛsɛkyelɛ bɔ ɔba ndɛndɛ ɔ bɛkɔbrɛ bɛ nwo.

2 Petro 2:13

na ɔkɔyɛ bɛ bɔne yɔleɛ ne nwo akatuaa. Bɛ nye gye kyɛ bɛkɔbɔ ahohwibra eyia ketee ɔ. Bɛte ngekaleawa ne nnɛen, na bɛbɔ ahohwibra wɔ b’anigye nu, wɔ mmerɛ bɔ bɛne ɛmɔ didi ɔ.

2 Petro 2:3

Na bɛ nye bɔ ɔboro nikyee ne ati, bɛkɔfa nnakannaka dwirɛ bekodidi ɛmɔ nwo. Na ofi tetetete, ndɛen bɔ babua bɛ ne ɔndwetwe ye ase, yeɛ b’asohwenɛ koso ɔndɔ ngosie.

Yuda 1:10

Nakoso mmenia hemɔ de, bɛkekã dwirɛ tɛɛ betia nikyee biala bɔ bɛnde ye bo ɔ; na nikyee bɔ befi bɛ sona sue nu bɛse, kyɛ ngaka bɔ adwene nne bɛ ti anu ne, ye ala yeɛ ogua bɛ nwo fiɛ ɔ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.

Yuda 1:4

Ofikyɛ mmenia biemɔ bawuawua bɛ nwo baawura ɛmɔ nu, mmenia bɔ ofi tetetete bahyerɛ bɛ nwo dwirɛ bato berɛ bama ndɛenbualɛ he, amumuyɛɛfoɛ bɔ bafa yɛ Nyameɛ adom ne bakakyi ahowibra, ná bɛpo Awurade Yesu Kristo bɔ ɔte yɛ Meneɛ komapɛ ne ɔ.

Nyekyire 18:7

Kyɛbɔ osi hyɛle ye nwo animnyam pee ná ɔgyele ye nye wɔ anwonya nu ne, sɔ ala yeɛ ɛ́mɔma ye amaneɛnwunɛ ne aworabɔlɛ ɔ́yɛ pee ɔ. Ofikyɛ ɔhane ye wɔ ye ti anu kyɛ, ‘Nde ɛhemmaa bɔ nde berɛ ɔ, nnde kunaniɛ, na mengoli aworabɔlɛ le.’

Nyekyire 19:20

Na bɛhyele kaka ne, ɔne ngɔmhyɛlɛniɛ ngondomboniɛ ne koso bɔ ɔyɔle nzɛngyerɛnneɛ wɔ ye nyunu, bɔ ɔfa lakalakale bɛ bɔ bale kaka ne nzorɛhyɛlɛ ne, ɔne bɛ bɔ bɛkotole ye honi ne. Na befindini bɛ munyɔ anyekaenn so beguale see abura bɔ sɔfe ogye wɔ nu ne anu.

Nyekyire 21:8

Na bɛ bɔ bɛte serɛ, bɛ bɔ benne benni, akyiwadeɛyɔlɛfoɛ, awudifoɛ, adwamanbɔlɛfoɛ, ngonyaayelɛfoɛ, bosoensolɛfoɛ ne ngondombofoɛ amukoraa de, abura bɔ see ne sɔfe begye wɔ nu ne anu yeɛ ɔkɔyɛ bɛ bue deɛ ɔ, na ewue bɔ ɔtɔ so nyɔ ne ɛhe.”

Nyekyire 22:15

Na kuro ne asi dɔ yeɛ ngyea, ngonyaayelɛfoɛ, adwamanbɔlɛfoɛ, awudifoɛ, bosoensolɛfoɛ ne bɛ bɔ bekuro ngondombopɛlɛ ná bɛpɛ ɔ bɛ mukoraa bɛwɔ ɔ.

1 Samuel 2:29

M’afɔleɛ ne m’afɔleɛ nningyein bɔ mahyɛ kyɛ bɛbɔ ye wɔ m’atenaleɛ ne anu ne, nzu ati yeɛ ɛmɔbu ye animtia ɔ. Nzu ati yeɛ ebu wɔ mma mɔ tra me ɔ, bɔ ɛmɔfẽ me maen Yisrael b’afɔleɛ ne anu paa bedi bɛdɔ ɔ?’