Filipifoɛ 3:18 - AHYERƐLƐ KRONGRON

¹⁸ Mali moa mahã edwirɛ he mahyire ɛmɔ pee paa, na kekesaala ye koso, nne me nye moen mesi so bieku kyɛ, mmenia pee wɔ berɛ bɔ bɛ brabɔlɛ maa bɛyɛ Kristo mmeamudua ne pɔfoɛ ɔ.

Filipifoɛ 3:18 Iomraidhean Croise

Edwein 119:136

Mebɔ me nye a, ɛmoen ngome tatatata, ofikyɛ mmenia nni wɔ mmeraa ne aso.

Yesaya 8:11

AWURADE dwudwo hyirele me wɔ mmerɛ bɔ né ye tumi wɔ me so serɛserɛ, na ɔbɔle me kɔkɔ kyɛ, maen he atee bɔ ɔnate so ne, nnɛmaa mefa so bie. Ɔnwa:

Yeremia 13:17

Nakoso sɛ ɛmɔngotie de a, ɔnate ɛmɔ anwomasoɛ ti, me kra kosũ wɔ mvealeɛ nu; me nye kohwi moen pupuropupuro, na me nye kɔporo moen, ofikyɛ bahye AWURADE mmoaen kure ne nnure bahɔ.

Yeremia 9:1

Ao, ahaa né me ti te mbombonzue, ná me nye te abura bɔ opu moen ɔ. Ahaa eyia ne kɔngɔen ngosu me maen awa brasua ye mmenia bɔ bahũhũ bɛ ne!

Daniel 4:37

Na afei de, me Nebukadenesa, mefa ayɛyelɛ, ɛkamvolɛ ne anidie mema nyameɛso Hene ne, ofikyɛ bɔ ɔyɔ amukoraa te turoloo, na ye atee tengyɛ, na bɛ bɔ bɛbɔ anwomasoɛ bra ne, ɔkora brɛ bɛ ase.

Lewitikɔso 11:16

soholi, kɔngɔen akorɔma, ɛpo so dabodabo, akorɔma ahoroɔ,

Lewitikɔso 13:8

Odi kyɛ ɔsɔfo ne neanea ye nwo, na sɛ anwonyerɛ ne adidi ahɔ ye wereɛ nu a, ye de odi kyɛ ɔsɔfo ne fa to dwaa kyɛ ye nwo nde; kwata anwonyerɛ ɔ.

Luka 19:41

Na opingyele kuro ne, ná ɔtole ye nye neane ye nen, osũ mane ye kyɛ,

Asomafoɛ 20:19

Na mmrɛle me nwo ase mvale me nye moen nyɔle m’adwuma wɔ amaneɛ bɔ Yudafoɛ biemɔ bɔle me ti so porɛ maa nwuni ye ne anu.

Romanfoɛ 9:2

kyɛ medi aworabɔlɛ pee ne yealɛ daa wɔ m’ahone nu.

1 Korintofoɛ 1:18

Kristo mmeamudua ne nwo dwirɛ te ngwaseasɛm ma bɛ bɔ bɛwɔ so bemini ne, nakoso ɔte Nyameɛ tumi ma yɛ bɔ ogu so ode yɛ ngoa ne.

1 Korintofoɛ 6:9

Ɛmɔnze kyɛ bɔnefoɛ ngɔhɔ Nyameɛ ahennie ne anu hɔ ɔ? Nnɛma ɛmɔlakalaka bɛ nwo: adwamanbɔlɛfoɛ, bosoensolɛfoɛ, agyaasɛkyelɛfoɛ, mmrasua bɔ bɛ ne mmrasua da, mmienzua bɔ bɛ ne mmienzua da,

2 Korintofoɛ 11:13

Ofikyɛ sɔ mmenia ne te asomafoɛ ngondombofoɛ, adwumayɔlɛfoɛ nnakannakafoɛ bɔ bɛkakyi bɛ nwo kyɛ Kristo asomafoɛ ɔ.

2 Korintofoɛ 11:29

Nwa yeɛ ɔyɛ mmerɛ a, ná me wora nnyɛle mmerɛ ɔ? Nwa yeɛ bɛmaa ɔkɔ bɔne nu a memvɛ yaa ɔ?

2 Korintofoɛ 2:4

Mvale ahometrɛ ne aworabɔlɛ worawora nu, ɔne me nye moenporolɛ pee yeɛ ngyerɛle ɛmɔ ɔ. Manyɛ kyɛ mema ɛmɔ wora bɔ, na mmom né mepena kyɛ ɛmɔnwu kyɛ mekuro ɛmɔ dwirɛ soma.

Galatiafoɛ 1:7

Nakoso nzɛmba foforɛ biala nne berɛ; na mmom mmenia biemɔ wɔ berɛ bɔ bɛha ɛmɔ, bɔ bɛpena kyɛ bɛsesã Kristo nzɛmba ne ɔ.

Galatiafoɛ 2:14

Na nwuni kyɛ bakwati nahorɛ bɔ ɔwɔ nzɛmba ne anu nen, nzele Petro wɔ bɛ mukoraa bɛ nyunu kyɛ, “Sɛ wɔ bɔ ɛte Yudaniɛ ɛbɔ wɔ bra kyɛ Amaenmaensoniɛ, na ɛnyɛ kyɛ Yudaniɛ a, nzu ati yeɛ ɛhyɛ Amaenmaensofoɛ kyengyekyengye maa bɛbɔ bɛ bra kyɛ Yudafoɛ ɔ?”

Galatiafoɛ 2:21

Membo Nyameɛ adom ne, ofikyɛ sɛ tenenee nate mmeraa ne aso yeɛ ɔba a, né nzaade Kristo awu mbaen!

Galatiafoɛ 5:21

anyeboroborolɛ, awuelilɛ, nzaabolɛ, ewiase anigye mbaen mbaen ɔne nningyein bɔ ɔtete sɔa ɔ. Mebɔ ɛmɔ ɛhemɔ nwo kɔkɔ, kyɛbɔ mabɔ ɛmɔ kɔkɔ daa ne, kyɛ bɛ bɔ bɛyɔ sɔ nningyein nemɔ ngɔhɔ Nyameɛ ahennie ne anu.

Galatiafoɛ 6:12

Mmenia bɔ bɛpena anwoɔnaen nu animnyam nen, bɛ yeɛ bɛhyɛ ɛmɔ kyɛ ɛmɔpɛ ɛmɔ bienzua ɔ. Na bɛyɔ sɔ kyɛbɔ Kristo mmeamudua ne ati mmenia ngɔtane bɛ nye ɔ.

Galatiafoɛ 6:14

Na me de, Nyameɛ pa gua kyɛ ngɔfa nikyee bie ngɔhoahoa me nwo, sana y’Awurade Yesu Kristo mmeamudua ne ngome; ofikyɛ ɔnate mmeamudua ne aso babɔ wiase mmeamudua nu bama me, na me koso babɔ me mmeamudua nu bama wiase.

Ɛfesofoɛ 4:17

Yiti mesi ɛhe pi, ná medi adanzeɛ wɔ Awurade nu, kyɛ nnɛma ɛmɔbɔ ɛmɔ bra ko kyɛbɔ Amaenmaensofoɛ ngaa nemɔ bɛyɔ ye wɔ b’adwene mbaen mbaen nu ne.

Filipifoɛ 1:4

Daa biala, me mbaeɛbɔlɛ amukoraa nu, mebɔ mbaeɛ mema ɛmɔ amukoraa wɔ anigye so;

1 Tɛsalonikafoɛ 4:6

Na ɔnzɛ kyɛ ebiala yɔ oliɛma tɛɛ anaa osisi ye wɔ ɛhe anwo, ofikyɛ yali moa yabɔ ɛmɔ kɔkɔ kitii kyɛ Awurade kɔtɔ ɛhemɔ amukoraa so wereɛ.

2 Tɛsalonika 3:11

Ofikyɛ yatete ye kyɛ mmenia biemɔ wɔ ɛmɔ nu bɔ bɛnatenate basabasa, bɔ bɛnyɔ adwuma biala, na mmom bɛfa bɛ noa bɛtoto mmenia dwirɛ nu ɔ.

2 Petro 2:10

nganga bɛ bɔ bedi anwoɔnaen akɔnnɔ fiɛ si, ná bebu tumililɛ animtia ɔ. Besi b’ahone, bedi bɛ ti piri, na benzuro kyɛ bɛkɔkekã dwirɛ bekotia animnyamfoɛ nemɔ ɔ.

Yuda 1:13

bɛte ɛpo asorɔkye bɔ obu fa so, bɔ opu bɛ bɔbɔ b’animguaseɛ gua ɔ, nzramaa mɔ bɔ bekyinikyini bɔ basiesie awosii kabii bama bɛ ɔ.