Filipifoɛ 3:15 - AHYERƐLƐ KRONGRON

¹⁵ Yiti yɛ nu pee bɔ yanyi wɔ pɛpɛɛpɛyɛlɛ nu ne, ɔsɛ kyɛ yɛnya sɔ adwene ne, na sɛ ɛmɔle adwene foforɛ wɔ nikyee bie nwo a, ye koso Nyameɛ kɔla ye ali kohyire ɛmɔ.

Filipifoɛ 3:15 Iomraidhean Croise

Yesaya 35:8

Atimbire kɔɔla berɛ, na bɛkɔto ye dumaa Atee Krongron. Sona bɔ ye nwo nde ne, ɔngɔfa so bie, atee ne kɔyɛ Nyameɛ mmenia bɛ deɛ, na ngwaseafoɛ po bengomini wɔ atee ne aso.

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Luka 11:13

Na sɛ ɛmɔ po bɔ ɛmɔte bɔnefoɛ ɔ ɛmɔse kyɛbɔ ɛmɔma ɛmɔ mma mɔ nningyein paa a, ɔkɔyɛ sɛɛ bɔ ɛmɔ Baba bɔ ɔwɔ nyameɛso ne ɔngɔfa Sunzum Krongron ngɔma bɛ bɔ bebisa ye ɔ?”

Yohane 6:45

Bahyerɛ ye wɔ ngɔmhyɛlɛfoɛ nwomaa ne anu kyɛ, ‘Bɛ mukoraa bɛkɔyɛ mmenia bɔ Nyameɛ ahyirehyire bɛ ɔ.’ Ebiala bɔ wate, ná wasua wafi Baba ne berɛ nen, ɔba me berɛ.

Yohane 7:17

Sɛ ebie kuro kyɛ ɔyɔ ye apɛdeɛ a, okonwu ye kyɛ, ngyerɛkyerɛ ne ofi Nyameɛ berɛ, anaakyɛ mefa me bɔbɔ me tumi yeɛ medwudwo hɔ a.

Romanfoɛ 15:1

Yɛ bɔ yɛ nwo yɛ se wɔ gyidie nu ne, ɔsɛ kyɛ yɛsoa bɛ bɔ bɛ nwo nyɛ se nemɔ bɛ mmerɛyɛlɛ, na ɔnzɛ kyɛ yɛyɔ bɔ ɔkɔma yɛ nwo kɔtɔ yɛ angome.

1 Korintofoɛ 14:20

Aliɛmaa mɔ, nnɛma ɛmɔdwene kyɛ ngwadaa, bɔne nu de, ɛ́mɔyɛ kyɛ nnɔma na mmom adwene nu ɛ́mɔyɛ mbanyi.

1 Korintofoɛ 2:6

Nakoso nworɛ dwirɛ yeɛ yɛkã yɛkyire bɛ bɔ banyi sunzum nu ɔ. Ɔtte wiase he anu nworɛ, yeɛ ɔtte wiase atumifoɛ deɛ bɔ ɔpɛ nu kɔ ne bie.

Galatiafoɛ 5:10

Mede ɛmɔ medi wɔ Awurade nu kyɛ ɛmɔngonya adwene foforɛ biala. Na mmom ebiala bɔ ɔha ɛmɔ nen, sɛ ɔte nzikyɛ sona po a, okonya ye nwo akatuaa.

Ɛfesofoɛ 1:17

kyɛ y’Awurade Yesu Kristo Nyameɛ, bɔ ɔte animnyam Baba ne, ɔ́ma ɛmɔ nworɛ ne nyekyire sunzum wɔ ye nwo nimdeɛ nu,

Kolosefoɛ 1:28

Ye yeɛ yɛbɔ ye nwo dawure ɔ, na yɛbɔ kuro sona biala kɔkɔ, yɛfa nworɛ mukoraa yɛkyirekyire sona biala, amaa ɔnate so yafa sona biala yawa Kristo nyunu wɔ pɛpɛɛpɛyɛlɛ nu.

Kolosefoɛ 4:12

Kristo Yesu akoaa Epafra bɔ ɔte ɛmɔ nu ko ne, obisa ɛmɔ ahye. Daa biala ɔkaye ɛmɔ paa wɔ ye mbaeɛbɔlɛ nu, kyɛbɔ ɛmɔkogyina pindinn, ná ɛmɔ adwene asi pi wɔ Nyameɛ apɛdeɛ mukoraa nu ɔ.

1 Tɛsalonikafoɛ 4:9

Onhia kyɛ ngɔhyerɛ ngɔkɔbrɛ ɛmɔ kyɛ ɛmɔhurohuro ɛmɔ aliɛma mɔ bɛ dwirɛ ɔ, ofikyɛ Nyameɛ ahyirehyire ɛmɔ kyɛ ɛmɔhurohuro ɛmɔ nwo dwirɛ.

2 Timoteo 3:17

amaa ɔnate so Nyameɛ sona wayɛ pɛpɛɛpɛ bɔ bama ye ndeteyɛɛ bɔ odi mu ɔ bama nnwumaa paa amukoraa.

Hebrifoɛ 5:14

Nakoso bɛ bɔ banyi (sunzum nu) ne de, aleɛ bɔ nu yɛ no yeɛ ɔfata bɛ ɔ, ofikyɛ basua banwu ye, na bɛkora benwu nzonzoleɛ bɔ ɔwɔ paa ne tɛɛ nu ɔ.

1 Yohane 2:5

Nakoso ebiala bɔ odi ye dwirɛ so ne yeɛ Nyameɛ dɔ ne di mu wɔ ye nu amba ɔ. Ɛhe yeɛ ɔmaa yɛnwu kyɛ yɛ ne ye atira abiɛngoɛ ɔ.