Filipifoɛ 3:12 - AHYERƐLƐ KRONGRON

¹² Nna kyɛ ebiaa me sa anya ahã ye, anaakyɛ mali mu mayie ɔ; na mmom mepere mekɔ me nyunu kyɛbɔ ɔkɔyɛ me deɛ ɔ, kyɛbɔ Kristo Yesu koso wafa me wayɛ ye deɛ ne.

Filipifoɛ 3:12 Iomraidhean Croise

YOB NWOMAA NE 17:9

Nakoso sona bɔ ɔtengyɛ de, ye atee so yeɛ ɔnate ɔ, yeɛ bɛ bɔ bɛ bra te sannwuu ne, bɛkɔ so benya anwoserɛ.

Edwein 119:5

Ao, ahaa né me bra atengyɛ fɔngɔnn, bɔ medi w’ahyɛdeɛ so ɔ!

Edwein 138:8

AWURADE kɔma bɔ wahyehyɛ wafa me nwo ne kɔwa nu; ao AWURADE, wɔ ɔdɔ bɔ onni ngasi ne, ɔwɔ berɛ afebɔɔ: nnɛpo wɔ sa noa nnwumaa.

Edwein 42:1

Ao Nyameɛ, kyɛbɔ dabɔɔ ye komvi de asue ba bɔ ɔse ɔ nu nzue ne, sɔ ala yeɛ me kra pena wɔ si atee ɔ.

Edwein 63:8

Me kra te mata wɔ, wɔ sa famaa ne tira me nu.

Edwein 84:2

Amba, me kra tena a ɔndena, na ye wora dɔ AWURADE awuro aluo berɛ ne; m’ahone ne me nwonaen bɛto Nyameɛ teasefoɛ ne anwo anigye dwein.

Edwein 94:15

Na bekosa bɛkɔfa teneneeyɛlɛ bekobua ndɛen, na bɛ bɔ b’ahone nu te ne, bekoli so.

Anyandera 4:18

Nakoso teneneefoɛ de, b’atee te kyɛ ngyerɛmɔ yia bɔ wapukye ɔ, na ɔbɔ toonn kodwu eyia ketee.

Yesaya 51:1

“Ɛ́mɔtie me, ɛmɔ bɔ ɛmɔbɔ tenenee bra ɔ, ɛmɔ bɔ ɛmɔpena AWURADE si atee ɔ; ɛ́mɔnea nyɔbotaen bɔ bedwale ɛmɔ befili nu ne, ɔne kumaa bɔ nu yeɛ betuli ɛmɔ befili ne.

Hosea 6:3

Ɛ́mɔma yɛnwu ye, ɛ́mɔma yɛpere yɛpena AWURADE nwo nimdeɛ. Ye walɛ ne, osi pi kyɛ ngyerɛmɔ; na ɔkɔwa yɛ berɛ kyɛ esue, kyɛ bamborɔ bɔ ɔtɔ gua aseɛ so ɔ.”

Mateo 5:48

Yiti ɛ́mɔma ɛmɔ nwo te, kyɛbɔ ɛmɔ Baba bɔ ɔwɔ nyameɛso ne ye nwo te ne.

Asomafoɛ 9:15

Na Awurade sele ye kyɛ, “Wɔ de, kɔ, ofikyɛ maye ye kyɛ ɔso me, ná ɔbɔ me dumaa nwo dawure hyire Amaenmaensofoɛ ne ahemvo ne Yisrael mma.

Romanfoɛ 8:39

anaa anwuro, anaa kumaa kuronn, anaa abɔdeɛ nu nikyee biala ngɔhora ngɔtete yɛ ngofi Nyameɛ ɔdɔ bɔ ɔwɔ yɛ Awurade Kristo Yesu nu ne anwo le.

1 Korintofoɛ 13:10

nakoso bɔ odi mu ne ba a, bɔ onni mu ne kotu komini.

1 Korintofoɛ 13:12

Kekesaala ye de, yɛnwu nikyee wusiwusi wɔ neanu nu. Nakoso kyẽa bie yɛkonwu ye pefee. Kekesaala ye de, bɔ mese ne onni mu, nakoso kyẽa bie okoli mu kyɛbɔ Nyameɛ koso se me ne.

1 Korintofoɛ 9:24

Ɛmɔnze kyɛ amirikatulɛfoɛ betu amirika a, ebiala pere kyɛ okoli ngonim ɔ, nakoso bɛ nu ko yeɛ onya ngonim abasobɔdeɛ ne ɔ? Yiti ɔsɛ kyɛ ɛmɔtu amirika ne kyɛ ɛmɔkonya abasobɔdeɛ ne ɔ.

2 Korintofoɛ 13:9

Na sɛ yɛyɛ mmerɛ, na ɛmɔ de ɛmɔyɛ se a, né yɛ nye agye; na yɛ mbaeɛ ole kyɛ ɛmɔkoli mu ɔ.

2 Korintofoɛ 7:1

Aliɛmaa mɔ, ɔnate kyɛ yanya bɔhyɛ hemɔ ne ati, ɛ́mɔma yɛte yɛ nwo yɛfi nikyee biala bɔ ogua anwoɔnaen ne sunzum nwo fiɛ nwo, ná yɛfa Nyameɛ surolɛ nu yɛma yɛ bra yɛ krongron.

Galatiafoɛ 5:17

Ofikyɛ anwoɔnaen akɔnnɔ ko tia Sunzum ne, na Sunzum koso ko tia anwoɔnaen akɔnnɔ ne. Bɛ munyɔ benyia, yiti ɔmaa ɛmɔngora nyɔ nikyee bɔ ɛmɔkuro kyɛ ɛmɔyɔ ɔ.

Ɛfesofoɛ 1:4

kyɛbɔ ɔneaneane nu yele yɛ wɔ ɔdɔ nu, Kristo nu koraka yeɛ bɛbaahyɛ wiase bo, kyɛ yɛyɛ krongron bɔ ngekalewa biala nne yɛ nwo wɔ ye nyunu ne.

Ɛfesofoɛ 4:12

kyɛ bɛfa bɛtete anwoteefoɛ bɛma ɛsolɛ adwuma ne, amaa Kristo nipadua ne anya ngɔsoɛ,

Filipifoɛ 1:1

Pɔɔlo ne Timoteo, bɔ yɛte Kristo Yesu ngoaa, yɛfa yɛbrɛ Kristo Yesu nu anwoteefoɛ amukoraa bɔ bɛwɔ Filipi, bɔ neafoɛ mɔ ne asomvoɛ mɔ bɛboka so ɔ.

Filipifoɛ 3:16

Nakoso bɔ yanya ye dada ne, ɛ́mɔma yɛhɔ so yɛsɔ nu bum.

Filipifoɛ 3:3

Ofikyɛ yɛ yeɛ yɛte bienzuapɛlɛfoɛ ɔ, bɔ yɛsɔne Nyameɛ wɔ sunzum nu, bɔ yɛhoahoa yɛ nwo wɔ Kristo Yesu nu, ná yɛmva yɛ nwo yɛndo anwoɔnaen so ɔ.

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.

2 Tɛsalonika 2:13

Aliɛmaa mɔ bɔ Awurade kuro ɛmɔ dwirɛ ɔ, ɔte yɛ asɛdeɛ kyɛ ɔnate ɛmɔ ti daa yɛda Nyameɛ ase ɔ. Ofikyɛ Nyameɛ fi ahyɛaseɛ ne yeɛ waneanea nu waye ɛmɔ kyɛ ɛ́mɔnya daa ngoa, bɔ ɔnate Sunzum nu anwotelɛ ne nahorɛ gyidie nu ɔ.

1 Timoteo 5:10

bɔ bedi ye ne ye nnwumaa paa nwo adanzeɛ: kyɛ watete mmaa, kyɛ waso ɛwɔfoɛ mɔ, kyɛ wanwunzi anwoteefoɛ gya bo, kyɛ waboka bɛ bɔ bɛwɔ anwokyere nu, ɔne kyɛ watu ye nwo wasie berɛ wama nnwumaa paa mukoraa ɔ.

1 Timoteo 6:19

ná bɛ́fa bɛ́to fapem paa besie berɛ bɛma bɛ nwo kyẽa bie; amaa ɔnate so bɛ sa ahã daa ngoa ne.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

Hebrifoɛ 12:23

Ɛmɔawa Nyameɛ bamuɛbaa nemɔ bɔ bahyerɛ bɛ dumaa wɔ nyameɛso ne bɛ nyianu, ɔne Nyameɛ bɔ ɔte adasa mukoraa ndɛenbualɛniɛ ne berɛ, ɔne teneneefoɛ sunzum bɔ bali mu bayie nemɔ berɛ.

Hebrifoɛ 13:21

ɔ́ma ɛmɔ anwoserɛ wɔ nikyee paa biala nu ma ɛmɔyɔ ye apɛdeɛ; ná ɔ́fa Yesu Kristo so ma ɛmɔli dwumaa bɔ ɔsɔ ye nye ɔ. Animnyam hã ye afebɔɔ. Amen.

Yakobo 3:2

Ofikyɛ yɛ mukoraa yɛfõ wɔ atee pee so. Na sɛ ebie nyɔ mvomsoɛ wɔ bɔ ɔkã nu a, né ɔte sona bɔ odi mu, bɔ ɔkora hyɛ ye nipadua amukoraa so ɔ.

1 Petro 5:10

Na sɛ ɛmɔnwu amaneɛ wɔ mmerɛ kãa bie beyie a, adom mukoraa Nyameɛ, bɔ wafrɛ yɛ wawa ye animnyam afebɔɔ nu wɔ Kristu Yesu nu ne, okosiesie ɛmɔ maa ɛmɔkoli mu, ɔkɔma ɛmɔkogyina pindinn, ɔkɔma ɛmɔ anwoserɛ ná wama ɛmɔagyina pirim.

2 Petro 3:18

Na mmom, ɛmɔhɔ so benyi wɔ y’Awurade ne yɛ Ngoadefoɛ Yesu Kristo adom ne ye nwo nimdeɛ nu. Ye yeɛ animnyam hã ye kekesaala ye ɔne daa daa ɔ. Amen.