Filipifoɛ 3:11 - AHYERƐLƐ KRONGRON

¹¹ ná sɛ ɔkɔyɛ yee a, manya awufoɛ nu ewutingyelɛ ne.

Filipifoɛ 3:11 Iomraidhean Croise

Edwein 49:7

Amba, ebiala ngɔhora ngɔpɔ ye nwo; yeɛ ɔngɔhora ngotua ye ngoa ti nyɔboɛ ngɔma Nyameɛ.

Luka 14:14

na ekonya saleɛ; ofikyɛ bɛ de, bɛngɔhora bie yɔ ma wɔ ngɔfa ngosi ye gya nu. Na teneneefoɛ edwɔsolɛ ne anu yeɛ wɔ sa kɔhã ye nwo akatuaa ɔ.”

Yohane 11:24

Na Maata sele ye kyɛ, “Mese kyɛ ewutingyelɛ ne anu, kyẽa bɔ ɔpɛ ye bo ne, okosa kotingye.”

Asomafoɛ 23:6

Na mmerɛ bɔ Pɔɔlo nwuni kyɛ mmenia ne bue bɛte Sadusiifoɛ, ná bɛ bue koso bɛte Farasiifoɛ nen, ɔteane nu wɔ badwa ne anu kyɛ, “Aliɛmaa mɔ, nde Farasiiniɛ, Farasiifoɛ awa; na ɔnate awufoɛ etingyelɛ ne ye nwo anyelasoɛ ti yeɛ bébua me ndɛen ye”

Asomafoɛ 26:7

Na sɔ bɔhyɛ komapɛ ne ala yeɛ yɛ mmusua kure buru ne nyɔ ne bɛ nye la so kyɛ bekonya ɔ, na bɛsɔne Nyameɛ alehyeleɛ ne alesaleɛ biala. Nana Agripa, ɔnate anyelasoɛ he ati yeɛ Yudafoɛ afa edwirɛ ato me so ye.

Asomafoɛ 27:12

Né ɛlɛen agyinaleɛ berɛ ɔtte mayee bɔ bedi prakasua mmerɛ ne berɛ a ɔyɛ yé ɔ, yiti mmeni soma yɛle kyɛ bɛkɔtoa ateetulɛ ne aso, na sɛ ɔkɔyɛ yee po a, baadwu Fonike na bali prakasua mmerɛ ne berɛ. Fonike te ɛlɛen agyinaleɛ wɔ Krete, na ɔla sorɔ ne eyia atɔleɛ, ɔne ngwaen ne eyia atɔleɛ b’afia.

Romanfoɛ 11:14

kyɛbɔ ɔkɔyɛ bɔ me bɔbɔ me mmenia Yudafoɛ bɛ nye kɔboro ɔ, bɔ ɔnate so bɛ nu biemɔ konya daa ngoa ɔ.

1 Korintofoɛ 15:23

Nakoso bekotingye ebiala wɔ ye nnidisoɛ so: Kristo bɔ ɔte bakaa mmaa bɔ oli moa ne, na afei bɛ bɔ bɛte Kristo deɛ wɔ mmerɛ bɔ ɔkɔye ye nwo ali ne, bɛ koso batoa so.

1 Korintofoɛ 9:22

Nyɛle me nwo kyɛ meyɛ mmerɛ wɔ gyidie nu mane bɛ bɔ bɛyɛ mmerɛ wɔ gyidie nu ne, amaa me sa ahã bɛ bɔ bɛyɛ mmerɛ wɔ gyidie nu ne. Mayɛ mmenia mukoraa bɛ sona, kyɛbɔ ɔkɔyɛ ná atee biala aso, mama bɛ nu biemɔ banya daa ngoa ɔ.

1 Korintofoɛ 9:27

Na mmom mehyɛ me nipadua ne anyeborolɛ maa odi yealɛ, ama nzɛmba bɔ mekã mekyire amanvoɛ ye, me bɔbɔ mambɛ me nwo manhwere nu saleɛ.

2 Korintofoɛ 11:3

Nakoso mesuro kyɛ, kyɛbɔ ewoo ne fale anyeteɛ nworɛ lakalakale Hawa nen, sɔ ala yeɛ bɛkɔsɛkye ɛmɔ adwene maa ɛmɔkɔhwe bɛ nwo bekofi Kristo bɔ ɛmɔafa bɛ nwo bama ye nahorɛ nu ne anwo ɔ.

1 Tɛsalonikafoɛ 3:5

Ɔnate ɛhe ati, mmerɛ bɔ né mesɔ nu a ɔnzɔ ne, nzomane ye kyɛ ɔɔnea kyɛbɔ ɛmɔ gyidie si gyi ɔ; na mesuro kyɛ ebiaa né abɔnzam aso ɛmɔ anea ama y’adwuma bɔ yɛyɔle ne wayɛ mbaen.

2 Tɛsalonika 2:3

Nnɛmɔma ebiala lakalaka ɛmɔ wɔ atee biala so; ofikyɛ sɔ kyẽa ne ngɔwa, sana ɛlɔenyɛlɛ ne ba koraka; na afei bala amumuyɛɛniɛ ne ali koraka, baa bɔ wamini ne.

2 Timoteo 4:8

Na bɔ waha bɔ ɔla berɛ ma me ole tenenee abotire bɔ Awurade, ndɛenbualɛniɛ tenenee ne ɔkɔfa kɔbɔ m’aba so sɔ Kyẽa ne ɔ; bɔ nna me ngome, na mmom bɛ bɔ bekuro ye nwo aliyelɛ ne amukoraa koso ɔkɔbɔ b’aba so bie.

Hebrifoɛ 11:35

Mmrasua sa hane b’awufoɛ bɔ batingye bafi ewue nu ɔ. Ebiemɔ koso bɛhyɛle bɛ anyeborolɛ behuni bɛ, nakoso bambene kyɛ bekonya bɛ nwo bɛkɔtete ɔ, amaa ɔnate so banya ewutingyelɛ paa ne.

Nyekyire 20:5

Nakoso awufoɛ ngaa nemɔ de, bannya ngoa ko maa oodwuli kyɛ afoɛ apee ko ne sone ɔ. Ɛhe ole ewutingyelɛ bɔ oli moa ne.