Filipifoɛ 3:10 - AHYERƐLƐ KRONGRON

¹⁰ Me botaeɛ ole kyɛ ngonwu ye ne ye wutingyelɛ tumi ne, kyɛ ngonwu ye amaneɛ ne bie, kyɛ ɔkɔmaa ngɔyɛ kyɛ ye wɔ ewue nu,

Filipifoɛ 3:10 Iomraidhean Croise

Yeremia 9:23

Bɔ AWURADE kã hɔ ɛhe: “Nnɛma nworɛniɛ ɔfa ye nworɛ hoahoa ye nwo, nnɛma anwoserɛniɛ ɔfa ye anwoserɛ hoahoa ye nwo, yeɛ nnɛma sikaniɛ ɔfa ye anwonya hoahoa ye nwo.

Mateo 20:23

Yeɛ Yesu sele bɛ kyɛ, “Amba, ɛmɔkɔno me kulie ne (noa) de, [yeɛ asubɔlɛ bɔ bɛfa bɛbɔ me ne, ɛmɔkɔmaa bɛkɔfa bɛkɔbɔ ɛmɔ de,] nakoso bɔ ɔtena me sa famaa so ne me sa bɛen so de, nna me deɛ ɔ bɔ mefa mema ɔ; na mmom bɛkɔfa bɛkɔma bɛ bɔ me Baba asiesie ama bɛ ɔ.”

Yohane 10:18

Ebie nne mvi me sa nu, na mmom me bɔbɔ yeɛ mefa meto berɛ ɔ. Ye nwo tumi wura me sa kyɛ mefa meto berɛ ɔ, yeɛ ye nwo tumi wura me sa kyɛ mesa mefa ye bieku ɔ; na ahyɛdeɛ he yeɛ nya mvili me Baba berɛ ɔ.”

Yohane 17:3

Na daa ngoa ne ɛhe: kyɛ bekonwu wɔ, nahorɛ Nyameɛ komapɛ ne, ɔne bɔ asoma ye ne, Yesu Kristo ne.

Romanfoɛ 8:17

Na sɛ yɛte Nyameɛ mma de a, ye de yɛle agyapadeɛ, yɛle agyapadeɛ wɔ Nyameɛ nu, yɛne Kristo yɛbɔ nu yɛle agyapadeɛ; nakoso sana yɛne ye nwu amaneɛ koraka, amaa ɔnate so bahyɛ yɛ ne ye animnyam.

Romanfoɛ 8:29

Bɛ bɔ onwuni bɛ siele ne, osa tuli bɛ siele berɛ, kyɛ benya Ɔwa ne sue ne bie, amaa ɔnate so wayɛ aliɛmaa mɔ pee nu bamuɛbaa.

Romanfoɛ 8:36

Ofikyɛ bahyerɛ kyɛ, “Ɔnate wɔ ti beku yɛ daa biala; na bebu yɛ kyɛ mmoaen bɔ bɛkwaahũ bɛ ɔ.”

2 Korintofoɛ 1:10

Ye yeɛ ɔyele yɛ fili ewue suronyisuronyi sɔa nu ɔ, na ɔkɔpepɛ kole yɛ; ye yeɛ yafa yɛ wora yawura ye nu ɔ, kyɛ okosa kɔpepɛ kole yɛ ɔ.

2 Korintofoɛ 1:5

Na kyɛbɔ yɛnwu Kristo amaneɛ worawora ne bie ne, sɔ ala yeɛ yɛnate Kristo so yɛnya aworakyekyerɛ mmorosoɛ ɔ.

2 Korintofoɛ 13:4

Ɔwɔ nu kyɛ bɛbɔle ye mmeamudua nu wɔ mmerɛyɛlɛ nu de, nakoso ɔnate Nyameɛ tumi so ɔte ase. Yɛ koso, yɛyɛ mmerɛ wɔ ye nu, nakoso yɛnate Nyameɛ tumi so yɛne ye kɔtena ase.

Galatiafoɛ 2:20

Babɔ me ne Kristo mmeamudua nu; yiti nna me yeɛ nde ase ko ɔ, na mmom Kristo yeɛ ɔte ase wɔ me nu ɔ. Na m’ase bɔ nde ye kekesaala ye wɔ anwoɔnaen nu ye de, ɔnate gyidie wɔ Nyameɛ Awa, bɔ okuro me dwirɛ na ɔfale ye ngoa tole berɛ mane me ne anu yeɛ nde ase ɔ.

Galatiafoɛ 6:17

Ofi ɛnɛ bɔ ɔkɔ ɔ, nnɛma ebiala ha me; ofikyɛ manya Yesu etwa wɔ me nipadua nwo.

Ɛfesofoɛ 4:13

kodwu kyɛ yɛ mukoraa yɛkonya Nyameɛ Awa ne nwo gyidie ɔne ye nwo nimdeɛ wɔ koyɛyɛlɛ nu, ná yayɛ mmenia bɔ yanyi yayie, bɔ yanya Kristo ye sue tebea ne tɛkyɛ ɔ,

Filipifoɛ 3:8

Amba, ɔnate m’Awurade Kristo Yesu nwo nimdeɛ mmorosoɛ ne ati, mebu nningyein amukoraa kyɛ bafi me sa. Ɔnate ye ti nningyein amukoraa afi me sa, nakoso mebu bɛ kyɛ fofoɛ so wura mbaen, amaa ɔnate so manya Kristo;

Kolosefoɛ 1:24

Na afei, ɔnate ɛmɔ ti me nye gye wɔ m’amaneɛnwunɛ nu; na menya Kristo amaneɛnwunɛ ne anu kyɛfa wɔ me nwonaen nu mema ye nipadua ne, bɔ ɔte asɔre ne.

Kolosefoɛ 2:13

Na ɛmɔ bɔ ahaa né ɛmɔte awufoɛ, ɔnate ɛmɔ mvomsoɛ ne ɛmɔ nwonaen bɔ né bienzuapɛlɛ nne nu ne ati nen, Nyameɛ amaa ɛmɔanya ye ngoa ne bie, na wafa yɛ mvomsoɛ amukoraa wahyɛ yɛ,

Kolosefoɛ 3:1

Yiti sɛ ɛmɔ ne Kristo banya batingye de a, ɛ́mɔpena nningyein bɔ ɔwɔ anwuro ne si atee, nekaa bɔ Kristo te Nyameɛ sa famaa so ne.

1 Petro 1:3

Animnyam hã Nyameɛ, y’Awurade Yesu Kristo Baba ne, bɔ ɔnate ye anwumvoinnwunɛ mmorosoɛ ti wafa Yesu Kristo awufoɛ nu ewutingyelɛ ne aso wawo yɛ foforɛ maa yanya anyelasoɛ bɔ ngoa wɔ nu,

2 Petro 1:13

Na mmerɛ bɔ nwɔ ɛtena sua ye anu ye de, menea a, ɔte paa kyɛ ngɔbɔ ɛmɔ so maa ɔkɔkanyane ɛmɔ ɔ,

1 Yohane 2:3

Sɛ yɛdi ye ahyɛdeɛ so a, yeɛ okyire kyɛ yɛse ye ɔ.

1 Yohane 2:5

Nakoso ebiala bɔ odi ye dwirɛ so ne yeɛ Nyameɛ dɔ ne di mu wɔ ye nu amba ɔ. Ɛhe yeɛ ɔmaa yɛnwu kyɛ yɛ ne ye atira abiɛngoɛ ɔ.

Nyekyire 1:18

ɔne bɔ ɔte ase ne. Nwuli, na tie, nde ase afebɔɔ, na ndira ewue ne ɛborɔ nzafoaa.