Filipifoɛ 2:8 - AHYERƐLƐ KRONGRON

⁸ Benwuni ye kyɛbɔ kuro sona osi soma ɔ, ɔbrɛle ye nwo ase, na ɔyɛle asoɛmmerɛlɛ fa hɔle ewue nu, mmeamudua ne aso wue nu po.

Filipifoɛ 2:8 Iomraidhean Croise

Edwein 22:16

Ngyea apɛ me nwo bayia, nzɛmmɔnefoɛ fekue bapɛ me nwo kango; bafa nikyee basinasina me gya ne me sa.

Anyandera 15:33

AWURADE surolɛ te nworɛ bɔ ɔtengyɛtengyɛ sona ɔ, na anwobrɛaseɛ ne animnyam yeɛ bɛnate ɔ.

Mateo 17:2

Na ɔsesane wɔ bɛ nyunu berɛ, ye nyunu tale kyɛ eyia, na ye ndaadeɛ yɛle hyɛnn kyɛ kanea.

Mateo 26:39

Na ɔhɔle ye nyunu moa kãa nen, ɔfale ye nyunu butuli berɛ bɔle mbaeɛ kyɛ, “Me Baba, sɛ ɔkɔyɛ yee a, ma sɔ kulie he ofi me so hɔ! Nakoso nna bɔ mepena hɔ ɔ, na mmom bɔ ɛpena ɔ.”

Mateo 26:42

Osa hɔle ye pɛen nyɔ so ɔɔbɔle mbaeɛ kyɛ, “Me Baba, sɛ sɔ kulie he ngɔhora ngofi me so ngɔhɔ, ná sana meno a, ye de, bɔ ekuro yeɛ ɔyɛ berɛ ɔ.”

Luka 9:29

Na ogu so ɔbɔ mbaeɛ nen, ye nyunu sue ne sesane, ye ataadeɛ yɛle hyɛnn, na ɔtale.

Yohane 10:18

Ebie nne mvi me sa nu, na mmom me bɔbɔ yeɛ mefa meto berɛ ɔ. Ye nwo tumi wura me sa kyɛ mefa meto berɛ ɔ, yeɛ ye nwo tumi wura me sa kyɛ mesa mefa ye bieku ɔ; na ahyɛdeɛ he yeɛ nya mvili me Baba berɛ ɔ.”

Yohane 14:31

Nakoso kyɛbɔ Baba ne fale ahyɛdeɛ mane me ne, sɔ ala yeɛ meyɔ ɔ, amaa ɔnate so ewiase anwu kyɛ mekuro Baba ne dwirɛ. Ɛ́mɔdwɔso, ɛ́mɔma yɛfi wa yɛhɔ!”

Yohane 15:10

Sɛ ɛmɔdi m’ahyɛdeɛ so a, ɛmɔkɔtena me dɔ nu, kyɛbɔ mali me Baba ahyɛdeɛ so ná nde ye dɔ nu ne.

Yohane 4:34

Na Yesu sele bɛ kyɛ, “M’aleɛ ole kyɛ ngɔyɔ bɔ ɔsomane me n’apɛdeɛ, na ngoyie ye adwuma ne ɔ.

Asomafoɛ 8:33

Beguale ye nyunu ase, na bebuale ye ndɛengyea. Nwa yeɛ ɔkɔhora kohyire ye boso ama ɔ, ɔnate kyɛ bapɛ ye ngoa so bafi aseɛ so.”

Romanfoɛ 5:19

Afei kyɛbɔ ɔnate sona ko asoserɛ so ti mmeni pee yɛle bɔnefoɛ nen, sɔ ala yeɛ ɔnate sona ko sotie so mmeni pee kɔyɛ teneneefoɛ ɔ.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Galatiafoɛ 3:13

Kristo ɔɔyɛle abusudeɛ mane yɛ, na ɔnate so wapɔ yɛ wafi mmeraa musue nu; ofikyɛ bahyerɛ kyɛ, “Banoma sona biala bɔ basinze ye wɔ bakaa so ɔ.”

Deuteronomi 21:23

nnɛyakyi ye fuin ne bakaa ne aso kɔngɔen ne amu. Sie ye sɔ kyẽa ne ala, ofikyɛ sona bɔ basinze ye bakaa so ne, Nyameɛ anoma ye. Yiti aseɛ bɔ AWURADE wɔ Nyameɛ ɔ́fa ma wɔ maa ɔyɛ w’agyapadeɛ ne, nnɛfa efiɛ ka ye.

Tito 2:14

Ye yeɛ ɔfale ye ngoa tole berɛ mane yɛ ɔ, kyɛbɔ okole yɛ kofi amumuyɛɛ amukoraa nu, ná wate yɛ nwo wafa yɛ wayɛ ye bɔbɔ ye mmenia sonongo bɔ bɛbɔ nnwumaa paa nwo mmɔden ɔ.

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 12:4

Na apereapereɛ bɔ ɛmɔ ne bɔne bedi ye, ɛmɔnnya bɛffale ɛmɔ ngoa bɛppɛle so.

1 Petro 2:24

Ye bɔbɔ yeɛ ɔsoale yɛ bɔne wɔ ye nipadua nu hɔle bakaa ne aso ɔ, kyɛ, sɛ yawu yafi bɔne nu de a, ɔsɛ kyɛ yɛtena ase yɛma tenenee. Na ye nwo beabealɛ ne yeɛ wafa wasa ɛmɔ anwonyerɛ ɔ.

1 Petro 3:18

Ofikyɛ Kristo koso nwuni bɔne nwo amaneɛ pɛenko; ye bɔ ɔtengyɛ ne, onwuni amaneɛ mane bɛ bɔ bɛndengyɛ ɔ, amaa ɔnate so wafa yɛ wahɔ Nyameɛ berɛ. Behuni ye wɔ anwoɔnaen nu, nakoso bɛfale ye bɛwale ngoa nu wɔ Sunzum nu,