Filipifoɛ 2:7 - AHYERƐLƐ KRONGRON

⁷ na mmom ɔfale ye dibea tole berɛ fale akoaa tebea tole ye nwo so, na bɛwole ye maa ɔɔyɛle dasaniɛ ye sɛso.

Filipifoɛ 2:7 Iomraidhean Croise

Edwein 22:6

Nakoso me de, nde esuronyi, na nnde sona, mmenia sere me, adasa bu me animtia.

Yesaya 42:1

Nea, me somvoɛ bɔ ngyi ye si pindinn ne ɛhe, ye bɔ maneanea nu maye ye, bɔ me kra nye gye ye nwo ne; mafa me Sunzum magua ye so, na ye yeɛ okobua maen maen mɔ ndɛen turoloo ɔ.

Yesaya 49:3

Na osele me kyɛ, “O Yisrael, ɛte me somvoɛ, bɔ ɔnate wɔ so yeɛ bɛkɔhyɛ me animnyam ɔ.”

Yesaya 53:11

Okonwu ye kra amaneɛnwunɛ ne aso mvasoɛ maa ye ahone kɔtɔ ye kunu, na m’akoaa teneneeniɛ ne, ye nimdeɛ yeɛ ɔkɔfa kobua mmeni pee be ɔ, ofikyɛ ye yeɛ ɔkɔsoa b’amumuyɛɛ ɔ.

Daniel 9:26

Na afoɛ nzoo sɔ alaa aburasia ne nyɔ ne asi ne, bekohã bɔ bapopa ye ngoo ne, bɔ ebiala ngɔpepɛ ngole ye ɔ. Na afei katakyie bie bɔ ɔbaawa ne, ye lɔen ne kɔsɛkye kuro ne ne nekaa krongron ne. Ye ayieleɛ kɔwa ye so ndɛndɛ so, koɛ kɔhɔ so koodwu sɔ mmerɛ n’ayieleɛ, mmerɛ bɔ bahyehyɛ amaneɛ wɔ nu ne.

Sakaria 3:8

Afei tie, ɔsɔfo panyi Yosua, ɛne wɔ mmango bɔ bɛtete wɔ nyunu berɛ ne, ofikyɛ bɛte anwanwafoɛ. Na tie, mebaafa MMAEN bɔ ɔte me somvoɛ ne meba.

Sakaria 9:9

O Sion awa brasua, di ahurusi paa! O Yerusalem awa brasua, bɔ ese! Tie, wɔ Hene ne ɔ́ba wɔ berɛ, ɔtengyɛ, na ye yeɛ ngoalelɛ wɔ ye berɛ ɔ, odwo, na ɔte afunum so, afunum akrɔngrɔma so, bɔ ɔte afunum beleɛ ɔ.

Mateo 12:18

“Tie, Ɛhe ole me somvoɛ bɔ maneanea nu maye ye ne, bɔ mekuro ye dwirɛ, bɔ me kra nye gye ye nwo paa ne. Ngɔfa me Sunzum ngogua ye so, na ɔkɔbɔ ndɛen turoloo nwo dawure kohyire Amaenmaensofoɛ.

Mateo 20:28

kyɛbɔ Sona Awa ne wamma kyɛ bɛso ye, na mmom kyɛ ɔbaaso, ná ɔfa ye ngoa ɔto berɛ ode mmenia pee ngoa ne.”

Marko 9:12

Na obuale bɛ kyɛ, “Elia kɔwa kɔɔtoto nningyein mukoraa yé amba de; nakoso bɔ bahyerɛ bafa Sona Awa ne nwo, kyɛ odi kyɛ onwu amaneɛ pee ná mmenia bu ye animtia ne koso ɛ?

Luka 22:27

Na bɛ nu nwa yeɛ ɔte titire ɔ: bɔ ɔte poen nwo odidi ne, anaakyɛ bɔ ɔso ne? Aso nna bɔ ɔte poen nwo odidi ne ɔ? Nakoso me de, nwɔ ɛmɔ nu kyɛ ebie bɔ ɔso ɔ.

Yohane 1:14

Na Edwirɛ ne ɔɔyɛle anwoɔnaen, na ɔne yɛ ɛɛtenane, na yɛnwuni ye animnyam kyɛ Baba n’Awa bɔ ɔwole ye komapɛ twe n’animnyam, na adom ne nahorɛ ayi ye tɛkyɛ.

Romanfoɛ 1:3

nzɛmba ne bɔ ɔfa Ɔwa Yesu Kristo bɔ ɔte y’Awurade ne, bɔ anwoɔnaen nu de, ɔte Dawide bosoniɛ ne nwo;

Romanfoɛ 15:3

Ofikyɛ Kristo koso wanyɔ bɔ ɔkɔma ye ngome ye nwo kɔtɔ ye ɔ, kyɛbɔ bahyerɛ kyɛ, “Bɛ bɔ bɛbɔle wɔ alapaa ne, b’alapaa ne waagua me so.”

Romanfoɛ 15:8

Na mekã mekyire ɛmɔ kyɛ, Kristo yɛle somvoɛ mane bienzuapɛlɛfoɛ nemɔ fa hyirele Nyameɛ nahorɛlilɛ, kyɛ ɔma bɔhyɛ bɔ bɛhyɛle yɛ nana mɔ ne otindim,

Romanfoɛ 8:3

Na bɔ mmeraa ne wangora wanyɔ, bɔ ɔnate kyɛ anwoɔnaen ne maa ɔyɛle mmerɛ ne ati, Nyameɛ ayɔ. Ɔsomane Ɔwa komapɛ ne maa ɔyɛle ye nwo kyɛ kuro sona, bɔ ole bɔne nwonaen ɔ, na ɔfa buale bɔne foɛ wɔ anwoɔnaen nu,

2 Korintofoɛ 13:4

Ɔwɔ nu kyɛ bɛbɔle ye mmeamudua nu wɔ mmerɛyɛlɛ nu de, nakoso ɔnate Nyameɛ tumi so ɔte ase. Yɛ koso, yɛyɛ mmerɛ wɔ ye nu, nakoso yɛnate Nyameɛ tumi so yɛne ye kɔtena ase.

2 Korintofoɛ 8:9

Ɛmɔse kyɛbɔ y’Awurade Yesu Kristo adom ne si te ɔ: né wanya ye nwo, nakoso ɔnate ɛmɔ ti ɔyɛle hianiɛ, amaa ɛmɔafa ye hiaa ne aso banya bɛ nwo.

Galatiafoɛ 4:4

Nakoso mmerɛ bɔ Nyameɛ ahyehyɛ ato berɛ ne dwuli ne, ɔsomane Ɔwa ne maa ɔwale. Brasua yeɛ ɔwole ye ɔ, na bɛwole ye bewurale mmeraa ne abo,

Filipifoɛ 2:6

Ye bɔ ɔwɔ Nyameɛ tebea nu de, nakoso wambere wanyɛ ye nwo kyɛ ɔne Nyameɛ bɛte pɛ ɔ,

Hebrifoɛ 12:2

Ɛ́mɔma yɛnea Yesu bɔ ɔte yɛ gyidie ahyɛaseɛ ne ayieleɛ ne. Na ɔnate anigye bɔ né ɔla ye nyunu ne ati, omiane ye nye fale amaneɛ ne animguaseɛ wue nu wɔ mmeamudua ne aso, na waatena Nyameɛ ahennie bia ne famaa so.

Hebrifoɛ 13:3

Ɛ́mɔkaye kukunufoɛ, kyɛ ebiaa ɛmɔ ne bɛ yeɛ begua kuku nu ɔ; ɔne bɛ bɔ benwu amaneɛ, kyɛ ebiaa ɛmɔ ne bɛ yeɛ benwu amaneɛ ne ɔ.

Hebrifoɛ 4:15

Yɛ sɔfo panyi paa he de, ɔtte ebie bɔ ɔngora nnwu yɛ anwumvoin wɔ yɛ mmerɛyɛlɛ nu ɔ; na mmom ɔte ebie bɔ besole ye bɛneane wɔ atee biala so kyɛ yɛ ala, nakoso wanyɔ bɔne ɔ.