Filipifoɛ 2:3 - AHYERƐLƐ KRONGRON

³ Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

Filipifoɛ 2:3 Iomraidhean Croise

Anyandera 13:10

Anwomasoɛ ne basabasayɔlɛ yeɛ bɛnate ɔ, nakoso bɛ bɔ betie foɛtulɛ ne de, nworɛ ne bɛ yeɛ bɛnate ɔ.

Luka 18:14

Na Mekã mekyire ɛmɔ kyɛ, sɔ sona he mmom yeɛ Nyameɛ buale be maa ɔhɔle ye awuro ɔ, na nna ko ne ɔ; ofikyɛ ebiala bɔ ɔma ye nwo so ne, bɛkɔbrɛ ye ase, nakoso bɔ ɔbrɛ ye nwo ase ne de, bɛkɔma ye so.”

Romanfoɛ 12:10

Ɛmɔhurohuro ɛmɔ nwo dwirɛ kyɛ aliɛmaa mɔ, ná ɛ́mɔli moa bɛ́fa anidie bɛ́moma bɛ nwo bɛ nwo.

Romanfoɛ 13:13

Ɛ́mɔma yɛbɔ bra paa bɔ ɔfata alehyeleɛ ɔ, na nna kyɛ anigye mmorosoɛ ne nzaabolɛ nu, nna adwamanbɔlɛ ne ahohwie nu, ngondii ne anyeboroborolɛ nu.

Romanfoɛ 2:8

Yiti Nyameɛ kɔfɛ bɛ bɔ bɛte pɛsɛmangomenya ná bɛyɛ nahorɛ ne nwo asoserɛ, ná afei bedi bɔne si ne aso yaa piri paa, ná wamaa banwu amaneɛ.

1 Korintofoɛ 15:9

Ofikyɛ me yeɛ nde asomafoɛ nemɔ nu kãa paa ɔ; memvata kyɛ bɛfrɛ me somafoɛ, ɔnate kyɛ ndanene Nyameɛ asɔre ne nye.

1 Korintofoɛ 3:3

Ofikyɛ ɛmɔ brabɔlɛ tɛte kyɛ ewiasefoɛ abrabɔ. Na aberɛ bɔ anyeboroborolɛ ne apindapinda wɔ ɛmɔ afia ye de, aso ɛhe ngyire kyɛ ɛmɔte anwoɔnaenufoɛ bɔ ɛmɔ yɔleɛ te kyɛ ewiasefoɛ ɔ?

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Galatiafoɛ 5:15

Nakoso sɛ ɛmɔkeka ná ɛmɔpurapura ɛmɔ nwo de a, ɛ́mɔnea yé ná ɛmɔangukũ ɛmɔ nwo.

Galatiafoɛ 5:26

Nnɛmɔma yɛmoma yɛ nwo so, yɛfefɛ yɛ nwo yaa ná yɛma yɛ nye boro yɛ biɛngo.

Ɛfesofoɛ 4:2

anwobrɛaseɛ ne awiɛmvoɛyɛlɛ amukoraati nu, aboterɛ nu, ná ɛmɔhurohuro ebiala dwirɛ kyɛbɔ ebiala te ɔ wɔ ɔdɔ nu;

Ɛfesofoɛ 5:21

Na ɔsɛ kyɛ ɛmɔfa Kristo nu esurolɛ nu bɛbrɛ ɛmɔ nwo ase bɛmoma bɛ nwo.

Filipifoɛ 2:14

Nnɛma ɛmɔfa nwuhunwuhu ne aporowaasulɛ bɛyɔ nikyee biala,

Kolosefoɛ 3:12

Ɛmɔte mmenia bɔ Nyameɛ aneanea nu waye ɛmɔ ɔ, anwoteefoɛ ne adɔfo, yiti ɛ́mɔfa anwumvoinnwunɛ, paayɛlɛ, awiɛmvoɛ yɔbea ɔne anwobrɛaseɛ ne aboterɛ bɛbɔ ɛmɔ bra.

Kolosefoɛ 3:8

Nakoso kekesaala ye de, ɛ́mɔgyi ɛhemɔ amukoraa bégua: ɛyaafɛlɛ, ahone tɛɛ, ɛpɔen, musue dwirɛ ne edwudwolɛ fiɛ.

1 Timoteo 6:4

sɔ sona ne moma ye nwo so, na ɔnze huu, aporowaasulɛ ne aporowaasulɛ kyengyekyengye ali ye ti; na bɔ ofi nu ba ole anyeboroborolɛ, mbakyembakyemuɛ, nzekure, mmenia nwo adwenemmɔne,

1 Petro 3:8

Bɔ ɔpɛ ye bo ɔ, ɛmɔ amukoraa ɛ́mɔnya adwene ko, ɛ́mɔnwunwu ɛmɔ nwo anwumvoin, ɛmɔhurohuro ɛmɔ nwo dwirɛ kyɛ aliɛmaa mɔ, ɛ́mɔnya tema bɛ́ma ɛmɔ nwo, na ɛ́mɔdwene anwobrɛaseɛ adwene.

1 Petro 5:5

Sɔ ala yeɛ ɛmɔ bɔ ɛmɔte mmabunu ne koso, ɔsɛ kyɛ ɛmɔbrɛ ɛmɔ nwo ase bewura mbanyi mɔ bo ɔ. Ɛmɔ amukoraa, ɛ́mɔfa anwobrɛaseɛ bɛ́hera, ná ɛ́mɔfa bɛ́so ɛmɔ nwo ngoko ngoko, ofikyɛ Nyameɛ nye sa anwomasoɛfoɛ, na ɔdo anwobrɛaseɛfoɛ.