Filipifoɛ 2:26 - AHYERƐLƐ KRONGRON

²⁶ ofikyɛ ye wora dɔ ɛmɔ amukoraa, na ɔha ye kyɛ ɛmɔtele kyɛ anwonyerɛ bɔle ye ɔ.

Filipifoɛ 2:26 Iomraidhean Croise

2 Samuel 13:39

Afei Nana Dawide wora lɔle Absalom, ofikyɛ Amnɔn wue asi ne, nziɛ ye Dawide wora kyekyele.

2 Samuel 24:17

Na Dawide nwuni abɔfo bɔ ogu so oku mmenia nemɔ nen, osele AWURADE kyɛ, “Bɔne ne, me ngome yeɛ mayɔ ɔ, mvomsoɛ ne, me ngome yeɛ mayɔ ɔ. Na mmenia hemɔ bɔ menea bɛ so ye de, nzikyɛ yeɛ bayɔ ɔ? Mesrɛ wɔ ala, ma w’ahonehulɛ ne ɔbra me ne me baba abusuafoɛ so.”

YOB NWOMAA NE 9:27

Sɛ meka kyɛ, ‘Ngɔma me wora kofi somoɛ bɔ mebɔ ne, ngɔyakyi me nyunu bɔ mayɛ ye aworabɔlɛ aworabɔlɛ ne, ná mama me nye agye’ a,

Edwein 69:20

Alapaa ama me wora abɔ, maa ɔnate so wabɔ me anwonyerɛ. Ahaa mepena sona bɔ ɔkɔdodo me ɔ, nakoso mbaen ɔ; yeɛ ahaa mepena aworakyekyerɛfoɛ, nakoso mannya ko po.

Anyandera 12:25

Ahunundetelɛ ma sona di aworabɔlɛ yɛ bosaa, nakoso edwirɛ paa ma ye wora kyekye.

Yesaya 61:3

kyɛ bɛ bɔ bedi aworabɔlɛ wɔ Sion ne, mva nyerɛen akomuade nzi nzoen gya nu mma bɛ, kyɛ mva anigye ngoo nzi aworabɔlɛ gya nu mma bɛ, kyɛ mva ayɛyelɛ tena nzi aworabɔlɛ gya nu, amaa ɔnate so bafrɛ bɛ tenenee mmakaa, bɔ AWURADE alua bɔ ɔhyɛ ye animnyam ɔ.

Mateo 11:28

“Ɛmɔ amukoraa bɔ ɛmɔayɔ adwuma bafɛ ná bafa adesoa nonɛnonɛ basoa ɛmɔ ne, ɛmɔbra me berɛ, na ngɔmaa ɛmɔkole ɛmɔ nwome.

Mateo 26:37

Na ɔfale Petro ne Sebedeo mma nyɔ nemɔ ɔbokale ye nwo so, na aworabɔlɛ ne ahunundetelɛ hyɛle ye bo tɔle ye so.

Asomafoɛ 21:13

Nakoso obuale yɛ kyɛ, “Na esuɛ ye koso ɛ? Bɔ bɛyɔ sɔ bɛma m’aba nu bu ye! Me de, nna kuku nu nnaa ngome yeɛ masiesie me nwo mama ɔ, na mmom kyɛ Awurade Yesu dumaa ti ngowu wɔ Yerusalem ɔ.”

Romanfoɛ 1:11

Ofikyɛ me wora dɔ ɛmɔ, kyɛ ngɔfa sunzum nu akyɛdeɛ ngɔbrɛ ɛmɔ, ná wahyɛ ɛmɔ nguraen;

Romanfoɛ 12:15

Ɛmɔ ne bɛ bɔ bɛ nye aha ne nye ha, na ɛmɔ ne bɛ bɔ besu ne besu.

Romanfoɛ 9:2

kyɛ medi aworabɔlɛ pee ne yealɛ daa wɔ m’ahone nu.

1 Korintofoɛ 12:26

Sɛ akwaa ko nwo kã a, ɔkã bɛ mukoraa. Yeɛ sɛ bɛhyɛ akwaa ko animnyam a, ɔyɛ ye ne akwaa ngaa ne amu fɛ.

2 Korintofoɛ 9:14

na bɛkɔbɔ mbaeɛ bɛkɔma ɛmɔ ná bɛ wora adɔ ɛmɔ, ɔnate Nyameɛ adom mmorosoɛ bɔ ɛmɔanya ne ati.

Galatiafoɛ 6:2

Ɛ́mɔbokaboka bɛ nwo, na sɔ yeɛ ɔmaa ɛmɔdi Kristo mmeraa ne aso pɛpɛɛpɛ ɔ.

Ɛfesofoɛ 3:13

Yiti mesrɛ ɛmɔ kyɛ, nnɛmɔma ɛmɔ abasa nu bu wɔ amaneɛ bɔ ɔnate ɛmɔ ti menwu ye ne anwo, ofikyɛ ɔte ɛmɔ animnyam.

Filipifoɛ 1:3

Ngayeɛ bɔ mekaye ɛmɔ amukoraa nu ne, meda me Nyameɛ ase.

Filipifoɛ 1:8

Nyameɛ di me adanzeɛ, kyɛ Kristo Yesu nu ɔdɔ yeɛ ngyi so bɔ me wora dɔ ɛmɔ amukoraa ɔ.

Filipifoɛ 2:25

Nakoso madwene ye nwo kyɛ ohia kyɛ mesoma nniɛma Epafrodito ɛmɔ berɛ. Ɔte mmiɛngo adwumayɔlɛniɛ ne mmiɛngo asraaniɛ, ɛmɔ bɔfoɛ ne me bokafoɛ;.

Filipifoɛ 2:27

Amba, ewue anwonyerɛ bɔle ye. Nakoso Nyameɛ nwuni ye anwumvoin; nna ye ngome, na me koso onwuni me anwumvoin bie, na wamma me wora ammɔ somaa.

Filipifoɛ 4:1

Yiti aliɛmaa mɔ bɔ mekuro ɛmɔ dwirɛ ná me wora dɔ ɛmɔ ɔ, m’anigyeɛ ne m’abotire; ɛmɔ bɔ ɛmɔla m’ahone nwo ɔ, ɛ́mɔgyina pindinn wɔ Awurade nu.

1 Petro 1:6

Na ɛhe nu yeɛ ɛmɔdi ahurusi paa ɔ, ɔwɔ nu kyɛ kekesaala ye de ɔsɛ kyɛ ɛmɔ wora bɔ kãa, ɔnate nzɔhwɛ ahoroɔ ne ati,