Filipifoɛ 2:2 - AHYERƐLƐ KRONGRON

² ye de, ɔsɛ kyɛ ɛmɔdwene adwene ko, ɛmɔnya ɔdɔ ko, ɛmɔnya koyɛlɛ ne adwene ko maa m’anigye osi pi.

Filipifoɛ 2:2 Iomraidhean Croise

Edwein 122:8

Nniɛma mɔ ne me mmango mɔ ati, ngɔhã kyɛ, “Asomdwee ɔ́tena wɔ nu.”

Yohane 3:29

Bɔ atɔmvorɛ braa ne ɔte ye deɛ ne, ye ole atɔmvorɛ biaa ne. Na atɔmvorɛ biaa n’adamvo bɔ ogyina berɛ, ná otie ye ne de, ɔma ye nye gye paa wɔ atɔmvorɛ biaa ne komvi nwo; yiti afei de, m’anigye ne wali mu.

Asomafoɛ 1:14

Bɛ mukoraa bɛmane b’adwene yɛle ko betuli bɛ nwo besiele berɛ bɛbɔle mbaeɛ, bɛne mmrasua nemɔ ne Yesu maame Maria ne Yesu aliɛmaa mɔ.

Asomafoɛ 2:1

Pɛntekɔso kyẽa ne dwuli ne, né agyidifoɛ nemɔ amukoraa baboa bɛ noa neka horɛ.

Asomafoɛ 2:46

Na alehyeleɛ biala, beyiale asɔneyɛɛ sua nu ngabonu nu, belili adi wɔ b’awuro mɔ nu, na bɛfale anigye ne ahone bɔ nu te ɔ bedidili;

Asomafoɛ 5:12

Na nzɛngyerɛnneɛ ne anwanwadeɛ pee fale asomafoɛ nemɔ so lale ali wɔ maen ne anu. Né bɛ mukoraa bayɛ adwene ko bayia nu wɔ Solomon Abrannaa so.

Romanfoɛ 12:16

Ɛmɔ amukoraa bɛ́yɛ adwene ko; na nnɛma ɛmɔmoma ɛmɔ nwo so, na mmom ɛ́mɔbrɛ ɛmɔ nwo ase. Nnɛma ɛmɔbu ɛmɔ nwo nworɛfoɛ.

1 Korintofoɛ 1:10

Nniɛma mɔ, mefa y’Awurade Yesu Kristo dumaa mesrɛ ɛmɔ kyɛ ɛmɔ amukoraa ɛ́mɔyɛ ko ná mbakyembakyemuɛ amma ɛmɔ nu; na ɛ́mɔyɛ ko wɔ adwene ko ne porɛ bɔlɛ ko nu.

2 Korintofoɛ 13:11

Afei aliɛmaa mɔ, mekra ɛmɔ oo! Ɛ́mɔma ɛmɔ nwo te, ɛ́mɔma ɛmɔ wora kyekye, ɛmɔnya adwene ko, ɛmɔtena asomdwee nu, na ɔdɔ ne asomdwee Nyameɛ ɔne ɛmɔ kɔtena.

2 Korintofoɛ 2:3

Na ɛhe ati yeɛ ɔmaa ngyerɛle ɛmɔ krataa hene ɔ, amaa sɛ meba a, mmenia bɔ ɔsɛ kyɛ bɛgyegye me nye ne, bamma me wora ammɔ. Ofikyɛ mede ɛmɔ amukoraa medi kyɛ sɛ me nye gye a, né ebiala nye agye.

2 Korintofoɛ 7:7

Nna ye walɛ ne angome, na mmom aworakyekyerɛ bɔ onya fili ɛmɔ berɛ ne koso boka so. Ofikyɛ ɔbɔle yɛ amaneɛ kyɛ ɛmɔ wora dɔ me, aworabɔlɛ aha ɛmɔ, na ɛmɔgyi me si, na ɛhe maa nyane anika mmorosoɛ.

Filipifoɛ 1:4

Daa biala, me mbaeɛbɔlɛ amukoraa nu, mebɔ mbaeɛ mema ɛmɔ amukoraa wɔ anigye so;

Filipifoɛ 2:16

wɔ mmerɛ bɔ ɛmɔtira ngoa dwirɛ ne anu serɛserɛ ɔ; amaa wayɛ m’anwohoahoa wɔ Kristo kyẽa ne, kyɛ amirika bɔ nduli ne wanyɛ mbaen, yeɛ me fɛɛ adwumaa ne koso wanyɛ mbaen.

Filipifoɛ 2:20

Ebiala nne berɛ bɔ ɔne m’adwene te ko, kyɛ ye bɔ ɛmɔ yeeyɛlɛ hia ye ɔ.

Filipifoɛ 4:2

Mekoto mesrɛ Yiwodia, yeɛ mekoto mesrɛ Sintike kyɛ bɛma b’adwene yɛ ko wɔ Awurade nu.

Kolosefoɛ 2:5

Ɔwɔ nu kyɛ anwoɔnaen nu de nna me ne ɛmɔ yeɛ yɛwɔ dɔ ɔ, nakoso me ne ɛmɔ yɛwɔ dɔ sunzum nu. Na ɔyɛ me fɛ kyɛ ɛmɔgyi berɛ pindinn ná ɛmɔ gyidie koso atindim wɔ Kristo nu ɔ.

2 Tɛsalonika 2:13

Aliɛmaa mɔ bɔ Awurade kuro ɛmɔ dwirɛ ɔ, ɔte yɛ asɛdeɛ kyɛ ɔnate ɛmɔ ti daa yɛda Nyameɛ ase ɔ. Ofikyɛ Nyameɛ fi ahyɛaseɛ ne yeɛ waneanea nu waye ɛmɔ kyɛ ɛ́mɔnya daa ngoa, bɔ ɔnate Sunzum nu anwotelɛ ne nahorɛ gyidie nu ɔ.

2 Timoteo 1:4

Na mekaye wɔ nye moen ne a, ɔma me wora dɔ wɔ kyɛ ngonwu wɔ paa ɔ, ná ahaa me nye agye.

Filemɔn 1:20

Yiti aliɛmaa, maa nya anigye bie mvi wɔ berɛ wɔ Awurade nu; kyekye me wora wɔ Kristo nu.

2 Yohane 1:4

Ɔyɛle me fɛ paa, kyɛ nwuni kyɛ wɔ mma nemɔ bie nate nahorɛ ne anu kyɛbɔ Baba ne hyɛle yɛ ne ala.

3 Yohane 1:4

Nikyee biala mma me anigye bɔ ɔtra so te kyɛ ngɔte kyɛ me mma mɔ nate nahorɛ ne anu ɔ.