Filipifoɛ 2:16 - AHYERƐLƐ KRONGRON

¹⁶ wɔ mmerɛ bɔ ɛmɔtira ngoa dwirɛ ne anu serɛserɛ ɔ; amaa wayɛ m’anwohoahoa wɔ Kristo kyẽa ne, kyɛ amirika bɔ nduli ne wanyɛ mbaen, yeɛ me fɛɛ adwumaa ne koso wanyɛ mbaen.

Filipifoɛ 2:16 Iomraidhean Croise

Edwein 40:9

Mahã tenenee nwo ndɛenvɛen ne wɔ badwa kandinga ne anu. Ao AWURADE, kyɛbɔ wɔ bɔbɔ ɛse ne, amba, mangã me noa mando nu.

Edwein 71:17

Ao Nyameɛ, ofi me mmerandeɛ nu yeɛ ahyirehyire me ɔ, na mekɔ so mebɔ w’anwanwadeɛ nwo dawure.

Yesaya 49:4

Na nzele kyɛ, “Mafɛ mbaen, masɛkye m’anwoserɛ magua mbaen bɔ mvasoɛ amma so ɔ. Nakoso, nahorɛ nu, me ndɛenbualɛ wɔ AWURADE sa nu, yeɛ m’akatuaa wɔ Nyameɛ sa nu.”

Mateo 10:27

Na bɔ mekã mekyire ɛmɔ awosii nu ne, ɛmɔhã ye eyia ketee; yeɛ bɔ batu ye nwo asure maa ɛmɔate ne, ɛ́mɔbɔ ye dawure wɔ sua ti afia.

Luka 12:8

“Mekã mekyire ɛmɔ kyɛ, ebiala bɔ ɔkɔbɔ me dumaa mmenia nyunu nen, Sona Awa ne koso ɔkɔbɔ ye dumaa Nyameɛ abɔfo mɔ nyunu.

Yohane 6:63

Sunzum ne yeɛ ɔma ngoa ɔ; na anwoɔnaen ne de, ɔtte huu. Edwirɛ bɔ mahã mahyire ɛmɔ ne, ɔte sunzum ne ngoa.

Yohane 6:68

Na Simɔn Petro buale ye kyɛ, “Awurade, nwa berɛ yeɛ yɛkɔhɔ ɔ? Wɔ yeɛ ele daa ngoa dwirɛ ɔ;

Asomafoɛ 13:26

“Aliɛmaa mɔ, Abraham bosofoɛ ne Amaenmaensofoɛ mukoraa bɔ besuro Nyameɛ ɔ, yɛ berɛ yeɛ Nyameɛ somane ngoalelɛ dwirɛ ne ɔ.

1 Korintofoɛ 1:8

Ye yeɛ okogyina ɛmɔ si pindinn koodwu ayieleɛ, amaa ɛmɔanni nikyee biala nwo fɔ wɔ y’Awurade Yesu Kristo kyẽa ne.

1 Korintofoɛ 9:26

Yiti me de, mendu amirika asunzumabo, yeɛ mendo me twɔleɛ kyɛ ebie bɔ ɔto ye deɛ gua mvrama nu ɔ.

2 Korintofoɛ 1:14

kyɛbɔ ɛmɔate yɛ bo bue bue ne, amaa ɔnate so ɛmɔafa yɛ bahoahoa ɛmɔ nwo kyɛbɔ yɛ koso yɛkɔfa ɛmɔ yɛkɔhoahoa yɛ nwo wɔ Awurade Yesu kyẽa ne.

Galatiafoɛ 2:2

Nyane nyekyire ti yeɛ ngɔle berɛ ɔ, na mvale nzɛmba bɔ mekã mekyire Amaenmaensofoɛ ne ndole bɛ nyunu; nakoso mbanyi nemɔ de, nga ngyirele bɛ wɔ ahameɛ, amaa adwuma bɔ meyɔ, ɔne bɔ mayɔ ye daa ne anyɛ mbaen.

Galatiafoɛ 4:11

Mesuro kyɛ ebiaa ɛmɔ nwo fɛɛ bɔ mafɛ ne ayɛ mbaen.

Filipifoɛ 1:10

amaa ɛmɔahora banwu nningyein bɔ ɔte paa, ná ɛmɔayɛ mmenia bɔ ɛmɔ bra te sannwuu bɔ ngekalewa biala nne ɛmɔ nwo ɔ, maa waadwu Kristo kyẽa ne,

Filipifoɛ 1:6

na mede medi kyɛ, ye bɔ ɔhyɛle adwuma paa bo wɔ ɛmɔ nu ne, ɔkɔhɔ so kɔyɔ koyie maa okoodwu Yesu Kristo kyẽa ne.

1 Tɛsalonikafoɛ 2:19

Na nzikyɛ yeɛ ɔte y’anyelasoɛ, anaa y’anigye, anaa yɛ ngonim abotire bɔ yɛkɔfa yɛkɔhoahoa yɛ nwo wɔ y’Awurade Yesu Kristo nyunu wɔ mmerɛ bɔ ɔkɔwa ne ɔ? Aso nna ɛmɔ ɔ?

1 Tɛsalonikafoɛ 3:5

Ɔnate ɛhe ati, mmerɛ bɔ né mesɔ nu a ɔnzɔ ne, nzomane ye kyɛ ɔɔnea kyɛbɔ ɛmɔ gyidie si gyi ɔ; na mesuro kyɛ ebiaa né abɔnzam aso ɛmɔ anea ama y’adwuma bɔ yɛyɔle ne wayɛ mbaen.

Hebrifoɛ 4:12

Ɔnate kyɛ Nyameɛ dwirɛ ne te ase na anwoserɛ wɔ nu, na ɔyɛ nna tra sɛpɔ biala. Ɔpɛ tonn kɔworo ɛkra ne sunzum b’afia, sona aporɛ so ne ye bowue nu fonyi b’afia, na ɔpɛnzɛpɛnze ahone ne adwene nu nzusuleɛ mukoraa nu.

1 Petro 1:23

Banwo ɛmɔ bamvi nikyee bɔ ɔporɔ ɔ nu, na mmom befili bɔ ɔmborɔ ɔ nu, bɔ bɛnate Nyameɛ dwirɛ bɔ ngoa wɔ nu ná otimu berɛ daa ne aso yeɛ bawo ɛmɔ foforɛ ɔ.

1 Yohane 1:1

Bɔ ɔwɔ berɛ fi ahyɛaseɛ ne, bɔ yate, bɔ yafa yɛ nye yanwu ye, bɔ yanea, ná yafa yɛ sa yahã ye, bɔ ɔfa ngoa dwirɛ ne anwo ne;

Nyekyire 22:17

Na Sunzum ne ne atɔmvorɛ braa ne nwa, “Bra!” Ma ebiala bɔ ɔte ne ɔhã kyɛ, “Bra!” Ma ebiala bɔ nzuhɔen ku ye ne ɔbra. Ma ebiala bɔ okuro ne oole ngoa nzue ne mbaen.