Filipifoɛ 2:14 - AHYERƐLƐ KRONGRON

¹⁴ Nnɛma ɛmɔfa nwuhunwuhu ne aporowaasulɛ bɛyɔ nikyee biala,

Filipifoɛ 2:14 Iomraidhean Croise

Edwein 106:25

Bɛyɛle nwuhunwuhu wɔ b’ɛtena sua nemɔ anu, na bandie AWURADE dwirɛ.

Anyandera 13:10

Anwomasoɛ ne basabasayɔlɛ yeɛ bɛnate ɔ, nakoso bɛ bɔ betie foɛtulɛ ne de, nworɛ ne bɛ yeɛ bɛnate ɔ.

Numeri 14:27

“Mmenia amumuyɛɛfoɛ ye, bɛkɔpenepene bɛ komvi bekogua me so maa okoodwu kyinzu? Mate Yisraelfoɛ bɛ komvi bɔ bɛpenepenene beguale me so ne.

Mateo 20:11

Na bɛ sa hane b’akatuaa nen, bɛyɛle eboo mene ne so nwuhunwuhu

Marko 14:5

Ahaa bɛkɔhora bɛkɔtɔne sakyeɛfona he maa ɔkɔbo denare ɛyaa nza, ná bafa sikaa ne bama ehiafoɛ.” Na bedwudwole braa ne.

Marko 9:14

Beedwuli ye asuafoɛ nemɔ nwo berɛ nen, benwuni mmenia pembepembe bɔ bapɛ bɛ nwo bayia ɔ, yeɛ ahyerɛlɛfoɛ mɔ kyɛ bɛne bɛ besu aporowaa ɔ.

Luka 5:30

Na Farasiifoɛ ne b’ahyerɛlɛfoɛ nemɔ bɛpenepene bɛ komvi behyirele ye asuafoɛ nemɔ kyɛ, “Nzu ati yeɛ ɛmɔ ne ɛtoɔdidelɛfoɛ ne bɔnefoɛ bedidi ná bɛno ɔ?”

Asomafoɛ 15:2

Ɛhe mane Pɔɔlo ne Banaba bɛne mmenia nemɔ benyane dwudwolɛ besuli aporowaa serɛserɛ wɔ sɔ dwirɛ he anwo. Yiti betuli mmenia kyɛ bɛboka Pɔɔlo ne Banaba so bɛhɔ Yerusalem beenwu asomafoɛ nemɔ ne mbanyi mɔ wɔ sɔ dwirɛ he anwo.

Asomafoɛ 15:39

Na ɛhe nwo aporowaasulɛ yɛle kyengye paa mane bɛ munyɔ b’afia tetele: Banaba fale Yohane Marko bokale ye nwo so, na ɔne ye fale ɛlɛen hɔle Kipro,

Asomafoɛ 15:7

Bɛkekane ye nwo bie dee, na Petro dwɔso sele bɛ kyɛ, “Aliɛmaa mɔ, ɛmɔse kyɛ mmerɛ bie bɔ wapɛ nu wahɔ ɔ, Nyameɛ neaneane nu yele me fili ɛmɔ nu, kyɛ nga nzɛmba ne ngyire Amaenmaensofoɛ maa bɛ koso bɛte dwirɛ ne na bele beli.

Asomafoɛ 6:1

Na sɔ mmerɛ ne anu, bɔ né asuafoɛ nemɔ bɛ́kɔ so bɛ́sone pee ne, Helafoɛ nemɔ bɛyɛlɛ nwuhunwuhu betiale Hebrifoɛ nemɔ, ofikyɛ né bebu bɛ nye begua Helafoɛ akunafoɛ mmrasua mɔ so, sɛ ɔba daa biala nningyein hyɛlɛ nu a.

Romanfoɛ 12:18

Sɛ ɛmɔkɔhora a, ɛmɔ bue nu de, ɛmɔ ne ebiala bɛ́tena asomdwee nu.

Romanfoɛ 14:1

Sona bɔ ɔyɛ mmerɛ wɔ gyidie nu ne, ɛ́mɔle ye bɛto nu, na nnɛma ɛmɔ ne ye su aporowaa fa nikyee bɔ ɛmɔ ne ye nyɛ adwene nwo.

Romanfoɛ 16:17

Aliɛmaa mɔ, metu ɛmɔ foɛ kyɛ, ɛ́mɔnea ɛmɔ nwo yé wɔ mmenia bɔ bɛfa mbakyembakyemuɛ ne sundidua bɛba, bɔ otia ngyerɛkyerɛ bɔ ɛmɔasua ne. Ɛmɔhwe ɛmɔ nwo befi bɛ nwo!

1 Korintofoɛ 10:10

Yeɛ nnɛmɔma yɛpenepene yɛ komvi kyɛbɔ bɛ nu biemɔ yɔle ná ewue abɔfo oohuhuni bɛ ne.

2 Korintofoɛ 12:20

Na mesuro ye si kyɛ sɛ meba a, ngoonwu ɛmɔ wɔ atee bɔ menguro so, ná ɛmɔ koso ɛmɔanwu me wɔ atee bɔ ɛmɔnguro so. Ebiaa ngɔɔto ɛmɔ ne ngondii, ahoɔyea, ɛyaafɛlɛ, pɛsɛmangomenya, bɛ gya ndii nu pepɛlɛ, nzekure, anwomasoɛ ne basabasayɔlɛ nu.

Galatiafoɛ 5:15

Nakoso sɛ ɛmɔkeka ná ɛmɔpurapura ɛmɔ nwo de a, ɛ́mɔnea yé ná ɛmɔangukũ ɛmɔ nwo.

Galatiafoɛ 5:26

Nnɛmɔma yɛmoma yɛ nwo so, yɛfefɛ yɛ nwo yaa ná yɛma yɛ nye boro yɛ biɛngo.

Filipifoɛ 2:3

Nnɛma ɛmɔfa pɛsɛmangomenya anaa nduhoɛ bɛyɔ nikyee biala, na mmom ɔsɛ kyɛ ɛmɔfa anwobrɛaseɛ adwene bebu ɛmɔ mmango mɔ bɛtra ɛmɔ bɔbɔ ɛmɔ nwo.

1 Tɛsalonikafoɛ 5:13

na ɔnate b’adwuma ti ɛ́mɔfa anidie paa ne ɔdɔ bɛ́ma bɛ. Ɛ́mɔtena asomdwee nu.

1 Tɛsalonikafoɛ 5:15

Ɛ́mɔnea yé ná ebiala amva bɔne andua bɔne kerɛ, na mmom ɛ́mɔnea kyɛ daa biala ɛmɔkɔyɔ paa bɛkɔmoma ɛmɔ nwo ne mmenia amukoraa.

Hebrifoɛ 12:14

Ɛ́mɔbɔ mmɔden bɛ ne mmenia mukoraa bɛtena asomdwee nu, ná ɛmɔbɔ bra bɔ ye nwo te ɔ, ofikyɛ sɛ ɛmɔ bra anyɛ krongron a, ɛmɔngonwu Awurade.

Yakobo 1:20

ofikyɛ sona yaafɛlɛ ɔnyɔ bɔ ɔtengyɛ wɔ Nyameɛ nye so ɔ.

Yakobo 3:14

Nakoso sɛ anyeboroborolɛ tɛɛ ne pɛsɛmangomenya wɔ ɛmɔ ahone nu a, ye de nnɛma ɛmɔhoahoa ɛmɔ nwo, yeɛ nnɛma ɛmɔpɛ ngondombo betia nahorɛ ne.

Yakobo 5:9

Aliɛmaa mɔ, nnɛma ɛmɔbobɔ kwaadu betiatia ɛmɔ nwo, ná bammua ɛmɔ ndɛen. Ɛ́mɔnea, ndɛenbualɛniɛ ne ogyi anoa nu berɛ.

1 Petro 3:11

Maa ohyi bɔne ná ɔyɔ bɔ ɔte paa ɔ; maa ɔpena asomdwee boso ná oli ye si.

1 Petro 4:9

Ɛ́mɔte ɛmɔ nyunu bɛso ɛmɔ nwo ɛmɔ nwo wɔfoɛ.

Yuda 1:16

Ɛhemɔ te mmenia bɔ bɛ kunu ndwo, somoɛbɔlɛfoɛ, bedi bɛ bɔbɔ b’akɔnnɔ si, bɛfa bɛ noa bɛhoahoa bɛ nwo, na adifuu ti bɛdɛfɛdɛfɛ mmenia.